அமைதிக்கு பெயர் தான் சாந்தி

jayaravi · jayaravi Fri Feb 07, 2014 9:17 pm

அமைதிக்கு பெயர் தான் சாந்தி

பிப்ரவரி 05,2014,10:41 IST

அமைதிக்கு பெயர் தான் சாந்தி Large_105015760

* சத்தியத்தை விடாப்பிடியாய் பிடித்துக் கொள்ளுங்கள். இதன் மூலம் எதிரியின் மனதைக் கூட மாற்றும் சக்திகிடைக்கும். ஆனால், இதற்கு அசைக்க முடியாத நம்பிக்கை அவசியம்.
* கடவுளிடம் முழுமையாக சரணடைந்தால் மட்டுமே, அகில உலகத்தையும் தன்னுள் ஏற்றுக் கொள்ளும் பக்குவம் உண்டாகும்.
* இருப்பவர்கள் இல்லாதவர்களுக்கு உதவினால் மட்டும் போதாது. ஏற்றத்தாழ்வு இல்லாத சமத்துவமும் உண்டாக வேண்டும்.
* மனிதனுக்கு ஒழுங்கும், கட்டுப்பாடும் மிகவும் அவசியமானவை.
* ஒவ்வொரு வீட்டாரும் ஒரு பிடி தானியத்தை தர்மம் செய்ய வேண்டும். அதையும் வீட்டிலுள்ள சிறு குழந்தைகளின் கையால் அளிக்க வேண்டும்.
* கடவுள் எங்கும் நிறைந்திருக்கிறார். அவர் இல்லாத இடமே இல்லை.
* தனிமையில் குகையில் அமர்ந்து தவம் செய்வதை விட, பலர் சேர்ந்து கூட்டாக கடவுளை வழிபடும் முறையே மேலானது.
* ஆண்களைத் தீய வழியில் ஈடுபடாமல் தடுத்து நிறுத்தும் சக்தி பெண்களுக்கு இருக்கிறது.
* உலகம் எங்கும் சாந்தி நிலவ வேண்டும் என நாம் பிரார்த்திப்போம். உலக அமைதியை விரும்பும் வீரர்களும், சேவையாற்றும் தொண்டர்களும் மிகவும் தேவை.
* பக்தி மார்க்கத்தில், குருட்டுத்தனமான நம்பிக்கை கள் மலிந்திருப்பது வருத்தத்திற்குரியதாகும்.
* யாரையும் இம்சிக்காமல் அகிம்சை வழியில் உயிர் வாழ்வதே உயர்ந்த வாழ்க்கை.
* தியானம் செய்து கடவுளை வழிபடுவதே சிறந்த வழிபாடு.
* ஆண்களைக் காட்டிலும் பெண்களுக்கே திறமை அதிகம். ஒரு செயலை ஏற்றுக் கொண்டால், அதை எப்பாடு பட்டாவது முடித்துவிடும் தகுதி அவர்களுக்கு உண்டு.
* சத்தியத்தை வற்புறுத்துவதன் மூலம் யாரிடமும் திணிக்க முடியாது. சத்தியத்தை யாராலும் மறைக்கவும் முடியாது.
* அறிவுக்கண் திறக்கும் வரை சத்தியத்தை யாராலும் <உணர முடிவதில்லை.
* தாய்மைப்பண்பு இருப்பதால், பெண் குலத்திற்கே தயை, அன்பு, கருணை, பாசபந்த உணர்வுகள் அதிகமாக இருக்கிறது.
* கருணை என்பது பேராற்றல் மிக்க குணம். கடவுள் உணர்வு உள்ளவனிடம் உள்ளத்திலிருந்து கருணை பொங்கி வழியும்.
* உலக மக்களின் உள்ளத்தில் எல்லாம் அச்சம் மண்டிக் கிடக்கிறது. இது தவிர்க்கப்பட வேண்டும்.
* சூரியன் பாரபட்சம் இல்லாமல், எப்படி எல்லோருக்கும் தன் உஷ்ணத்தையும், ஒளியையும் வழங்குகிறதோ, அதுபோல அனைவரையும் சமமாக நடத்துபவனே அகிம்சாவாதி.
* பொருளைத் திருடினால் திருடன் என்று உலகம் கருதுகிறது. அதுபோல, பொருளைக் குவித்து வரும் செல்வந்தனும், தன்னிடம் இருப்பதை பிறருக்கு கொடுக்க மறுக்கும் கருமியையும் திருடனாகவே கருதப்பட வேண்டும்.
* பிறருக்கு கொடுத்து மகிழ்வதில் தான் உண்மையான இன்பம் இருக்கிறது. அதனால், நம்முடைய செல்வமும் பெருகும். தன்னுடையது என்று உரிமை கொண்டாடும் எண்ணத்தால் துன்பமே உண்டாகும்.

சொல்கிறார் வினோபாஜி

அமைதிக்கு பெயர் தான் சாந்தி

அமைதிக்கு பெயர் தான் சாந்தி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக