பள்ளிகளில் பாலியல் கல்வி அவசியம்: மருத்துவர்கள் வலியுறுத்தல்

**ayyasamy ram** · **ayyasamy ram** Sun Feb 16, 2014 2:33 am

மாணவர்களுக்கு பள்ளி பருவ காலத்தில் இருந்தே, பாலியல் தொடர்பான கல்வியை கற்றுத் தருவது அவசியம் என மருத்துவர்கள் வலியுறுத்தி வருகின்றனர்.

இதையொட்டி, சென்னை வடபழனி ஆகாஷ் குழந்தையின்மை சிகிச்சை மருத்துவமனையில் பாலியல் பிரச்னை குறித்த விழிப்புணர்வு "நேருக்கு நேர்" நிகழ்ச்சி வெள்ளிக்கிழமை (பிப்.14) நடைபெற்றது.

பாலியல் கல்வி என்பது வாழ்வியலை கற்றுத் தரும் ஆரோக்கியக் கல்வி. இதில் பெண் குழந்தை என்றால் மாதவிடாய் பற்றியும், தவறான, தேவையில்லாத கர்ப்பம் பற்றியும் கற்றுத் தரப்படும். மேலும், ஆபத்தான பாலுறவு பற்றியும் எச்சரிக்கை செய்யப்படும். ஆண்களுக்கு என்றால் அவர்களின் உடல் உறுப்புகள் மற்றும் நண்பர்களோடு பழகுவது பற்றியும் கற்றுத் தரப்படும்.

அறிவியல் பூர்வமான இத்தகைய தகவல்களை சரியான நேரத்தில் தராவிட்டால் தவறான தகவல்களை மாணவர்கள் இணையதளம் உள்ளிட்ட பல்வேறு வழிகளில் தவறாக தெரிந்து கொண்டு துன்பத்துக்குள்ளாவார்கள். எனவே பாலியல் கல்வி அவசியம் என்று தெரிவித்தனர்.

இந்நிகழ்ச்சியில் குழந்தையின்மை சிகிச்சை நிபுணர்கள் டி.காமராஜ், கே.எஸ்.ஜெயராணி காமராஜ், சர்க்கரை நோய் சிறப்பு மருத்துவர் பி.ஜி.சுந்தரராமன், மகளிர் சிறப்பு மருத்துவர் கே.ருக்மணி உள்ளிட்டோர் கலந்து கொண்டனர்.
==============
;--தினமணி

தர்மா · தர்மா Sun Feb 16, 2014 11:45 am

நாமெல்லாம் இப்படி கற்று கொடுத்தா வளந்தோம். தெரிகிற வயதில் அவர்களே தெரிந்து கொள்வார்கள். விளையாடும் வயதில் விளையாட மட்டும் குழந்தைகள் செய்ய வேண்டும். விபரீதங்களை அறிவதால் தேவையற்ற தேடல்கள் தான் வரும்.

**Dr.S.Soundarapandian** · **Dr.S.Soundarapandian** Sun Feb 16, 2014 12:36 pm

அய்யாசாமி ராம் அவர்களின் இடுகை தேவையானதே ! மருத்துவர்கள் சொல்வதை நாம் முற்றிலும் ஒதுக்கிவிடமுடியாது ! அரிவியல் கருத்துகளை மாணவர்கள் அறிவது நல்லதுதான் ! அதே நேரத்தில் ‘கூடாது’ என்போரின் அச்சத்தையும் கவனத்தில் கொள்ளவேண்டும் !

நான் சொல்வது என்னவென்றால் , ‘பாலியல் கல்வி’ என்ற பெயரைச் சொல்லாதீர்கள் ! அப்படி அறிமுகப் படுத்தாதீர்கள் ! ‘உடல்நலக் கல்வி’ என்று அறிமுகம் செய்யுங்கள் ! பல உடல்நலச் செய்திகளின் நடுவே , அழகாக, மருத்துவர்கள் கூற நினைப்பதையும், கூறட்டும் !

