கிராமத்துக் கைமணம் – கேழ்வரகு

by **சாமி** Mon Mar 03, 2014 8:49 pm

First topic message reminder :

100 கிராம் தானியத்தில் உள்ள சத்துக்கள்

கிராமத்துக் கைமணம் – கேழ்வரகு - Page 3 F3HblJQnGwuI02b7SMQ1+Untitled

கேழ்வரகில் ‘மித்தியானைன்’ என்னும் ஒரு முக்கியமான அமினோஅமிலம் உள்ளது. வயோதிகத்தைக் கட்டுப்படுத்தவும், தோல், நகம், முடியின் அழகைப்பேணவும் இந்த ‘மித்தியானைன்’ புரதச்சத்து அவசியம். இது ஈரலில் படியும் கொழுப்பை விரட்ட உதவுகிறது. வயோதிகம், மூட்டுவலி, ஆண்மைக்குறைவு என பல நோய்களுக்குக் கேழ்வரகு நல்ல பலன் அளிக்கிறது.

பாலைக்காட்டிலும் மூன்று மடங்கு கால்சியமும், அரிசியை விட 10 மடங்கு கால்சியமும் கேழ்வரகில் உண்டு. ஆனால் பாலும் அரிசியும் உடம்பு வளர்க்கும். கேழ்வரகோ உடல் வற்ற உதவும்.

by **சாமி** Thu Apr 03, 2014 9:48 pm

15. கேழ்வரகு முறுக்கு

கிராமத்துக் கைமணம் – கேழ்வரகு - Page 3 FqI1S4ZmRaaSfFhCD8Az+kezvaragumuruku

தேவையானப்பொருட்கள்:
கேழ்வரகு மாவு - 2 கப்
அரிசி மாவு - 1 கப்
பொட்டுக்கடலை மாவு - 1/2 கப்
வெண்ணை அல்லது நெய் - 3 டீஸ்பூன்
வெள்ளை எள் - 1 டேபிள்ஸ்பூன்
மிளகாய் தூள் - 1 டீஸ்பூன்
பெருங்காயத்தூள் - 1/4 டீஸ்பூன்
உப்பு - 2 டீஸ்பூன் அல்லது தேவைக்கேற்றவாறு
எண்ணை - பொரிப்பதற்கு தேவையான அளவு

செய்முறை:
1/4 கப் பொட்டுக்கடலையை மிக்ஸியில் போட்டு நன்றாகப் பொடித்துக் கொள்ளவும்.
ஒரு பாத்திரத்தில் கேழ்வரகு மாவு, அரிசி மாவு, 1/2 கப் பொட்டுக்கடலை மாவு, மிளகாய் தூள், பெருங்காயத்தூள், எள், வெண்ணை அல்லது நெய், உப்பு ஆகியவற்றப் போட்டு நன்றாகக் கலந்துக் கொள்ளவும். பின்னர் அதில் சிறிது சிறிதாக தண்ணீரை விட்டு மிருதுவாக முறுக்கு மாவு பதத்திற்கு பிசைந்தெடுத்துக் கொள்ளவும்.

ஒரு வாணலியில் எண்ணை விட்டு சூடாக்கவும். முறுக்கு அச்சில் மூன்று கண் நட்சத்திர வடிவிலான வில்லையைப் போட்டு, மாவை அதில் போட்டு எண்ணையில் சிறு சிறு வட்டங்களாக பிழிந்து விடவும். முறுக்கை திருப்பி விட்டு நன்றாக வெந்ததும் எடுத்து வைக்கவும்.

கவனிக்க: முறுக்கின் நிறம் கறுப்பாக இருப்பதால், முறுக்கு வெந்து விட்டதா என்பதை நிறத்தை வைத்து கணிக்க முடியாது. எனவே முறுக்கை எண்ணையில் பிழிந்தவுடன் ஏற்படும் எண்ணையின் சலசலப்பு சத்தம் அடங்கியவுடன் எடுத்தால் சரியாக இருக்கும்.

by **சிவா** Thu Apr 03, 2014 10:41 pm

#கேழ்வரகு சமையல் ஈகரையில் களைகட்டுகிறது! நன்றி திரு @சாமி

by **krishnaamma** Fri Apr 04, 2014 1:57 pm

சாமி wrote:[link="/t108576-topic#1055363"]5. கேழ்வரகு அடை

தேவையான பொருட்கள் :-
கேழ்வரகு மாவு : 2 கப்
வெங்காயம் : பெரியது 1
பச்சைமிளகாய்: 2
முருங்கைகீரை : 1 கப் (ஆய்ந்து வைத்துக்கொள்ளவும்)
உப்பு: தேவைக்கேற்ப
எண்ணெய்:- தேவைக்கேற்ப

செய்முறை:-
வாணலில் சிறிது எண்ணெய் விட்டு, அதில் பொடியாக நறுக்கிய வெங்காயம் போட்டு வதக்கவும், நடுவே பொடியாக நறுக்கிய பச்சைமிளகாய் சேர்க்கவும் கடைசியாக கீரையை போடு கரண்டியை திருப்பி பிடித்து கரண்டிக்காம்பால் கீரையை வதக்கவும். இதனால் கீரை ஒன்றோடு ஒன்று ஒட்டாமல் எளிதாக வதக்கவரும்.

