பிறந்த தேதியும், வாழ்க்கை ரகசியமும்

by **M.M.SENTHIL** Tue Feb 25, 2014 2:50 pm

First topic message reminder :

எண் 1 (1,10, 19, 28) ல் பிறந்தவர்களின் வாழ்க்கை ரகசியம்

எண்ணென்ப ஏனை எழுத்தென்ப இவ்விரண்டும் கண்ணென்ப வாழும் உயிர்க்கு. எண்ணும் எழுத்தும் ஏதோ ஒரு வகையில் மனித வாழ்வில் ஆதிக்கம் செலுத்துகின்றன. ஒன்றாம் எண் மற்ற எல்லா எண்களுக்கும் அடிப்படையானது. ஒவ்வொருவருக்கும் ஒரு எண் உண்டு. ஒன்றிலிருந்து ஒன்பது வரையிலுள்ள எண்கள் ஒவ்வொரு கிரகத்தையும் குறிக்கிறது. 1,10, 19, 28 ஆகிய தேதிகளில் பிறந்தவர்கள் ஒன்றாம் எண் ஆதிக்கத்திற்குரியவர்கள். ஒன்றாம் எண்ணுக்குரிய கிரகம் சூரியன் ஆவார். ஒன்றாம் எண்ணுக்குரிய ஆங்கில எழுத்துக்கள் A,I,J,Q,Yஆகியவை.

குண அமைப்பு

1ம் எண் ஆதிக்கத்தில் பிறந்தவர்கள் சூரியன் எப்படி உலகிற்கு ஆதாரமாக விளங்கி ஒளி தருகின்றதோ, அது போல பலருக்கும் நன்மை செய்து வாழ்வார்கள். தைரியமும், வீரமும், அஞ்சா நெஞ்சமும் கொண்டவர்கள், அன்பும், பண்பும், மரியாதையும், தெய்வ பக்தியும் தரும குணமும் அதிகம் இருக்கும். வீரம் நிறைந்து அமைதியுடன் தோற்றம் அளிப்பார்கள். வம்புச் சண்டைக்குப் போக மாட்டார்கள். வந்த சண்டையை விடவும் மாட்டார்கள். எதிரிகளை பந்தாடும் ஆற்றல் இவர்களுக்கு உண்டு. தன்னம்பிக்கை அதிகம் இருக்கும் நியாயத்தை மிகவும் தைரியமாக எடுத்துக் கூறுவர். தீர்மானமான கருத்துக்களை கொண்டவராகவும் நல்ல உழைப்பாளியாகவும் இருப்பர். முன்கோபம் அதிகம் இருந்தாலும் அது நியாயத்திற்காகவே இருக்கும் கள்ளம் கபடமின்றி எல்லா காரியங்களையும் துணிந்த செயல்படுத்துவதால் இவர்களுக்கு விரோதிகளும் அதிகம் உண்டு. பெரிய தவறுகளை எளிதில் மன்னிக்கும் சுபாவம் கொண்ட இவர்கள் சிறிய தவறுகளை பெரிதாக்கி விடுவார்கள்.

தமது மனசாட்சியையே சட்டமாகக் கொண்டு நியாயவாதியாக செயல்படுவார்கள். தனக்கு இடையூறு செய்தவர்களை பந்தாடிய பிறகுதான் நிம்மதி அடைவார்கள். தனக்கு நிகரில்லாதவர்களிடம் சரிசமமாக பழக மாட்டார்கள். தன்னிடம் தவறு இருந்தால் மன்னிப்பு கேட்பார்கள். பிறருடைய தவறுகளையும் தனக்கு கீழ்படிந்தால் மன்னிக்கக் கூடியவர்கள். இவர்களுடைய போக்கு சிலருக்கு நியாயமாக தோன்றினாலும் பலருக்கு அநியாயமாக தோன்றும். வாழ்வில் பலமுறை தேர்ற்றாலும் இறுதியில் வெற்றி இவர்களுக்கே. இராஜ தந்திரத்தை கையாள்வதில் திறமை பெற்றவர்கள். ஆதலால் மற்றவர்களின் தந்திரம் இவர்களிடம் பலிக்காது. எதிலும் தனித்து நின்று போராடி வெற்றி பெறுவார்கள். வயது, அனுபவம் உதாரண குணமும் அமையும். இவர்களிடம் வஞ்சனை சூது, முதலியவற்றை காண்பது அரிது. வெள்ளை உள்ளம் கொண்டு தங்களால் முடிந்த உதவிகளை பிறருக்கு செவ்வார்கள். அதிக பேச்சுத் திறமை உண்டு. எதிலும் சுதந்திரமாக செயல்படக்கூடிய ஆற்றல் கொண்டவர்கள்.

