30 வகை காஷ்மீர் to கன்னியாகுமரி ரெசிபி

**சிவா** · **சிவா** Wed Feb 19, 2014 5:38 pm

First topic message reminder :

காஷ்மீரி ரிச் புலாவ்

தேவையானவை: வடித்த சாதம் - ஒரு கப், மாதுளை முத்துக்கள், ஆப்பிள், திராட்சைப் பழம் கலவை - அரை கப், முந்திரி, உலர்ந்த திராட்சை - தலா 10, சர்க்கரை - ஒரு டீஸ்பூன், வெங்காயம் - 2, பட்டை, லவங்கம், ஏலக்காய் - தாளிக்கத் தேவையான அளவு, குங்குமப்பூ - சிறிதளவு, பால் - 4 டீஸ்பூன், எண்ணெய், உப்பு - தேவைக்கேற்ப.

30 வகை காஷ்மீர் to கன்னியாகுமரி ரெசிபி - Page 4 1

செய்முறை: பாலில் குங்குமப்பூவை ஊற வைக்கவும். வெங்காயத்தைப் பொடியாக நறுக்கவும். வாணலியில் எண்ணெயைக் காயவிட்டு... பட்டை, லவங்கம், ஏலக்காய் தாளித்து, முந்திரி, உலர்ந்த திராட்சை சேர்த்து வறுக்கவும். இதனுடன் பொடியாக நறுக்கிய வெங்காயம், உப்பு, சர்க்கரை, பாலில் ஊற வைத்த குங்குமப்பூ சேர்த்து வதக்கி... வடித்த சாதம், மாதுளை முத்துக்கள், ஆப்பிள், திராட்சையை சேர்த்துக் கிளறி இறக்கினால்... காஷ்மீரி ரிச் புலாவ் ரெடி!

**சிவா** · **சிவா** Wed Feb 19, 2014 6:44 pm

கன்னியாகுமரி கறுப்பு உளுந்து சாதம்

தேவையானவை: அரிசி - ஒரு கப், கறுப்பு உளுந்து, தேங்காய் துருவல் - தலா அரை கப், பூண்டு - 4 பல், சீரகம் - 2 டீஸ்பூன், பச்சை மிளகாய் - 4, உப்பு - தேவைக்கேற்ப.

30 வகை காஷ்மீர் to கன்னியாகுமரி ரெசிபி - Page 4 30

செய்முறை: அரிசி, உளுந்தை களைந்து தட்டிய பூண்டு, சீரகம் சேர்த்து குக்கரில் குழைய வேகவிடவும்.
இதனுடன் உப்பு, தேங்காய் துருவல், நறுக்கிய பச்சை மிளகாய் சேர்த்துக் கிளறவும். இந்த சாதத்தை சூடாக தேங்காய் (அ) எள் துவையலுடன் பரிமாறவும்.

விகடன்

**krishnaamma** · **krishnaamma** Wed Feb 19, 2014 6:55 pm

சூப்பர் சிவா புன்னகை

அருமையான பகிர்வு ! அன்பு மலர்

இந்த பதிவைத் துவங்கியவர் நன்றி கூறியுள்ளார் krishnaamma

**krishnaamma** · **krishnaamma** Wed Feb 19, 2014 7:15 pm

சிவா wrote:
கூர்க் பென்னி கடுபு
தேவையானவை: அரிசி ரவை - ஒரு கப், வெண்ணெய் - 2 டீஸ்பூன், தேங்காய் துருவல் - கால் கப், கறிவேப்பிலை, கொத்தமல்லித் தழை - சிறிதளவு, கடுகு, உளுத்தம்பருப்பு, பெருங்காயம் - தாளிக்கத் தேவையான அளவு, உப்பு - தேவையான அளவு,
செய்முறை: அடி கனமான வாணலியில் வெண்ணெயைக் காயவிட்டு... கடுகு, பெருங்காயம், உளுத்தம்பருப்பு, கறிவேப்பிலை தாளித்து, மூன்று கப் தண்ணீர், தேவையான உப்பு சேர்த்துக் கொதிக்கவிடவும். இதில் அரிசி ரவை, தேங்காய் துருவல், கொத்தமல்லித் தழை சேர்த்துக் கிளறவும். ரவை நன்கு வெந்த பின் இறக்கி ஆறவிடவும். இந்தக் கலவையை பந்து போல உருட்டி, ஆவியில் வேகவிட்டு எடுத்து பரிமாறவும். இதற்கு ஏதாவது ஒரு வகை சட்னி தொட்டு சாப்பிடலாம்.

குறிப்பு: பச்சரிசியை மிக்ஸியில் சின்ன ரவையாக உடைத்து பயன்படுத்தவும்.