'எம்எஸ்விடைம்ஸ்' இணையதளத்தால் இன்று கவுரவிக்கப்படும் திரு வீயார் அவர்களை நாம் அனைவரும் வாழ்த்தலாம் வாங்க.

ஈகரை அன்பர்களே!

மெல்லிசை மன்னர் எம்.எஸ்.விஸ்வநாதன் அவர்களுக்காக பிரத்தியோகமாக அவர் ரசிகர்களால் இயக்கப்பட்டு வரும் இணைய தளம், எம்எஸ்விடைம்ஸ் இன்று ஒய்.ஜி.பி ஆடிட்டோரியத்தில் இன்று நடத்தும் இசைக்கலைஞர்களுக்கான பாராட்டு விழாவில் நமது ஈகரைத் தோழர், நடிகர் திலகத்தின் பரம விசிறி, மெல்லிசை மன்னரின் மேல் பற்று கொண்ட அன்பு ரசிகர், எங்கள் அன்பு வழிகாட்டி திரு வீயார் அவர்கள் பொன்னாடை போர்த்தி கவுரவிக்கப் படுகிறார். அனைவரும் பெருமைப்படக் கூடிய மிக மகிழ்ச்சியான விஷயம் இது.

விழாவில் மெல்லிசை மன்னர் கலந்து கொள்கிறார். திரு ஒய்.ஜி. மகேந்திரனும் சிறப்பு விருந்தினராகக் கலந்து கொள்கிறார்.

விழாவில் கெளரவிக்கப்படும் அன்பு வீயார் அவர்களுக்கு என் மனமார்ந்த வாழ்த்துக்கள்.

திரு வீயார் அவர்களை நாம் அனைவரும் வாழ்த்தலாம் வாங்க.

இனிய வாழ்த்துக்கள்.

  அருமையான தகவல் பகிர்ந்தமைக்கு மிக்க நன்றி வாசு சார் .

வாழ்த்துகள் திரு வீயார் அவர்களே ,

புகைப்படம் கிடைத்தால் பகிருங்கள்

அன்புள்ள வீயார் அவர்களுக்கு

தங்களுக்குத் தரப்படும் மரியாதை, எனக்கு அளிக்கப்பட்ட
மகிழ்ச்சியை அடைகிறேன்.

தங்களுடைய உழைப்பையும் திறமையயும் நானறிவேன்.

மென்மேலும், தங்களுக்கு நிறைய பாராட்டுக்களும்

கௌரவமும் கிடைக்க ஆண்டவனை பிரார்த்திக்கிறேன்.

அருமையான இந்த தகவலைத்தந்த நண்பர்

நெய்வேலி வாசுதேவன் அவர்களுக்கு என் மனமார்ந்த நன்றி.

விழாவில் கெளரவிக்கப்படும் அன்பு வீயார் அவர்களுக்கு என் மனமார்ந்த வாழ்த்துக்கள் !     

வாழ்த்துக்கள் ராகவேந்திரன் சார்..

அன்பு நண்பர்கள்
துவக்கப் பாராட்டுடன் அன்பினைப் பகிர்ந்து கொண்ட வாசுதேவன், வாழ்த்துக்கள் கூறிய கல்யாண சுந்தரம், ராஜா, கிருஷ்ணம்மா, மற்றும் சின்னக்கண்ணன் உள்பட அனைத்து அன்புள்ளங்களுக்கும் என் இதயத்தின் அடித்தளத்திலிருந்து நன்றியைத் தெரிவித்துக் கொள்ளுகிறேன்.

நேற்றைய விழா மிகச் சிறப்பாக நடந்தேறியது. குறிப்பாக ஒலிப்பதிவாளர் திரு சம்பத் அவர்களும் இசையமைப்பாளர் திரு ஷ்யாம் அவர்களும் பல புதிய விஷயங்களைப் பகிர்ந்து கொண்டனர். அவர்கள் சொல்லச் சொல்ல மெல்லிசை மன்னர்களின் ரசிகர்கள் மட்டுமின்றி வந்திருந்த பொதுமக்களும் வியப்பில் ஆழ்ந்து பிரமித்து வாயடைத்துப் போய் அமர்ந்து விட்டனர். டேப் ரிகார்டரில் ரீவைண்ட் செய்யும் போது ஏற்பட்ட ஒலியை ஒரு பாடலில் பயன் படுத்தியிருக்கிறார், ஷ்யாம் அவர்களின் வகுப்புத் தோழர்களில் இருந்த மூன்று ஆப்பிரிக்க இளைஞர்களின் பெயர்களை இசையாக உருமாற்றியிருக்கிறார், பணக்கார குடும்பம் படத்தில் பறக்கும் பந்து பறக்கும் பாடலுக்கு சதன் தன் வாயில் விரலை வைத்து இதழை இழுத்து ஏற்படுத்திய ஒலி பந்து மட்டையில் படும் ஒலிக்குப் பயன்படுத்தப் பட்டது என்று அவர்கள் சொன்ன விஷயங்கள் நேரத்தை முற்றிலும் மறக்கடிக்கச் செய்து விட்டன. மெல்லிசை மன்னர் அவசரமாக செல்ல வேண்டியிருந்ததால் நிகழ்ச்சியை முழுதும் நடத்த முடியவில்லை. இதனால் பாதிக்கப் பட்டது மெல்லிசை மன்னரின் ரசிகர்கள் கௌரவிக்கப் படவேண்டிய நிகழ்ச்சி.

இருந்தாலும் அவருடைய அருமையான இசையமைப்பின் பெருமைகளை அறியும் சந்தர்ப்பத்தை விட நமக்கு வேறென்ன வேண்டும். திரு சம்பத் அவர்களும் திரு ஷ்யாம் அவர்களும் இன்னும் பல நிகழ்ச்சிகளில் பங்கு கொண்டு இன்னும் புதிய விஷயங்களை நம்மோடு பகிர்ந்து கொள்ள வேண்டும் என்பதே அனைவரின் விருப்பமாக இருந்தது.

சிறந்த நிகழ்ச்சியாக என்றும் மக்கள் மனதில் தங்கி விட்டது மெல்லிசை மன்னர் இணைய தளத்தின் ஏழாம் ஆண்டு விழா.

அன்புடனும் நன்றியுடனும்
ராகவேந்திரன்