உடல் அமைப்பு ஆரோக்கியம்

ஒன்றாம் எண்ணில் பிறந்தவர்கள் நல்ல கம்பீரமான தோற்றத்தை உடையவராக இருப்பார்கள். உடலுக்கேற்ற உயரமும், பருமனும், கனிந்த பார்வையும், உருண்டை முகமும் இருக்கும். நிமிர்ந்த நடையும், தவறு கண்ட இடத்தில் சீறிப்பாயக்கூடிய குணமும் இருக்கும். பெரும்பாலானவர்களுக்கு கண் தொடர்பான பலவீனம் இருக்கும். கண்ணாடி அணிய நேரிடும். இருதயம் சம்மந்தப்பட்ட நோய்களும், ரத்த அழுத்தம் சம்மந்தப்பட்ட நோய்களும், அஜீரண கோளாறு போன்ற நோய்களும் அதிகம் ஏற்பட வாய்ப்புண்டு, புளிப்பு, காரம் ஆகியவற்றை அதிகம் சாப்பிடுபவர்கள். ஆதலால் உணவு விஷயத்தில் மிகவும் கவனமுடன் செயல்படுவது நல்லது- உஷ்ண சம்மந்தப்பட்ட நோய்களும் உண்டாகக்கூடும் என்பதால் குளிர்ச்சியான பொருட்களை அதிகம் சாப்பிடுவது நல்லது.

குடும்ப வாழ்க்கை

ஒன்றாம் எண்ணில் பிறந்தவர்கள் அதிக கலாரசனை உடையவர்கள். ஆகையால் இளமையில் அடிக்கடி காதல் வயப்படுவதும், காதல் விளையாட்டுகளில் ஈடுபடவதும் தவிர்க்க முடியாததாகிவிடும். அனேகமாக இவர்களுக்கு காதல் திருமணம் நடைபெறுவதற்கான வாய்ப்பு அதிகம். கூட்டுக் குடும்பத்தை விட எதிலும் தனித்து வாழ வேண்டும் என்பதே இவர்களின் விரும்பம். தனித்து வாழ்ந்தாலும் மற்றவர்களை ஆதரிக்கும் பொறுப்பிலிருந்து செய்து முடிப்பார்கள். திருமண வாழ்க்கையில் சில கருத்து வேறுபாடுகள் தோன்றி சில நேரங்களில் கவலைகளை உண்டாக்கும். அனுசரித்து நடக்கக்கூடிய வாழ்க்கை துணை வாய்த்தால் மட்டுமே குடும்ப வாழ்க்கை அமைதியானதாக இருக்கும்.

பொருளாதாரம்

ஒன்றாம் எண்ணில் பிறந்தவர்களுக்கு பொருளாதார நிலை ஒரே சீராக இருக்கும். ஆடம்பர வாழ்க்கையையும், உயர்தரமான ஆடை அணிகலன்கள் அணிவதையுமே விரும்புவார்கள். எவ்வளவு சம்பாதித்தாலும் அதற்கேற்ற செலவுகளும் இருக்கும். கடன்கள் அதிகம் ஏற்படாது. ஏற்பட்டாலும் அவற்றை சமாளிக்கும் ஆற்றலும் இருக்கும்.

