அந்தாதி

by myimamdeen Sat Mar 01, 2014 7:16 pm

யுத்தங்கள் எங்கள் புத்தகத்தின் பக்கங்கள்
==பக்கங்கள் தொடர்ந்தும் வலிகளின் இரத்தங்கள்
இரத்தங்களின் காடுகளாய் ஆன உலகம்
==உலகத்தில் இல்லை மாண்புமிகு மனிதம்
மனிதம் இருக்குமிடத்தில் மாறாத மனிதன்
==மனிதன் ஆகவில்லை இன்னும் மாபெரும் புனிதன்
புனிதனாக வாழ்ந்து காட்ட எங்கே இங்கு யாரும்
==யாருமில்லா உலகத்திலே வந்ததுண்டா யுத்தங்கள்.

மதபேதம் பார்த்து நிற்கும் மனித குலம்
== குலமே இன்றி இன்னிசை பாடும் பறவைக்கூட்டம்
கூட்டம் போட்டு ஓட்டு கேட்கும் மனித சாதி
==சாதி பார்த்தே ஊரைக் கெடுக்கும் மானிட நீதி
நீதியின்றி நாதியின்றி மறைந்து போகும் ஏழை
==ஏழையென்றால் கோழையென்று மிதிக்கும் நினைப்பு
நினைக்கும் எண்ணம் நல்லதாக நடக்கட்டும்
==நடப்பவை நன்றாக நடந்துவிட்டால் இராது மதபேதம்