ஸ்ரீ சரபேஸ்வரர் மஹிமை

by jayaravi Thu Feb 27, 2014 10:41 pm

ஸ்ரீ சரபேஸ்வரர் மஹிமை

பாகம் 1

ஸ்ரீ சரபேஸ்வர் தோற்றம்

சிங்க முகமும் , மனித உடலும் , நீண்ட கோரைப்பற்களும் , தொங்குகின்ற நாக்கும் , உருண்ட கண்களும் , அம்பினை போன்ற கூர்மையான நகங்களும் கொண்ட அதிபயங்கர உருவமாகிய நரசிம்மர் ,இரணியனைக் கொன்ற பின்னரும் , அவனது இரத்தத்தைக் குடித்ததால் மிகுந்த உக்கிரம் பெற்று சினம் தணியாது உலகத்தினையே நடுங்க வைத்தார் .

தேவர்கள் பயம் கொண்டு கோபத்தைத் தணிக்கும்படி நரசிம்மமூர்த்தியை பிராத்திக்க , அவர்களின் பிராத்தனையால் உற்சாகமடைந்த நரசிம்ஹர் மேலும் உக்கிரம் கொண்டார் .

பயந்துபோன தேவர்கள் தேவேந்திரனிடம் செண்டு முறையிட , அவர் " நரசிம்ஹரின் உக்கிரத்தினை தன்னால் தணிக்க முடியாது " என்று மறுத்துவிட்டார் - உடனே தேவர்கள் பிரமனிடம் ஓட , அவரும் உதவி செய்ய முடியாமல் ஒதுங்கி வீட்டார் .

முடிவில் திக்கற்றவர்களின் துயர் துடைக்கும் தேவாதி தேவனும் , முத்தொழில் புரியும் விஷ்ணு , பிரம்மா , ருத்ரன் ஆகியோரை ஆட்சி செய்யும் பரம்பொருளாகிய பரமேஸ்வரனிடம் சென்று தேவர்கள் முறையிட , கடைசியில் ஆயிரம் கோடி சூரியனை போன்ற ஒளி அங்கே தோன்றியது .

தொடரும்

by jayaravi Thu Feb 27, 2014 11:04 pm

ஸ்ரீ சரபேஸ்வரர் மஹிமை

பாகம் 2

ஸ்ரீ சரபேஸ்வர் தோற்றம்

அதிலிருந்து " எட்டு கால்கள் , கூர்மையான நகங்கள் , நீண்ட கோரை பற்கள் , இரு இறக்கைகள் ஆகிய வற்றுடன் பயங்கரமான மிருகத்தின் உடலும் , மனித உடலும் , அபூர்வ மான பட்சியும் சேர்ந்த அதிகோரமான உருவம் தங்கிய சரபேஸ்வரராக வெளிப்பட்ட வபெருமான் நரசிம்மஹரை அனைத்து அவரின் உக்கிரத்தை தணித்தார் .

சரபேஸ்வரரின் இறக்கைகளில் ஒன்றாகிய பிரத்தியங்கிராதேவி சிவபெருமானின் நெற்றிகண்ணின் உக்கிரத்தோடு வெளி வந்து நரசிம்மரின் உக்கிரத்தை ஜீரனித்தாள் . நரசிம்ம மூர்த்தி சாந்த சொரூபியானார் .

தெளிந்த மனத்தினை அடைந்த நரசிம்மர் , பதினெட்டு நாட்கள் சரபேஸ்வருடன் போர் செய்ததற்காக மிகவும் வருந்தி , அதன் நினைவாக 18 ச்லோகங்களால் சிவனை துதித்தார் - அதுவே சரபேஸ்வர மூர்த்தியின் 108 அஷ்டோத்தர நாமாவளிகள் ஆகும்
தொடரும்

by jayaravi Thu Feb 27, 2014 11:19 pm

சக்தி வாய்ந்த ஸ்ரீ சரபேஸ்வரர் அஷ்டகம் :

நரசிம்மத்தை சாந்தம் செய்து இப்பூவுலகை காப்பாற்றிய கருணா மூர்த்தியான சரபேஸ்வரை பிரம்மா துதிக்கிறார் .

ஸர்வேச ஸர்வாதிக விச்வ மூர்த்தே
க்ருதாபராதான் அமரான் யாத ததான்யன்
விநீய விச்வர்த்தி விதாயினே தே
நமோஸ்து துப்யம் சரபேஸ்வராய .

சர்வேஸ்வரா !! முழு முதன்மை இறைவா ! குற்றம் செய்த தேவர்களையும் திருத்தி இப்பூவுலகைக் காக்கும் சரபேஸ்வரரே உமக்கு நமஸ்காரம்

by **ayyasamy ram** Fri Feb 28, 2014 8:41 am

by veeyaar Fri Feb 28, 2014 10:14 am

சென்னை கோயம்பேட்டில் தொன்மை வாய்ந்த குறுங்காலீஸ்வரர் ஆலயத்தில் சரபேஸ்வரருக்கு தனி சன்னதி உள்ளது.

இக்கோயில் அமைந்துள்ள இடத்திற்கான கூகுள் வரைபடத்திற்கு இணைப்பு

https://www.google.co.in/maps/place/Sarabeshwarar+Koil/@13.0687831,80.194274,11z/data=!4m5!1m2!2m1!1ssarabeswarar+temple+koyambedu!3m1!1s0x3a5266af488bb157:0xa8317d662fceb9c5

சரியாகச் சொன்னால் கோயம்பேடு ஆம்னி பஸ் நிறுத்ததிற்கும் 100 அடி ரோட்டிலுள்ள சத்திரம் பஸ் நிறுத்தத்திற்கும் இடையில் உள்ளது இத்திருக்கோயில். சுமார் 1000 ஆண்டுகள் பழமை வாய்ந்தது என்றும் சிலர் சொல்கின்றனர்.

தினமலர் இணையதளத்தில் இடம் பெற்றுள்ள இக்கோயிலின் நிழற்படம்

ஸ்ரீ சரபேஸ்வரர் மஹிமை T_500_858

தினமலர் இணையதளப் பக்கத்திற்கான இணைப்பு

http://temple.dinamalar.com/en/new_en.php?id=858

by Sponsored content

ஸ்ரீ சரபேஸ்வரர் மஹிமை

ஸ்ரீ சரபேஸ்வரர் மஹிமை

Re: ஸ்ரீ சரபேஸ்வரர் மஹிமை

Re: ஸ்ரீ சரபேஸ்வரர் மஹிமை

Re: ஸ்ரீ சரபேஸ்வரர் மஹிமை

Re: ஸ்ரீ சரபேஸ்வரர் மஹிமை

Re: ஸ்ரீ சரபேஸ்வரர் மஹிமை