பாலைவன களிமண் மாளிகைகள்! : ஈமென் நாட்டு அதிசயம்

தாமு · தாமு Sat Oct 31, 2009 12:25 pm

மழை வந்தால் மருகும் மண்குடிசைகள் அதிகம் கொண்ட நாடு இந்தியா. ஆனால், களிமண்ணின் உறுதியை நம்மைவிட அதிகம் அறிந்தவர்கள் ஈமென் நாட்டுக்காரர்கள். அமெரிக்காவில் கடந்த இரு நூற்றாண்டுகளுக்கு முன்னால்தான் வானைத் தொடும் கட்டடங்கள் வளர ஆரம்பித்தன. ஈமென் நாட்டில் உள்ள ஷிபெம் என்ற பகுதியில் உள்ள மண் மாளிகைகளுக்கு வயது கிட்டத்தட்ட 2000 என்கிறார்கள். கிபி 2 நூற்றாண்டு முதலே இங்கு களிமண்ணால் ஆன அடுக்குமாடிகளைக் கட்டியிருக்கிறார்கள். இவற்றுள் இப்படி நெருக்கமாக 7ஆயிரம் வீடுகள் இருப்பதாகக் கணக்கிட்டிருக்கிறார்கள். அவற்றில் 500 கட்டடங்கள் 5 முதல் 11 அடுக்குகள் வரை கொண்டவை, சில கட்டடங்கள் 100 அடி உயரத்தை தாண்டுகின்றன.
பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city2

பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city2

இந்த கட்டடங்களில் என்ன விசேஷம் என்றால், இவையெல்லாம் மிக நெருக்கமாக கட்டப்பட்டுள்ளன. தூரத்தில் இருந்து பார்க்கும்போது இவை ஓரே வளாகத்தில் கட்டப்பட்டது போல் தோற்றம் தரும். சாலைகள் என்று எதுவும் இல்லை, எல்லாமே சந்துகள்தான். இதற்கு காரணம் இருக்கிறதாம். அந்த காலத்தில் எதிரிகளிடமிருந்து தப்பிக்கவே இப்படி கூட்டுக் கட்டடங்களை கட்டியிருக்கிறார்கள். எதிரிகள் உள்ளே நுழைந்தால் வேகமாக செல்ல முடியாத அளவுக்கு மிகச்சிறிய சந்துகள். எதிரிகள், இப்பகுதி மக்களிடம் மாட்டிக்கொண்டு சிதற வேண்டியதுதான். எதிரிகளோ கொள்ளையர்களோ இப்பகுதியில் நுழைவதாகக் கனவு கூட காண முடியாது.
பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city3

பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city3

கிபி 2 ஆம் நூற்றாண்டில் இந்தப் பகுதி முளைத்தது என்றாலும் கடந்த 5 நூற்றாண்டுகளில்தான் அபரிதமான அளவுக்கு கட்டடங்கள் அடர்த்தியாக முளைத்தன என்கிறார்கள் இப்பகுதி பற்றி ஆராய்ச்சி செய்தவர்கள்.
மனித எதிரிகள் மட்டுமல்லாது இயற்கை எதிரிகளான புயல் மழை கூட இந்தப்பகுதியை தொட்டுப் பார்த்ததுண்டு. இவற்றிடமிருந்து யாரும் தப்பிக்க இயலாதுதான். எனினும், இப்பகுதியில் வசிக்கும் மக்கள் தங்கள் கட்டடங்களுக்கு ஸ்பெஷல் வர்ணங்கள் பூசி பாதுகாத்து வருகிறார்கள். தங்கள் கட்டடங்களில் புனரமைப்புப் பணிகளை அவ்வப்போது இம்மக்கள் செய்து வருகிறார்கள்.

google_protectAndRun("ads_core.google_render_ad", google_handleError, google_render_ad);

உலகின் பழமையான, அரிய, உயரமான களிமண் கட்டடங்களைக் கொண்ட இப்பகுதிக்கு 20 ஆண்டுகளுக்கு முன்னர் பெரும் ஆபத்து வந்தது. இங்கிருந்த மக்கள் தங்கள் வாழ்க்கையை எளிதாக்கிக் கொள்ளும் முயற்சியில் பெரு நகரங்களுக்கு இடம்பெயரத் துவங்கினர். இது மனிதர்கள் இல்லாத ‘பேய் நகராக’ மாறியிருக்க வேண்டியது. நல்ல காலம், ஈமென் நாட்டு அரசின் பல்வேறு நகர வளர்ச்சித் திட்டங்களால் காப்பாற்றப்பட்டது.
பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city4

பாலைவன களிமண் மாளிகைகள்! : ஈமென் நாட்டு அதிசயம் Mud-skyscraper-city4

உலகின் சரித்திர முக்கியத்துவம் வாய்ந்த பாரம்பரிய பகுதி என்று யுனெஸ்கோவால் அறிவிக்கப்பட்ட ஷிபெம் - மை கடந்த வருடம் புயலும் மழையும் கடுமையாகத் தாக்கியதில் பல கட்டடங்கள் சிதிலமடைந்துவிட்டது குறிப்பிடத்தக்கது.
ஆயினும், புறநகர் திட்டங்கள் மற்றும் உயரமான கட்டடத் திட்டங்களுக்கெல்லாம் முன்னுதாரணமான பகுதியாக இப்பகுதி விளங்கி வருகிறது.

Ancient mud skyscraper city in Yemen

mdkhan · mdkhan Sat Oct 31, 2009 2:04 pm

ஆச்சரியமான உண்மையாக இருக்கிறது.

நன்றி தாமு......

பாலைவன களிமண் மாளிகைகள்! : ஈமென் நாட்டு அதிசயம் 678642

nandhtiha · nandhtiha Sat Oct 31, 2009 2:14 pm

வணக்கம்
தகவலுக்கு நன்றி
ஒரு காலத்தில் அவர்களுக்குக் களிமண் கிடைக்காமற் போனால் இந்தியாவுக்கு வரட்டும். இங்குள்ள அரசியல்வாதிகளின் தலைகளில் உள்ள களிமண் 5000 அடுக்குகளைக் கொண்ட கட்டடங்களைக் கட்டலாம். மழை வெள்ளத்தால் சேதமுறாதவைகளாக இருக்கும் அவ்வளவு கடினமானவை
அன்புடன்
நந்திதா

மீனு · மீனு Sat Oct 31, 2009 2:30 pm

ஈமென் என்ற நாடு ,,, எங்கு உள்ளது..இதன் பெயர் ..கொஞ்சம் அறியா பெயரா இருக்கே..

**attacrc** · **attacrc** Sat Oct 31, 2009 4:28 pm

ஏமன் அரபுநாடு சவுதி அரபியுக்கு பக்கத்து நாடு

தாமு · தாமு Sat Oct 31, 2009 4:29 pm

ஒரு காலத்தில் அவர்களுக்குக் களிமண் கிடைக்காமற் போனால் இந்தியாவுக்கு வரட்டும். இங்குள்ள அரசியல்வாதிகளின் தலைகளில் உள்ள களிமண் 5000 அடுக்குகளைக் கொண்ட கட்டடங்களைக் கட்டலாம். மழை வெள்ளத்தால் சேதமுறாதவைகளாக இருக்கும் அவ்வளவு கடினமானவை

பாலைவன களிமண் மாளிகைகள்! : ஈமென் நாட்டு அதிசயம் 677196