இனி யார் திரும்பத் தருவார்கள் ?

by அனுராகவன் Sat Feb 08, 2014 10:33 am

ஒற்றைப் பனைமரம் ........

ஊரின் மேற்கே உயர்ந்து
நிலம் காய்ந்தாலும் நிற்கும்
ஒற்றைப் பனைமரம் ....

சிறுவர்கள் கட்டுக்கதை
பம்பரம் ,ஒழிந்து தேடும்
கற்பனை பேய் மரம் ........

பலரின் கடந்த காலம் காட்டும்
நிகழ்காலத்தை மறைக்கும்
காலமரம் ........

வழியில் செல்வோரின் பேச்சில்
நிழல் தரும்,நீர் கொடுக்கும்; இது
கண்டிப்பாக இடம் பெரும் பாசமரம் .........

தன் உறவுகள் ஏதுமின்றி தவிக்கும்
இதோ! நான் உள்ளேன் என
உன்னத ஒற்றை மரம் .........

எப்போதும் நான் கண்டாலும் என்னை
வா! என்று ..நான் உள்ளேன்..
வியப்பில் ஆழ்த்தும் அதிசய மரம் ....

கடும் புயல் காற்றுக்கு அஞ்சாத
வரட்ச்சி வந்தாலும் காயாத
ஆச்சர்ய மரம் ........

இருந்த இடம் மட்டும்
என்றும் உன்னோடு
இன்று வெறுமையாய் .............

காட்டுத்தகராருக்காக
மரத்தை வெட்டியவர்கள்
இன்று நீயோ இல்லை அங்கு......

இன்று மீண்டும்
நடுவோம்,,,,,காதலர்கள்
கைகோர்த்துக் கொண்டார்கள் !

பலரால் பேசப்பட்ட அந்த
நேசமரத்தை ...........
நான் மறவா.....

இனி யார் திரும்பத் தருவார்கள் ?