டைட்டானிக் சாதனையை முறியடித்த மோகன்லாலின் த்ரிஷ்யம்

**சிவா** · **சிவா** Fri Apr 18, 2014 9:37 pm

மோகன்லால், மீனா நடிப்பில் ஜீத்து ஜோசப் இயக்கத்தில் கடந்த டிசம்பர் மாதம் வெளியான த்ரிஷ்யம் மலையாள சினிமா டைட்டானிக் சாதனையை முறியடித்துள்ளது.

ஐக்கிய அரபு நாடுகளில் 100 நாள்கள் ஓடிய ஒரே படம் என்ற பெருமையை டைட்டானிக் திரைப்படம் தான் இதுவரை பெற்றிருந்தது. ஆனால் அந்த படத்தின் சாதனையை முறியடித்து தென்னிந்திய படமான த்ரிஷ்யம் (மலையாளம்) முறியடித்து உள்ளது.திரிஷ்யம் கடந்த ஜனவரி மாதம் 2 ந்தேதி எல்டோரடோவில் வெளியானது 100-வது நாளை கடந்தும் இன்னும் வெற்றிகரமாக ஓடிக்கொண்டு இருக்கின்றது.

மோகன்லாலின் திரையுலக வாழ்க்கையில் இதுவரை சந்தித்திராத மாபெரும் வெற்றியை கொடுத்த திரைப்படம், இந்த படம் கேரளாவில் அனைத்து சாதனைகளையும் உடைத்து மிகப்பெரிய வசூலை கொடுத்தது. ரூ.4.6 கோடியில் மட்டும் தயாரான இந்த திரைப்படம் இதுவரை 51 கோடி ரூபாய் வசூல் செய்துள்ளது.

இதன் தமிழ் ரீமேக்கில் உலக நாயகன் கமல்ஹாசன் நடிக்க இருக்கிறார் என்பது குறிப்பிடத்தக்கது.

#டைட்டானிக் #த்ரிஷ்யம் #மோகன்லால் #மீனா #மலையாளம் #கமல்ஹாசன்