தொழில்

ஒன்றாம் எண் சூரியனின் ஆதிக்கம் கொண்டது. எதிலும் முதன்மையாக செயல்படக்கூடிய திறன் கொண்டவர்கள், வாழ்வில் அதிகம் சம்பாதிக்கும் திறமை, நல்ல உயர்வான பதவிகள், பலரை நிர்வாகிக்கும் பொறுப்பு யாவும் அமையும். அரசியல் சம்மந்தப்பட்ட துறைகளில் நல்ல முன்னேற்றம் கிட்டும். அரசு உத்தியோகமும் இவர்களுக்கு அமையும். சித்த மருத்துவம் ஹோமியோபதி போன்றவற்றிலும் நல்ல முன்னேற்றம் கொடுக்கும். எடுக்கும் காரியங்கள் அனைத்திலும் திறம்பட செயல்பட்டு அதிகாரமிக்க பதவிகளை அடைவார்கள். தேவை யற்ற எதிர்ப்புகளும் இருக்கும்.

நண்பர்கள் பகைவர்கள்

ஒன்றாம் எண்ணில் பிறந்தவர்கள் சூரியன் ஆதிக்கத்தில் பிறந்தவர்கள் என்பதால் இவர்களுக்கு அதிகார குணம் இருக்கும். இவர்களை அனுசரித்து நடப்பவர்கள் மட்டுமே இவர்களுக்கு நண்பர்களாக இருக்க முடியும். 2,9,3 ஆகிய எண்களில் பிறந்தவர்கள் இவர்களுக்கு நண்பர்களாகவும் 4,5,7,8 ஆகிய எண்களில் இவர்களுடன் ஒத்து பழக முடியாதவர்களாகவும் இருப்பார்கள். நண்பர்களை தேர்ந்தெடுப்பதில் கவனமுடன் செயல்பட்டால் நல்ல நட்புகள் கிடைக்கும்.

சூரியனுக்குரிய காலம்

ஒவவொரு ஆண்டும் ஆங்கில வருட ரீதியாக ஜீலை 22 முதல் ஆகஸ்டு 22 தேதிவரை சூரியனுக்குரிய காலமாகும். ஞாயிற்றுக்கிழமை சூரியனுக்குடையது.

சூரியனுக்குரிய திசை

சூரியனுடைய திசை கிழக்கு. பிரார்த்தனை செய்யும் இடம், பூஜை அறை, சமையல் அறை போன்றவை சூரியனுக்குரியவை. எந்த வேலை செய்வதாக இருந்தாலும் கிழக்கு பக்கமாக தொடங்கினால் அற்புதமான நற்பலனை அடையலாம்.

அதிர்ஷ்ட கல்

சூரியனின் ஆதிக்கமான எண் 1ல் பிறந்ரரவர்கள் அதிர்ஷ்ட கல்லாக மாணிக்கத்தை செப்பு உலோகத்தில் பதித்து அணிய வேண்டும். இந்த அதிர்ஷ்ட கல்லை அணிவதன் மூலம் மனோதைரியம், சாந்தமான குணம், எடுக்கும் முயற்சிகள் அனைத்திலும் வெற்றி போன்ற நற்பலன்கள் உண்டாகும். உஷ்ணம் சம்மந்தப்பட்ட நோய்கள், கண்நோய் போன்றவை விலகும். தனவரவும், நன்மதிப்பும் உண்டாகும்.

பரிகாரங்கள்

ஓன்றாம் எண்ணில் பிறந்தவர்கள் சூரிய தேவனுக்கு பரிகாரம் செய்வது நல்லது. தினமும் காலையில் சூரிய நமஸ்காரம் செய்வது, சிவ வழிபாடுகள் மேற்கொள்வது நல்லது.

