திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

**சாமி** · **சாமி** Mon Feb 10, 2014 8:30 pm

குருபூசை: அரிவாள் தாய நாயன்மாரின் குருபூசை சுறவம் (தை) மாதம் திருவாதிரை நாண்மீனில் கொண்டாடப்படுகிறது.
திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார். BZTNrzHbT5vq5JtkbvA5+TN_130157000000

திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார். BZTNrzHbT5vq5JtkbvA5+TN_130157000000

கணமங்கலம் என்னும் ஊர் சோழவள நாட்டின் செழிப்பிற்கு இலக்கணமாய் அமைந்துள்ள வளம் பொருந்திய தலங்களிலே ஒன்றாகும் ! நீர்வளமும், நிலவளமும், இறைவளமும் ஒருங்கே அமையப் பெற்ற தலத்திலே தாயனார் என்னும் சிவனடியார் அவதாரம் செய்தார். இவர் வேளாண் மரபைச் சேர்ந்தவர்.

சிவனடியார் களிடத்துப் பேரன்பு மிக்க இத்தொண்டர், இறைவனுக்குச் சம்பா அரிசியின் அமுதும், செங்கீரையையும், மாவடுவையும் திருவமுதப் பொருட்களாகத் தினந்தோறும் தவறாமல் அளித்து வந்தார். தாயனார் கோவிலுக்குச் செய்துவந்த திருப்பணிகள் பலவற்றுள் இதை ஒரு முக்கியத் திருப்பணியாகக் கொண்டிருந்தார். இவரது மனைவியும் இவரைப் போலவே இறைவனிடம் பக்தி கொண்டிருந்தாள்.

கணவனும் மனைவியும் தெய்வப் பணியை மட்டுமே வாழ்க்கையில் முக்கியமாகக் கொண்டிருந்தனர் ! இவ்வாறு இறைவனுக்குத் தவறாமல் பணிபுரியும் இவ்வன்பர்களுக்கு ஒரு சமயம் வறுமை ஏற்பட்டது. வறுமையைக் கண்டு அடியார் சற்றும் மனம் தளரவில்லை. தாம் செய்துவரும் தெய்வத் திருப்பணியை மட்டும் எப்பொழுதும் போல் தவறாது செய்து வந்தார். வறுமை நாளுக்கு நாள் அதிகமாயிற்று. அந்த நிலையிலும் அடியார் சற்றுகூட மனம் தளரவில்லை.

கூலி ஆட்களை வைத்து வேலை வாங்கிய நாயனார் கூலிக்கு நெல் அறுக்கும் பணியில் இறங்கலானார். கூலி வேலை செய்து கிடைக்கும் நெல்லில் செந்நெல்லைக் கோயில் திருவமுதுக்கும், கார்நெல்லை தம் உணவிற்கும் வைத்துக் கொள்வார். இங்ஙனம் வறுமையையும் ஒரு பொருமையாக எண்ணி வாழ்ந்துவரும் நாளில் இவருக்கு இறைவனின் சோதனை ஏற்பட்டது. தொண்டர்க்குக் கிடைத்த கூலி முழுவதும் செந்நெல்லாகவே கிடைத்தது. நாயனாருக்குப் பெருமிதம் தாங்கவில்லை. செந்நெல் முழுவதையுமே கோயிலுக்கு வழங்கினார். இதனால் இவரது குடும்பத்திற்கு அரிசி இல்லாமற் போனது.
(தொடரும்)

அனுராகவன் · அனுராகவன் Mon Feb 10, 2014 8:37 pm

அருமை...இன்னும் தொடருங்க....

**சாமி** · **சாமி** Wed Feb 12, 2014 7:02 am

அடியார் கீரையைப் பக்குவம் செய்து சாப்பிடத் தொடங்கினார். நாளடைவில் கீரைக்கும் பஞ்சம் வந்தது. அந்த சமயத்தில் அடியார் தண்ணீரைக் குடித்துக் குடித்து வயிற்றை நிரப்பிக் கொண்டார்.

இறைவனுக்கு திருவமுது படைப்பதற்காகவாவது நல்ல செந்நெல் கிடைக்கிறதே என்ற மனக்களிப்போடு தமது கடமையைத் தவறாது நடத்தி வந்தார் அடியார். ஒருநாள் தாயனார் இறைவனுக்கு திருவமுது படைப்பதற்கான செந்நெல், கீரை, மாவடு ஆகியவற்றை ஓர் கூடையில் சுமந்துக்கொண்டு புறப்பட்டார். பசியால் ஏற்பட்ட சோர்வு அவரை மிகவும் வருத்தியது.

அடியாருடன் அவரது மனைவியும் ஆனைந்து எடுத்துக்கொண்டு நடக்க முடியாமல் சென்று கொண்டிருந்தாள். தாயனார் பசியினால் நிலத்தில் விழப்போனார். அம்மையார் தாங்கிக் கொண்டார். கூடையில் சுமந்து வந்த திருவமுதப் பொருள்கள் கீழே விழுந்து சிதறின. நாயனார் மனம் கலங்கினார்.

திருவமுது தரையில் வீழ்ந்த பின்னர் திருக்கோயிலுக்கு சென்றுதான் என்ன பயன்? என்று எண்ணித் துடித்தார்.அடியார் உலகத்தில் உயிர் வாழவே விரும்பவில்லை. தம்மிடம் இருந்த அரிவாளால் கழுத்தை அரிந்துகொள்ள துணிந்தார்.அவரது பக்தியின் ஆவேசத்தைக் கண்டு உடன்வந்த மனைவியார் செய்வதறியாது திகைத்தாள்.
(தொடரும்)

Sponsored content · Sponsored content

திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

Re: திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

Re: திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

Re: திருவமுதுக்கு உரிய பொருட்கள் சிந்தியதால் தன்னையே அரிவாளால் மாய்த்துக்கொள்ள முற்பட்ட நாயன்மார்.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக