80 க்கு 80 தமிழன்பன்

by myimamdeen Thu Feb 20, 2014 8:06 pm

80 க்கு 80 தமிழன்பன்

"80-80 தமிழன்பன் "

எண்பது அகவை எழுத்தினில் வலவை
எழுபது பனுவல் தரத்தினில் கரும்புல்
எண்ணிலா கவிதை செழித்திட்ட சரிதை
எதார்த்த கவியழகன் தத்துவார்த்த அன்பழகன்

சுரதா! கூவத்திலுன் கவிப்பணி சுரந்ததா ?
உன் பார்வையால் இப்பொற்கவி புனைந்ததா?
தேன் ஒழுக்கிலே குறுங்கவி நுழைந்ததா?
பால் சுரக்கையில் பண்கவி உதித்ததா?

நுண்புலக் கவியினில் சற் கட்புலனுனக்கு
பண்புள்ள வார்த்தையில் தண் நற்குணமுனக்கு
கவிப்பாயிரம் புனைவதில் யாருண்டு உவமைக்கு
இப்பாரினில் விருதுண்டுக் களைத்திட்ட தகைக்கு

பாரதிதாச பரம்பரை பெற்ற முத்திது
கவிக்கோவின் குருவாக உலகீந்த சொத்திது
'வணக்கம் வள்ளுவ' கொடுத்த சாகித்திய விருதது
'ஞானபீடம்' கிட்டிடவே கைகூடி வருமினிது

உரைப்பிலா உவப்பான உரையாடல் உன்னது
கதைசொல்லி கனிவாக்கும் புதுமையோ வல்லது
சலிப்புகளற்ற 'சிலிர்ப்புகள்' உன்னருமை நூலது
அவைதந்திட்ட தத்துவம் என்னவோ எண்ணிலாது.

by **ayyasamy ram** Thu Feb 20, 2014 10:23 pm

80 க்கு 80 தமிழன்பன் Xgl1fuRDSzSlYpuM9eqK+tamil

-

80-ல் 70-ஐ தொடுபவர் தமிழன்பன்....!!!!
ஆம் ,80 அகவையில் 70 நூல்களுக்கு சொந்தக்காரர் இவர்...!!!
அதுவும் பல புதிய வகைகளை நமக்கு அளிப்பவர்...
மரபுக்கவிதை , ,புதுக்கவிதை ,வசன கவிதை ,கவியரங்கக்கவிதை ,
ஐக்கூ ,சென்ட்ரியு ,லிமரைக்கூ,கஜல்,,நாடகம்,திரைப்படப் பாடல்கள் ,
ஆராய்ச்சி கட்டுரைகள்,புனைகதை ,சிறுவர் பாடல்கள்...
என பன்முக படைப்புகளை இன்றும் தொடர்ந்து அளித்து வருபவர்.
-
இவரின் 80ஆவது பிறந்த நாள் கொண்டாட்டத்தின் ஒரு
பகுதியென இவரின் பெயரால் ஊக்குவிப்பு விருதளிக்க திட்டம்
இயற்றியுள்ளார்கள்....
தமிழக அளவிலும் உலகளாவிய அளவிலும் 80 படைப்பாளிகள்
தமிழன்பன் 80 எனும் விருது பெற உள்ளனர்.....
-
விருது பெற இருப்பவர்களை வாழ்த்துவோம்