அதிர்ஷ்டம் தருபவை

அதிர்ஷ்ட தேதி -1,10, 19, 28

அதிர்ஷ்ட நிறம் - இளஞ்சிவப்பு, மஞ்சள்

அதிர்ஷ்ட திசை - கிழக்கு

அதிர்ஷ்ட கிழமை - ஞாயிறு

அதிர்ஷ்ட கல் - மாணிக்கம்

அதிர்ஷ்ட தெய்வம் - சிவன்

by **krishnaamma** Tue Feb 25, 2014 5:04 pm

சிவா wrote:
krishnaamma wrote:சிவா, நான் 'ரெண்டு' , அப்போ 'ப்ரெண்ட்' ஆ?

கண்டிப்பா நாம் ரெண்டு பேரும் தான் ப்ரண்டு!

நன்றி சிவா புன்னகை

இப்படி ஒரு ப்ரெண்ட் கிடைக்க கொடுத்து வைத்திருக்க வேண்டாமா? புன்னகை

by **krishnaamma** Tue Feb 25, 2014 5:10 pm

மாணிக்கம் நடேசன் wrote:எனது எண் 2, என்னைப்பற்றி இப்போ நல்லா தெரிஞ்சிக்கோங்க.

Same Same மாமா புன்னகை

by **Aathira** Tue Feb 25, 2014 6:31 pm

எனக்கு 90 விழுக்காடு சரியாக உள்ளது செந்தில்

by **SajeevJino** Tue Feb 25, 2014 7:15 pm

M.M.SENTHIL wrote:[justify]எண் 9 (9,18, 27)ல் பிறந்தவர்களின் வாழ்க்கை ரகசியம்

ம்ம் ..என்னதான் இருக்குதுன்னு பார்ப்போம்

எனவே ஒன்பதாம் எண்ணில் பிறந்தவர்களை பாக்கியசாலிகள் எனலாம்.

என்ன பாக்கியமோ ...!!

குணநலன்கள்

வெகுளியாகவும் கபடமற்றும் காணப்படும் இவர்கள் எந்தவொரு விஷயத்தையும் ரகசியமாக வைத்திராமல் மனம் திறந்து பேசுவார்கள்.

ஆகா ரகசியம் எதுவும் தங்காதா ..கடவுளே

மன அமைதியை இழக்கக்கூடிய சூழ்நிலைகள் வந்தாலும் அதை பிறருக்கு தெரியாதவாறு மறைத்துக் கொள்வார்கள்.

மன அமைதி என்றால் என்ன என்று இதுவரை எனக்கு தெரியவில்லை

இவர்களது சுயேற்சையான சுபாவத்தையும், அகங்கார குணத்தையும் கண்டு இவர்களை நேசிப்பவர்கள் கூட சில சமயம் வெறுப்படைந்து விடுவார்கள்.

எனது சொந்த ஊரில் உள்ள நண்பர்கள் தான் இன்று வரை என்னுடன் நண்பர்களாக இருகின்றனர்

மற்றபடி நட்பில் எல்லாம் எனக்கு அவ்வளவு நம்பிக்கை இல்லை

இவர்களை துணையாக கொண்டால் எந்தக் காரியத்திலும் எதையும் சாதித்த வெற்றி பெறமுடியும்.

அதை கண்டிப்பா எனது நண்பர்களிடம் தான் கேட்க வேண்டும் ..வெற்றியா தோல்வியா என்று

உடல் நிலை ஆரோக்கியம்

செவ்வாயின் ஆதிக்கத்திற்குட்பட்டவர்களாதலால் இவர்களுக்கு பெரும்பாலும் உடலில் காயங்கள், இரத்தக் கசிவுகள் போன்றவை ஏற்படக்கூடும். உஷ்ண சம்பந்தப்பட்ட பாதிப்புகள், அம்மை, மஞ்சள் காமாலை போன்ற நோய்களாலும் மருத்துவ செலவுகள் உண்டாகும்.

உலகில் உள்ள எல்லா மனிதர்களுக்கும் தான் இவை ஏற்படும் ...சிறப்பாக குறிப்பிட்ட நபர்களுக்கு மட்டும் அல்ல

முடிந்தவரை மது, மாமிசம் போன்றவற்றை தவிர்த்தால் உடல் நிலை சிறப்பாக அமையும்.

