நம் உலகம்

யாழ்மொழி · யாழ்மொழி Sat Feb 15, 2014 1:17 pm

நமக்கான பிரபஞ்சமொன்றை
வடிவமைக்கின்றேன் வார்த்தைகளால்…,

புது கவிதையால் உருவானது நம் உலகம்...

அன்பில் ஒரு கோட்டை
ஆசைகள் அதன் காவல்
நிறம் மாறாத காதலே
இங்கு நிரந்தரப் பருவக்காலம்...

நிலவும் சூரியனும்
மறைந்துத் தோன்றும்
இரவு பகல் விளையாட்டிற்கு
இங்கு இடமில்லை
பார்வைகளின் பரஸ்பர ஒளி
பரிமாறப்பட்டபடியே.....

பருவம் மட்டுமே
பருகத் துடிக்கும்
நாகரீக காதல் இங்கில்லை
அத்துமீரலற்ற அணைப்பின்
அர்த்தம் உணர்ந்த அகராதிகளாய்
இதழ்நனையா முத்தத்தில்
இன்பம் காண்போம்...

கையேடு கைகள் கோர்த்து
பொய்கள் பலபேசும்
கடற்கரை காதல் இங்கில்லை

அன்பின் நிமித்தம்
மனித வேடம் களைந்து
மனங்கள் ஒருங்கிணைந்து
ஆன்மாவினால் எழுதும்
அடிமை சாசனம் மட்டுமே...

உனக்கு நானும்
எனக்கு நீயும்
காதல் அடிமைகளாய்
சேவை செய்திடுவோம்

கவிதையால் உருவானதொரு
காதல் தேசத்தில்
புது காவியம் எழுதிடுவோம்.....

--------- யாழ்மொழி