சாம்பல்

கிருஷ்ணா · கிருஷ்ணா Sun 9 Feb 2014 - 22:55

அக்னியில் இடப்பட்ட ஆகுதியானாலும்
அனலில் இடப்பட்ட சிறுபுழுவானாலும்
அதுகடைசியில் ஆவது சாம்பலே!
அகிலமே ஆண்ட அரசனானாலும்
அரையாடை பூண்ட ஆண்டியானாலும்
அந்திமக் காலமுடிவிலவன் சாம்பலே!
அந்தமும் தெரியாது ஆதியும் அறியாது
அடுத்த பிறவியும் உரைக்க இயலாது
அறிந்த ஒன்று இறுதியில் சாம்பலே!
அதுவும் தெரியும் இதுவும் தெரியும்
அனைத்தும் அறிந்தும் இப்பிறவியில்
அடக்கம் கொள்ளாது ஆர்ப்பரிப்பதேன் !

கிருஷ்ணா