திரைப் படப் பாடல்களில் சில ( இலக்கண ) ஐயங்கள் எமக்கு - ஐயம் அகல உதவுங்கள்

pon.sellamuththu wrote:.  .  .  .
ஐயம் - 3

ஆத்தா உன் கோயிலிலே என்ற படத்தில் "பொம்பளைய மதிக்க வேணும்" என்ற பாடலின் இடையில்  "புள்ளைய வளப்பதிலே தூக்கம் பசியை இழந்துபுட்டா" என்ற வரியை கவனிப்போம். தன் குழந்தையை வளர்ப்பதில் அளவு மிகுந்த அக்கரையுள்ள தாய் தூக்கத்தை இழந்தாள். அதாவது தூக்கத்தை இழந்து ( தூக்கமே இல்லாமல் விழித்திருந்து ) தன் குழந்தையை வளர்த்தாள். பசியை இழந்தாள் என்றால் உணவு உட்கொண்டதாகவே பொருள் வருகிறது. "புள்ளைய வளப்பதிலே தூக்கம் உணவை இழந்துபுட்டா" என்று இருப்பதே பொருத்தம் என எண்ணுகின்றோம்.

( ஐயம் தொடரும் )அன்புத் தமிழ் நெஞ்சம்  .  .  பொன். செல்லமுத்து

இந்த பதிவைத் துவங்கியவர் நன்றி கூறியுள்ளார் T.N.Balasubramanian

T.N.Balasubramanian wrote:கண்கள் இரெண்டாக இருந்தாலும் காணும் காட்சி ஒன்றுதான்.
இரண்டு கண்கள் இரண்டு காட்சி காண முடியுமா?
அன்பு தமிழ் நெஞ்சம் --பொன்.செல்லமுத்து ----இருவர் அல்ல ----ஒருவர்தான் அது போல்தான் கண்கள் இரெண்டும் ---ஒன்றுதான்.
ரமணியன்

இந்த பதிவைத் துவங்கியவர் நன்றி கூறியுள்ளார் balakarthik

T.N.Balasubramanian wrote:

சின்னக் கண்ணன் wrote:கண்களிரண்டும், கண்ணிரண்டும் என்று வருவதில் தவறில்லை என நினைக்கிறேன்..கண்ணிரண்டும் தாமரையோ கன்னம் மின்னும் எந்தன் கண்ணா..என்ற பாடலும் நினைவுக்கு வருகிறது..

ஆனால் - ஒவ்வொரு பூக்களுமே சொல்கிறதே - என்னும் பாடல் கேட்கும்போதெல்லாம் நிரடுகிறது..

ரோஜா பூக்கள் சொல்லுகிறதே. ( நீ அழகி என்று --------)
மல்லிகைபூக்கள் சொல்லுகிறதே ( நீ அழகி என்று --------)
ஜாதிப்பூக்கள் சொல்லுகிறதே ( நீ அழகி என்று --------)
ஒவ்வொரு பூக்களும் சொல்லுகிறதே ( நீ அழகி என்று --------)
நிரடுகின்றமாதிரி தெரியவில்லையே.
ரமணியன்

இந்த பதிவைத் துவங்கியவர் நன்றி கூறியுள்ளார் சின்னக் கண்ணன்

venugobal wrote:கண்ணிரண்டால் என்று எழுதுவதில் தவறில்லை. மரபுவழியாக உடல் உறுப்புக்களுக்கு இந்த விலக்கு உண்டு. 'கண்ணு தெரியுதா?' 'காது கேட்குதா?' 'கால் வலிக்குதா?' 'கைக்கு எட்டுமா?' என்றுதான் சொல்வார்கள்; அப்படித்தான் எழுதவேண்டும். இந்த நுட்பம் அறியாமல் சிலர் எழுதப்போக, மரபுவழக்கே சரிதானா என்ற ஐயம் வந்துவிட்டது.

இந்த பதிவைத் துவங்கியவர் நன்றி கூறியுள்ளார் ஜாஹீதாபானு