**ராஜா** · **ராஜா** Sun Feb 16, 2014 2:46 pm

பாலியல் கல்வி என்பது வாழ்வியலை கற்றுத் தரும் ஆரோக்கியக் கல்வி. இதில் பெண் குழந்தை என்றால் மாதவிடாய் பற்றியும், தவறான, தேவையில்லாத கர்ப்பம் பற்றியும் கற்றுத் தரப்படும். மேலும், ஆபத்தான பாலுறவு பற்றியும் எச்சரிக்கை செய்யப்படும். ஆண்களுக்கு என்றால் அவர்களின் உடல் உறுப்புகள் மற்றும் நண்பர்களோடு பழகுவது பற்றியும் கற்றுத் தரப்படும்.

இது ஆரோக்கியமான கல்வி போல தெரியவில்லையே , மாட்டிக்காம தப்பு செய்வது எப்படி என்று விளக்கம் சொல்வது போல் உள்ளது.

Dr.S.Soundarapandian wrote:
நான் சொல்வது என்னவென்றால் , ‘பாலியல் கல்வி’ என்ற பெயரைச் சொல்லாதீர்கள் ! அப்படி அறிமுகப் படுத்தாதீர்கள் ! ‘உடல்நலக் கல்வி’ என்று அறிமுகம் செய்யுங்கள் ! பல உடல்நலச் செய்திகளின் நடுவே , அழகாக, மருத்துவர்கள் கூற நினைப்பதையும், கூறட்டும் !

அருமையான கருத்து ஐயா , முதலில் எந்த வயதில் (அல்லது ) எந்த வகுப்பில் எந்த அளவிற்கு மாணவர்கள் தெரிந்துகொள்ளவேண்டும் என்று பாலியல் கல்வி / உடல்நிலை கல்வி குறித்து மருத்துவர்கள் ஒரு முழுமையான மாதிரி கல்வித்திட்டம் தயாரித்து அரசாங்கத்திற்கு கொடுக்க வேண்டும். அதன் பிறகு இதன் சாதக பாதக அம்சங்களை பற்றி விவாதிப்பது சிறந்ததாக இருக்கும்.

அதைவிட்டுவிட்டு பள்ளி பருவத்தில் மாணவர்களுக்கு தேவையில்லாத கர்ப்பம் பற்றியும் , ஆபத்தான பாலுறவு பற்றியும் சொல்லித்தருகிறேன் என்று சொல்வது இவர்களை போன்ற மருத்துவர்களுக்கு business developement plan போல தான் தெரிகிறது

balakarthik · balakarthik Sun Feb 16, 2014 3:05 pm

தெரியாதபொழுதெ பிஞ்சில் பழுத்த மாணவர்கள்தான் இருக்கிறார்கள் இன்னும் முழுசா தெரிஞ்சா அவ்வுளவுத்தான்

**Muthumohamed** · **Muthumohamed** Mon Feb 17, 2014 1:00 am

Dr.S.Soundarapandian wrote:அய்யாசாமி ராம் அவர்களின் இடுகை தேவையானதே ! மருத்துவர்கள் சொல்வதை நாம் முற்றிலும் ஒதுக்கிவிடமுடியாது ! அரிவியல் கருத்துகளை மாணவர்கள் அறிவது நல்லதுதான் ! அதே நேரத்தில் ‘கூடாது’ என்போரின் அச்சத்தையும் கவனத்தில் கொள்ளவேண்டும் !

நான் சொல்வது என்னவென்றால் , ‘பாலியல் கல்வி’ என்ற பெயரைச் சொல்லாதீர்கள் ! அப்படி அறிமுகப் படுத்தாதீர்கள் ! ‘உடல்நலக் கல்வி’ என்று அறிமுகம் செய்யுங்கள் ! பல உடல்நலச் செய்திகளின் நடுவே , அழகாக, மருத்துவர்கள் கூற நினைப்பதையும், கூறட்டும் !

வரவேற்கத்தக்க வேண்டிய கருத்து ஆமோதித்தல்