உனக்குப் புரியாத புல்லரிப்பு என் மெய் சிலிர்ப்பு

myimamdeen · myimamdeen Sat Feb 08, 2014 10:49 am

மதி ஓடு உறவாடி பரிவேடம் தடம்தேடி
==நதி மீது விளையாடி கடலோடு உரையாடி
மலையோடு முகிலாகி விளையாட்டு எழிலாகி
==மனதார களி தீர காயங்கள் பல போக
எடை போடும் இந்நாளில் கரம் பிடித்து வருபவளே
==பேதுறவு நானடைந்தேன் பேதை உனக்கென்ன
விரகத்தை கலைத்து விடு கிரகத்தைக் கழித்துவிடு
==ஊரார் கூடட்டும் தாலி உன் கழுத்தில் ஏறட்டும்.

அறுகாலி நீயாகி சருகாக நானாகி
==அரசாணி நீயாகி துரு ஆணி நானாகி
கலை வாணி கை பிடித்து கையாள நெய்யெடுக்க
==களவாய் இவன் மெய் சிலிர்த்து கை நழுவி
நீ செய்யும் மந்திரத்தை உனையறியா தந்திரத்தை
==என்ன எந்திரம் நான் செய்து புரிய வைக்க
என் மஞ்சத்தின் தஞ்சத்தை எப்படி தரித்தெரிய
==கையை விட்டுவிடு இல்லை கழுத்த நீட்டிவிடு

வயலோர கதிராகி ஆலமர விழுதாகி
==வரப்போரம் விருப்போடு கரம் கோர்த்த பிற்பாடு
கையெல்லாம் நீ பிராண்டி பிண்டத்த நசுநசுக்கி
==திசை எங்கும் விசையாக புரியாத இசையாக
என்னை இழுத்துச் செல்லாதே
==என் அடி நெஞ்சைக் கொள்ளாதே
மண்டலீகன் நானாக என் மண்டையை குழப்பாதே
==முத்திரையை நான் பதிக்க அத்திரையை நீ நீக்கு