ந.க.துறைவன் புதுக்கவிதை

ந.க.துறைவன் · ந.க.துறைவன் Mon 24 Feb 2014 - 10:35

காதல்

இந்திய இளைஞனின்
இதய பூர்வமான காதலை
இணைத்துப் பார்ப்பதைவிட-இங்கே
பிரித்து வைக்கப்
பிரியப்படுகிறவர்களே அதிகம்
.
இப்படிச் செய்வது
பொறாமையால் அல்ல.
அறியாமையால் தான்.

சாதிகளுக்கும் மதங்களுக்கும்
கைவிலங்கிடப்படக்
காதல் திருமணங்கள்
ஊக்குவிக்கப்பட வேண்டும்.

இதுவே
மொழிகளையும்
தேசியத்தையும் கூட
இணைக்கும் பாலமாகும்
.
இது
விரும்புகிறவர்களுக்கு
கரும்பின் இனிப்பாகும்.
நடிப்பவர்களுக்கு வெறுப்பாகும்.
எவருக்கு வெற்றியடைகிறதோ
அதுவே மனித நேயக் காதல்.

டிசம்பர்-1988
.
இனி்-கவிதை
தொகுப்பிலிருந்து.

**ஜாஹீதாபானு** · **ஜாஹீதாபானு** Mon 24 Feb 2014 - 15:27

அருமை அருமை

இந்த பதிவைத் துவங்கியவர் நன்றி கூறியுள்ளார் ஜாஹீதாபானு

ந.க.துறைவன் · ந.க.துறைவன் Fri 28 Feb 2014 - 18:25

ஃ யாருமென் பரந்த மனசைப்
புரிந்திடவில்லை யெனப்
பலரிடம் சொல்லிப் புலம்பியவன்
பூரணமாய் மற்றவர் மனசை
உணர்ந்து நடப்பதாய்
என்னவொரு
அதீதநினைப்பு.

ஃ எதையோ பறிகொடுத்தவனாய்
எதற்காக இங்கே நிற்கிறாய் என
எனக்காகப் பரிவு காட்டியவர்க்குத்
தெரியவில்லை, பறிகொடுப்பதற்கு
என்னிடம் இன்னுமென்ன
மிச்சமிருக்கிறதென்று?

ஃ கூடிக்கூடி நிறைய
எதைப் பற்றியோ பேசினார்கள்
ஏதோ ஒன்று அப்பேச்சினால்
முடிவானதாய்ப் பாவித்து
அனைவரும் கலைந்தனர்
அதிர்ச்சியோ மகிழ்ச்சியோ
துயரமோ வெளிக்காட்டாமல்.

**ஜாஹீதாபானு** · **ஜாஹீதாபானு** Fri 28 Feb 2014 - 19:05

கவிதை அருமை

அடைப்புக் குறிக்குள் புதுக்கவிதை என்று போட்டு கவிதைக்கு தலைப்பும் குடுங்க துறைவன்.

மகேந்திரன் · மகேந்திரன் Sat 1 Mar 2014 - 1:29

அருமை..

ந.க.துறைவன் · ந.க.துறைவன் Wed 5 Mar 2014 - 12:24

சிதறு தேங்காய்
*
செய்த தவறுக்கோ
செய்யாத தவறுக்கோ
தலையில் குட்டிக்
கொண்டுத் தோப்புக்
கரணம் போடுகிறார்கள்
வினாயகர் எதிரில்,
அப் பக்தர்களை
வேடிக்கைப் பார்க்கின்றன
சிதறு தேங்காய்ப்
பொறுக்க வந்தக்
காக்கைகள்.

ந.க.துறைவன் · ந.க.துறைவன் Sat 8 Mar 2014 - 10:08

நண்பர்கள்…
*
தாயுமாகி உதவிச் செய்தத் தியாக முகம்
ஓயாது என்றும் துணையிருந்தத் துறைமுகம்
நட்புக்கு இலக்கணமாய் திகழ்ந்த திருமுகம்
அன்பு முகமானக் கீதா ஆறுமுகம்.
*
சாமியை வணங்காத நாத்திகச் சாமி
ஓமக்குச்சி உடல் தேகச் சாமி்
இசைப் பாடல் பாடும் அய்யா சாமி.
மீசைத் தடவிப் பேசிடும் முனுசாமி.
*
தீயப் பழக்க மில்லாதத் திகம்பரச் சாமி
மெல்ல உதட்டில் சிரிக்கும் மௌனச் சாமி.
கரும்பாய் பேசிப்பேசி இனிக்கும் நல்லச் சாமி.
குறும்புத் தம்பிச் சுறுசுறுப்புக் குப்புச் சாமி.
*
ஊரில் நடக்கும் குசும்பு சம்பவங்களை
உணர்ச்சித் தூண்டும் பாவளையில்
புணர்ச்சிக் கதைகள் சொல்லிச் சொல்லி
உறங்காமல் செய்வார் சுப்பைய்யா வாத்தியயார்.
*
,இன்னும் பலப்பல இனிய நண்பர்கள்
இவ்வணியில் உண்டு நிறையச் சொல்லிடவே
இன்று எங்கெங்கோ இருக்கிறார்கள்-நினைவில்
இனிதே வாழ்ந்து வருகிறார்கள் எனது நண்பர்கள்.

ந.க.துறைவன் · ந.க.துறைவன் Mon 10 Mar 2014 - 10:39

கழிகிறது நேரம்
*
பேச்சுக்குப் பேச்சுப்
புரிகிறதா, புரிகிறதா? என்று
பேசிக் கொள்கிறார்கள்.
எது புரிந்தது எது பரியாதது?
என்பதெல்லாம்
சொல்பவர்க்கும் கேட்பவர்க்கும்
மட்டு்ம் தானே தெரியும்?
அவர்களது பேச்சுத் திறன்
உங்களுக்குப் புரிகிறதா?
இன்னும் பலருக்கும்
புரியாமலேயே இருக்கிறது
அந்தப் பூடகமானப்
பேச்சின் சாரம்.
அப்படிப் பேசிக் கொண்டே
போனதில் வீணாய் கழிகிறது
பொன்னான நேரம்.

.

**ayyasamy ram** · **ayyasamy ram** Mon 10 Mar 2014 - 10:43

அனைத்தும்... ந.க.துறைவன் புதுக்கவிதை 3838410834

ந.க.துறைவன் · ந.க.துறைவன் Mon 10 Mar 2014 - 13:53

நன்றி சார்.

Sponsored content · Sponsored content

ந.க.துறைவன் புதுக்கவிதை

ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

Re: ந.க.துறைவன் புதுக்கவிதை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக