காஷ்மீரி மட்டன் ரெசிபி

mbalasaravanan · mbalasaravanan Mon Feb 24, 2014 12:57 pm

கட்டா மீட் என்பது காஷ்மீரி மட்டன் ரெசிபிக்களில் மிகவும் பிரபலமானது. இந்த ரெசிபியில் எண்ணற்ற மசாலா பொருட்கள் சேர்த்து செய்வதால், இந்த மட்டன் ரெசிபியின் சுவையானது அட்டகாசமாக இருக்கும். மேலும் இது விடுமுறை நாட்களில் சமைத்து சாப்பிட ஏற்ற ஒரு மட்டன் ரெசிபியாகும்.

தேவையானவை :
===============

மட்டன் - 750 கிராம்
வெங்காயம் - 3 (நறுக்கியது)
சீரகம் - 2 டீஸ்பூன்
கிராம்பு - 4
பட்டை - 1 இன்ச்
கருப்பு ஏலக்காய் - 2
உலர்ந்த வெந்தய இலை - 1 டேபிள் ஸ்பூன்
மஞ்சள் தூள் - 1/2 டீஸ்பூன்
காஷ்மீரி மசாலா - 1 டீஸ்பூன்
இஞ்சி பூண்டு பேஸ்ட் - 2 டேபிள் ஸ்பூன்
வர மிளகாய் - 2
பச்சை மிளகாய் - 4 (நீளமாக கீறியது)
மாங்காய் தூள் - 3 டேபிள் ஸ்பூன்
சோம்பு பொடி - 1/2 டீஸ்பூன்
கடுகு எண்ணெய் - 2 டேபிள் ஸ்பூன்
கொத்தமல்லி - சிறிது (நறுக்கியது)
உப்பு - தேவையான அளவு

செய்முறை:

முதலில் குக்கரை அடுப்பில் வைத்து, அதில் எண்ணெய் ஊற்றி காய்ந்ததும், கிராம்பு, சீரகம், பட்டை மற்றும் கருப்பு ஏலக்காய் சேர்த்த தாளிக்க வேண்டும்.
பின்பு அதில் வெங்காயத்தைப் போட்டு 5 நிமிடம் குறைவான தீயில் வதக்க வேண்டும். பின் அதில் இஞ்சி பூண்டு பேஸ்ட் சேர்த்து 2-3 நிமிடம் வதக்கி விட வேண்டும்.
அடுத்து உலர்ந்த வெந்தய இலை, மஞ்சள் தூள் மற்றும் காஷ்மீரி மசாலா சேர்த்து, வர மிளகாயை துண்டுகளாக்கி போட்டு, 1 கப் தண்ணீர் ஊற்றி, 2-3 நிமிடம் கொதிக்க விட வேண்டும்.
பிறகு அதில் மட்டன் துண்டுகளைப் போட்டு, 8-10 நிமிடம் மசாலா மட்டனில் சேரும் வரை நன்கு பிரட்டி விட வேண்டும். பின் அதில் 2-3 கப் தண்ணீர் ஊற்றி, தேவையான அளவு உப்பு சேர்த்து கிளறி, குக்கரை மூடி 3-4 விசில் விட்டு இறக்க வேண்டும்.
விசிலானது போனதும், குக்கரை திறந்து, அதில் மாங்காய் தூள், பச்சை மிளகாய், சோம்பு பொடி சேர்த்து கிளறி, மீண்டும் குக்கரை அடுப்பில் வைத்து, 2-3 நிமிடம் குறைவான தீயில் கொதிக்க விட்டு இறக்கி,
கொத்தமல்லியைத் தூவினால், சுவையான காஷ்மீரி ரெசிபியன கட்டா மீட் ரெடி!!!

**ஜாஹீதாபானு** · **ஜாஹீதாபானு** Mon Feb 24, 2014 1:01 pm

பகிர்வுக்கு நன்றி சரவணன்

செய்து பார்க்கிறேன் நல்லா வரல உடுட்டுக்கட்டை அடி வ

mbalasaravanan · mbalasaravanan Mon Feb 24, 2014 1:47 pm

கொஞ்சம் ட்ரை பண்ணுங்க வரலைன நானும் வரல வந்துச்சுனா நானும் வந்த்ருவென் சாப்பிட டீல் ஒகே வா

**ஜாஹீதாபானு** · **ஜாஹீதாபானு** Mon Feb 24, 2014 1:55 pm

mbalasaravanan wrote:கொஞ்சம் ட்ரை பண்ணுங்க வரலைன நானும் வரல வந்துச்சுனா நானும் வந்த்ருவென் சாப்பிட டீல் ஒகே வா

இந்த டகால்டி வேலையெல்லாம் வேணாம்....

**ராஜா** · **ராஜா** Mon Feb 24, 2014 3:43 pm

mbalasaravanan wrote:கொஞ்சம் ட்ரை பண்ணுங்க வரலைன நானும் வரல வந்துச்சுனா நானும் வந்த்ருவென் சாப்பிட டீல் ஒகே வா

அடகடவுளே .... ஆடு தானா பிரியாணி சட்டியில் போயி விழா பாக்குதே .....

**ஜாஹீதாபானு** · **ஜாஹீதாபானு** Mon Feb 24, 2014 4:02 pm

ராஜா wrote:
mbalasaravanan wrote:கொஞ்சம் ட்ரை பண்ணுங்க வரலைன நானும் வரல வந்துச்சுனா நானும் வந்த்ருவென் சாப்பிட டீல் ஒகே வா
அடகடவுளே .... ஆடு தானா பிரியாணி சட்டியில் போயி விழா பாக்குதே .....

தலை அசுரன் அண்ணா வாங்கிட்டு போயிட்டார் கால் இருக்கு வேணுமா ராஜா.... புன்னகை