இந்திய எருமைக்கு ரூ. 10 கோடி வரை விலை !

by **krishnaamma** Thu 20 Feb 2014 - 16:48

மொகாலி: பஞ்சாப் மாநில விவசாய மாநாட்டின், கண்காட்சியில் பங்கேற்ற விவசாயி ஒருவரின் எருமைக்கு, 10 கோடி ரூபாய் வரை பணம் கொடுப்பதாக வெளிநாட்டினர் ஒருவர் கூறியும், அந்த எருமையின் உரிமையாளர் விற்க மறுத்துவிட்டார்.

பஞ்சாபில், முதல்வர், பிரகாஷ் சிங் பாதல் தலைமையிலான, சிரோன்மணி அகாலிதளம் - பா.ஜ., கூட்டணி ஆட்சி உள்ளது. இங்குள்ள, மொகாலியில், இரு தினங்களுக்கு முன், முதல்வர் பாதல், பஞ்சாப் விவசாய உச்சி மாநாட்டை துவக்கி வைத்தார். இதில், விவசாயம் சார்ந்த பல்வேறு கருத்தரங்குகள் மற்றும் கால்நடை வளர்ப்பு பற்றிய கண்காட்சியும் இடம் பெற்றுள்ளது. இங்கு, இந்தியா மட்டுமின்றி, வெளிநாடுகளைச் சேர்ந்த பலரும் வந்திருப்பதால், உள்நாட்டு விவசாயிகள், தங்கள் பயிர் வளர்ப்பு, கால்நடை வளர்ப்பு பற்றிய சாதனைகளை வெளிநாட்டு விவசாயிகளிடம் காண்பிப்பதில், அதிக ஆர்வம் காட்டி வருகின்றனர்.

கண்காட்சியில், கபூர்தலா மாவட்டத்தை சேர்ந்த, லம்பர்தார் சோமல் என்பவர், தன், கொழு கொழு எருமையை பார்வையாளர்களிடம் காண்பிப்பதற்காக அழைத்து வந்தார். 5 அடி, 8 அங்குல உயரமும், 11 அடி நீளமும் உடைய இந்த எருமை, 1,200 கிலோ எடை கொண்டுள்ளது. தினசரி தீவனத்துடன், 10 லிட்டர் பால் குடிக்கும் பழக்கமுள்ள இந்த எருமையைக் கண்டு, உள்நாட்டினர் மட்டுமின்றி, வெளிநாட்டை சேர்ந்த பலரும் வியப்படைந்துள்ளனர். சிறந்த எருமை வளர்ப்பிற்கான மாநில, தேசிய அளவிலான, பல போட்டிகளில் தன் எருமையுடன் கலந்து கொண்ட சோமல், அனைத்திலும் முதல் பரிசை பெற்றுள்ளார்.

இதுவரை இந்த மாதிரியான எருமையை பார்த்திராக வெளிநாட்டினர் பலரும், கோடிக் கணக்கில் பணம் கொடுத்து, இதை விலைக்கு வாங்க முன் வந்துள்ளனர். அதிகப்படியாக, வெளிநாட்டை சேர்ந்த ஒருவர், 10 கோடி ரூபாய் வரை விலை கொடுப்பதாக கூறியும், சோமல் தன் எருமையை விற்க மறுத்துவிட்டார். எருமையை தன் பிள்ளை போல் வளர்த்து வருவதாகக் கூறியுள்ள சோமல், தொடர்ந்து, பல போட்டிகளில் தன் எருமை மாட்டை பங்கேற்க செய்து, வெற்றி பெற திட்டமிட்டுள்ளார்.

by யினியவன் Thu 20 Feb 2014 - 16:59

அடடா நம்மள எருமை எருமை ன்னு திட்டிணப்ப நம்ம மதிப்பு தெரியாம வருத்தப்பட்டது தப்பா போச்சே!!! புன்னகை

by **krishnaamma** Thu 20 Feb 2014 - 17:40

யினியவன் wrote:அடடா நம்மள எருமை எருமை ன்னு திட்டிணப்ப நம்ம மதிப்பு தெரியாம வருத்தப்பட்டது தப்பா போச்சே!!!