இதை எல்லாம் இறைவன் எதற்காக படைத்தான் .இரண்டுமே எனக்கு பிடித்தவை

குடும்ப வாழ்க்கை

ஒன்பதாம் எண்ணில் பிறந்தவர்களுக்கு காதல் திருமணம் நடைபெறக்கூடிய வாய்ப்புகள் அதிகம்.

கொன்னேபோடுவேன் ..அவளுக்கு கல்யாணமாகி ஒரு குழந்தை கூட இருக்கிறது

தொழில்

ஒன்பதாம் எண்ணில் பிறந்தவர்கள் எந்த தொழிலை ஏற்றுக் கொண்டாலும் அதை திறம்பட நிர்வாகிக்கும் ஆற்றல் கொண்டவர்கள். இவர்களுக்கு பெரும்பாலும் அரசாங்கத்தில் அதிகாரம் செய்யக்கூடிய உயர் பதவிகளை கிடைக்கும். பலர் ஆயுதங்களை தாங்கி பணி செய்யக்கூடிய மிலிட்டரி, போலீஸ் துறைகளிலும் சிறந்து விளங்குவார்கள். மற்றும் தீயுடனும், மின்சாரத்துடனும் தொடர்பு கொண்டதுறைகளிலும் பணிபுரிவார்கள். போர்க்கலைகள், மல்யுத்தம், மலையேறுதல், விளையாட்டுத் துறைகளில் பயிற்றுவிக்கும் பணி போன்றவற்றிலும் ஈடுபடுவார்கள். மிகப்பெரிய பணியாக இருந்தாலும் துணிச்சலுடன் செய்வித்து அனைவரின் பாராட்டையும் நன்மதிப்பையும் பெற்று விடுவார்கள். சிலர் மருத்துவ துறையில் அறுவை சிகிச்சை நிபுணராக விளங்குவார்கள்.

எவனோ விஷயத்தை லீக் பண்ணியிருக்கான் ..கண்டுபிடிக்கிறேன்

செவ்வாய்க்குரிய திசை

செவ்வாய்க்குரிய திசை தெற்கு, சமையல் அறை, கசாப்பு கடை, போர்க்களம் போன்றவை செவ்வாயக்குரிய இடங்களாகும்.

அந்த சமையல் அறை மட்டும் தான் கொஞ்சம் பிரச்சனை

செவ்வாய்க்குரிய கல்

ஒன்பதாம் எண்ணில் பிறந்தவர்கள் செவ்வாயின் அதிக்கத்திற்குரியவர்கள். ஆதலால் அவர்கள் அணிய வேண்டிய கல் பவளமாகும். மிகச் சிறந்த பவளம் கிளியின் மூக்கு நிறத்தைப் போன்று இருக்கும். பவளத்திற்கு அடுத்து ப்ளட் ஸ்டோன் என்ற கல்லையும் அணிந்து கொள்ளலாம்.

இது ஒரு ஆங்கில படத்தில் வருமே அந்த கல்லா ..!!

அதிர்ஷ்ட நிறம் -சிவப்பு

வெள்ளை வெள்ளை வெள்ளை

அதிர்ஷ்ட திசை-தெற்கு

ஆனா அவங்க மேற்கு பக்கமாதான் வராங்க

by **M.M.SENTHIL** Tue Feb 25, 2014 9:57 pm

SajeevJino wrote: இவர்களது சுயேற்சையான சுபாவத்தையும், அகங்கார குணத்தையும் கண்டு இவர்களை நேசிப்பவர்கள் கூட சில சமயம் வெறுப்படைந்து விடுவார்கள்.

