தமிழர் பிரச்சினையில் கருணாநிதிக்கு உறுதியான நிலைப்பாடு இல்லை: சிவத்தம்பி

http://www.meenagam.org/?p=14858
தமிழர் பிரச்சினையில் கருணாநிதிக்கு உறுதியான நிலைப்பாடு இல்லை: சிவத்தம்பி



எழுதியவர்கனி on November 1, 2009
பிரிவு: செய்திகள்



இலங்கைத்
தமிழர் பிரச்சினையில் உறுதியான நிலைப்பாடு இன்றியும் எமக்கு ஆதரவு
தெரிவிக்காத நிலையிலும் தமிழக முதல்வர் மு.கருணாநிதி செயற்படுவதன் காரணமாக
உலக செம்மொழி மாநாடு பலத்த விமர்சனத்துக்குள்ளாகியுள்ளது. புலம்பெயர்ந்து
வாழும் தமிழ் மக்கள் தமது அதிருப்தியையும் எதிர்ப்பினையும் தெரிவித்து
வருகின்றனர் என பேராசிரியர் கா. சிவத்தம்பி கூறினார்.

தமிழகத்தில் அடுத்த வருடம் நடைபெறவுள்ள
உலக செம்மொழி மாநாட்டில் கலந்து கொள்ளுமாறு அழைக்கப்பட்டுள்ளமை தொடர்பில்
கருத்துக் கேட்ட போதே அவர் இவ்வாறு கூறினார்.

அவர் மேலும் கருத்துத் தெரிவிக்கையில்,
இலங்கைத் தமிழ் மக்களின் பிரச்சினை தொடர்பில் தமிழக முதல்வர்
கருணாநிதியின் போக்குக் குறித்து தமிழ் மக்கள் அதிருப்தி அடைந்துள்ளனர்.
விசேடமாக புலம்பெயர்ந்து வாழும் தமிழ் மக்களிடையே பலத்த எதிர்ப்பை இது
தோற்றுவித்துள்ளது.

நான் இம் மாநாட்டில் கலந்து கொள்வது
குறித்து தீர்மானிக்க மேலும் கால அவகாசம் உள்ளது. மாநாட்டில் நான் கலந்து
கொண்டால் இலங்கைத் தமிழர் பிரச்சினை பற்றியும் தமிழக முதல்வருடன்
விவாதிக்கவுள்ளேன். மாநாட்டில் நான் கலந்து கொள்வேன் என்று தமிழக முதல்வர்
அறிவித்துள்ளார்.

ஆனால் அவர் என்னுடன் நேரடியாகத் தொடர்பு
கொண்டு இது தொடர்பில் எதனையும் பேசவில்லை. கலந்து கொள்ள வேண்டும் என்று
எனக்கு அழைப்பு கிடைத்துள்ளது என்றார்.
(Visited 9 times, 9 visits today)

அவர் இலங்கை தமிழர் பிரச்சனையில் ஒரு உறுதிான நிலைப்பாட்டில் தான் உள்ளார் அக்கா எப்படியாவது அவரது கதிரையை தக்க வைத்து கொள்வது என்ற நிலைப்பாட்டில்..