வதங்கியவுடன் இதை அப்படியே கேழ்வரகு மாவில் கொட்டி, உப்பு சேர்த்து தண்ணீர்விட்டு சப்பாத்தி மாவு பதத்திற்கு பிசைந்து வைத்துக்கொள்ளவும். தோசை கல் வைத்து, ஒரு தட்டின் மீது ஈரதுணியை நன்கு பிழிந்து போட்டு இந்த மாவை உருண்டைகளாக நடுவில் வைத்து அடைகளாக தட்டவும். தட்டிய அடைகளை அப்படியே தோசை கல்லில் போட்டு சுற்றி எண்ணெய் ஊற்றி இரண்டு பக்கமும் நன்கு வெந்தவுடன் இறக்கவும்.

சூடான சூப்பர் கேப்ப அடை ரெடி..!!

இந்த அடை எங்க அம்மா செய்வா புன்னகை

நானும் செய்வேன் சூப்பராக இருக்கும் புன்னகை

by **ஜாஹீதாபானு** Fri Apr 04, 2014 2:05 pm

கேழ்வரகு முறுக்கு வித்தியாசமா இருக்கு செய்து பார்க்கிறேன்

by **சாமி** Fri Apr 04, 2014 7:17 pm

ஜாஹீதாபானு wrote:[link="/t108576p15-topic#1056294"]கேழ்வரகு முறுக்கு வித்தியாசமா இருக்கு செய்து பார்க்கிறேன்

செஞ்சா மட்டும் போறாது...கொஞ்சம் பார்சலும் அனுப்பி வையுங்க!

by **ஜாஹீதாபானு** Sat Apr 05, 2014 5:04 pm

சாமி wrote:[link="/t108576p15-topic#1056315"]
ஜாஹீதாபானு wrote:[link="/t108576p15-topic#1056294"]கேழ்வரகு முறுக்கு வித்தியாசமா இருக்கு செய்து பார்க்கிறேன்

செஞ்சா மட்டும் போறாது...கொஞ்சம் பார்சலும் அனுப்பி வையுங்க!

அட்ரஸ் அனுப்புங்க பார்சல் அனுப்புறேன் அண்ணா:0

by **சிவா** Sat Apr 05, 2014 5:23 pm

ஜாஹீதாபானு wrote:
அட்ரஸ் அனுப்புங்க பார்சல் அனுப்புறேன் அண்ணா:0

உங்கள் சமையலைப் பற்றித் தெரியாமல் கேட்டுவிட்டார், பாவம் அவர் மீது கருணை காட்டி விட்டுவிடுங்கள்!

by **ஜாஹீதாபானு** Sat Apr 05, 2014 5:54 pm

சிவா wrote:[link="/t108576p15-topic#1056440"]
ஜாஹீதாபானு wrote:
அட்ரஸ் அனுப்புங்க பார்சல் அனுப்புறேன் அண்ணா:0

உங்கள் சமையலைப் பற்றித் தெரியாமல் கேட்டுவிட்டார், பாவம் அவர் மீது கருணை காட்டி விட்டுவிடுங்கள்!

தெரிந்தால் தானே அடுத்து கேட்க மாட்டார் ஜாலி

by **சிவா** Sat Apr 05, 2014 5:59 pm

ஜாஹீதாபானு wrote:[link="/t108576p15-topic#1056445"]
சிவா wrote:[link="/t108576p15-topic#1056440"]
ஜாஹீதாபானு wrote:
அட்ரஸ் அனுப்புங்க பார்சல் அனுப்புறேன் அண்ணா:0

உங்கள் சமையலைப் பற்றித் தெரியாமல் கேட்டுவிட்டார், பாவம் அவர் மீது கருணை காட்டி விட்டுவிடுங்கள்!

தெரிந்தால் தானே அடுத்து கேட்க மாட்டார்

ஆமாம், இப்படியும் கூறலாம், நன்றாக தெரிந்து கொள்ளட்டும், ஒரு சிறப்புச் சமையலை அவருக்கு உடனடியாக அனுப்பி வையுங்கள் அக்கா!

by **சாமி** Sat Apr 05, 2014 9:17 pm

சிவா wrote:[link="/t108576p15-topic#1056440"]
ஜாஹீதாபானு wrote:
அட்ரஸ் அனுப்புங்க பார்சல் அனுப்புறேன் அண்ணா:0

உங்கள் சமையலைப் பற்றித் தெரியாமல் கேட்டுவிட்டார், பாவம் அவர் மீது கருணை காட்டி விட்டுவிடுங்கள்!

வடை மட்டும்தானே பிரச்சினை.... ஒட்டுமொத்த சமையலுமா ?!?!