எனது சொந்த ஊரில் உள்ள நண்பர்கள் தான் இன்று வரை என்னுடன் நண்பர்களாக இருகின்றனர்

மற்றபடி நட்பில் எல்லாம் எனக்கு அவ்வளவு நம்பிக்கை இல்லை [quote]

நட்பில் நம்பிக்கை இல்லையா????? ஒரு பொய்யான நட்புதான் நம்பிக்கை இல்லாமல் இருக்கும். பாவம் உங்க நண்பர்கள்.

by **SajeevJino** Wed Feb 26, 2014 8:23 am

M.M.SENTHIL wrote:

நட்பில் நம்பிக்கை இல்லையா????? ஒரு பொய்யான நட்புதான் நம்பிக்கை இல்லாமல் இருக்கும். பாவம் உங்க நண்பர்கள்.

எலா நட்புமே ஏதாவது ஒரு விஷயத்தை எதிர்பார்த்து தான் ஒட்டிக்கொள்ளும் ..மற்றபடி யாரும் யாருக்காகவும் தனது வேலையே விட்டு விட்டு வர மாட்டார்கள்

பணமும் பதவியும் இருந்தால் நண்பர்கள் வட்டம் பெரியது ..எதுவுமே இல்லை என்றால் எது நண்பர்கள்

by **ராஜா** Wed Feb 26, 2014 11:11 am

M.M.SENTHIL wrote:
எண் 2 ( 2,11, 20, 29) ல் பிறந்தவர்களின் வாழ்க்கை ரகசியம்

பிறந்த தேதியும், வாழ்க்கை ரகசியமும் - Page 3 3838410834

by mbalasaravanan Wed Feb 26, 2014 1:51 pm

நானும் 1ந்த் தேதி தான் பிறந்தேன்

by **M.M.SENTHIL** Wed Feb 26, 2014 9:38 pm

SajeevJino wrote:
M.M.SENTHIL wrote:

நட்பில் நம்பிக்கை இல்லையா????? ஒரு பொய்யான நட்புதான் நம்பிக்கை இல்லாமல் இருக்கும். பாவம் உங்க நண்பர்கள்.

எலா நட்புமே ஏதாவது ஒரு விஷயத்தை எதிர்பார்த்து தான் ஒட்டிக்கொள்ளும் ..மற்றபடி யாரும் யாருக்காகவும் தனது வேலையே விட்டு விட்டு வர மாட்டார்கள்

பணமும் பதவியும் இருந்தால் நண்பர்கள் வட்டம் பெரியது ..எதுவுமே இல்லை என்றால் எது நண்பர்கள்

எதிர்பார்ப்பதல்ல நட்பு
எதையும் எதிர்பார்க்காமல்
எது வந்த போதும் கை கொடுப்பதும்
எந்த சமயத்திலும் தோள் கொடுப்பதும்தான்
உண்மை நட்பு!!
எனக்கு அது போலவே அமைந்திருக்கிறது!!

by **SajeevJino** Wed Feb 26, 2014 9:58 pm

M.M.SENTHIL wrote:
SajeevJino wrote:
M.M.SENTHIL wrote:

நட்பில் நம்பிக்கை இல்லையா????? ஒரு பொய்யான நட்புதான் நம்பிக்கை இல்லாமல் இருக்கும். பாவம் உங்க நண்பர்கள்.

எலா நட்புமே ஏதாவது ஒரு விஷயத்தை எதிர்பார்த்து தான் ஒட்டிக்கொள்ளும் ..மற்றபடி யாரும் யாருக்காகவும் தனது வேலையே விட்டு விட்டு வர மாட்டார்கள்

பணமும் பதவியும் இருந்தால் நண்பர்கள் வட்டம் பெரியது ..எதுவுமே இல்லை என்றால் எது நண்பர்கள்

எதிர்பார்ப்பதல்ல நட்பு
எதையும் எதிர்பார்க்காமல்
எது வந்த போதும் கை கொடுப்பதும்
எந்த சமயத்திலும் தோள் கொடுப்பதும்தான்
உண்மை நட்பு!!
எனக்கு அது போலவே அமைந்திருக்கிறது!!

நல்லது ..எனக்கு இதுவரை யாரும் அப்படி அமைந்தது இல்லை ... கடவுளை தவிர