இனி திட்டும்போது ' சோமல்' பெயரையும் சேர்த்து திட்ட சொல்லுங்கோ புன்னகை

அப்போதான் மதிப்பு ஜாலி

by **ஜாஹீதாபானு** Thu 20 Feb 2014 - 17:57

காசு குடுத்தா பெத்த பிள்ளைய குடுப்பாங்களா?

by **M.M.SENTHIL** Thu 20 Feb 2014 - 18:17

ஜாஹீதாபானு wrote:காசு குடுத்தா பெத்த பிள்ளைய குடுப்பாங்களா?

அவரு, பிள்ளையவா கேட்டாரு?

by **ஜாஹீதாபானு** Thu 20 Feb 2014 - 18:18

M.M.SENTHIL wrote:
ஜாஹீதாபானு wrote:காசு குடுத்தா பெத்த பிள்ளைய குடுப்பாங்களா?

அவரு, பிள்ளையவா கேட்டாரு?

எருமையும் அவர் பிள்ளை போல தான வளர்த்திருப்பார்.

by **M.M.SENTHIL** Thu 20 Feb 2014 - 18:21

ஜாஹீதாபானு wrote:
M.M.SENTHIL wrote:
ஜாஹீதாபானு wrote:காசு குடுத்தா பெத்த பிள்ளைய குடுப்பாங்களா?

அவரு, பிள்ளையவா கேட்டாரு?

எருமையும் அவர் பிள்ளை போல தான வளர்த்திருப்பார்.

அப்படீன்னா, நீங்க பிள்ளை போல வளர்த்த எருமையை காசு கொடுத்தா கொடுப்பாங்களா? என்றல்லவா கேட்டிருக்க வேண்டும்.

நீங்கள் கேட்டதில் இலக்கணப் பிழை உள்ளது. (ஒரு வேளை நம்ம சொல்றது தப்பாயிட்டா அய்யோ, நான் இல்லை

)

by யினியவன் Thu 20 Feb 2014 - 18:26

M.M.SENTHIL wrote:நீங்கள் கேட்டதில் இலக்கணப் பிழை உள்ளது.

பரவாயில்லை மன்னா எவ்வளவு தப்பு இருக்கோ அவ்வளவு பணத்தை குறைத்து மிச்ச பரிசு பணத்தை தாங்க செந்தில் புன்னகை

by **M.M.SENTHIL** Thu 20 Feb 2014 - 18:29

யினியவன் wrote:
M.M.SENTHIL wrote:நீங்கள் கேட்டதில் இலக்கணப் பிழை உள்ளது.
பரவாயில்லை மன்னா எவ்வளவு தப்பு இருக்கோ அவ்வளவு பணத்தை குறைத்து மிச்ச பரிசு பணத்தை தாங்க செந்தில்

முழுவதும் தப்பு தான் தல. அதனால அந்த அருமையான எருமையை நானே வங்கிக் கொள்கிறேன்.

by **ஜாஹீதாபானு** Thu 20 Feb 2014 - 18:29

M.M.SENTHIL wrote:
ஜாஹீதாபானு wrote:
M.M.SENTHIL wrote:
ஜாஹீதாபானு wrote:காசு குடுத்தா பெத்த பிள்ளைய குடுப்பாங்களா?

அவரு, பிள்ளையவா கேட்டாரு?

எருமையும் அவர் பிள்ளை போல தான வளர்த்திருப்பார்.

அப்படீன்னா, நீங்க பிள்ளை போல வளர்த்த எருமையை காசு கொடுத்தா கொடுப்பாங்களா? என்றல்லவா கேட்டிருக்க வேண்டும்.

நீங்கள் கேட்டதில் இலக்கணப் பிழை உள்ளது. (ஒரு வேளை நம்ம சொல்றது தப்பாயிட்டா )

யினியவன் அண்ணா சொன்ன பதில் தான் செந்தில்