மீண்டும் மீண்டும் அவன்!!!

**M.M.SENTHIL** · **M.M.SENTHIL** Fri Feb 07, 2014 2:57 pm

First topic message reminder :

பேருந்தில் மிதமான கூட்டம் இருந்தது. திடீரென ஒரு சத்தம். “பளார்.” பளார் என்ற அந்த சத்தம் வந்த திசையில் பார்த்தேன். அவன் கன்னத்தில் கை வைத்தபடி நின்றிருந்தான். அறைந்தது அவளாகத்தான் இருக்கவேண்டும். நானும் ஒரு வாரமாக கவனித்துக்கொண்டு தான் இருக்கிறேன். அவள் ஏறும் பேருந்து நிறுத்தத்தில் ஏறுவான். அவளுக்கு பின்னால் போய் நின்றுகொள்வான். இதுவரை அவன் ஒரு நாள் கூட டிக்கெட் எடுத்ததில்லை. அவனுக்கு பதினெட்டு வயதிருக்கவேண்டும். ஒரு கசங்கிய சட்டை அணிந்திருந்தான். அழுக்கான ஜீன்ஸும் செம்பட்டை தலையும் ஒரு பிக்பாக்கெட்டை நினைவுபடுத்தியது.
முகத்தில் வயது கோளாறை பிரதிபலிக்கும் பருக்கள். அவளுக்கு நாற்பது வயதுக்குள் தான் இருக்கும். சுமாரான அழகு.

அவளிடமிருந்து அடி வாங்கிய பிறகு என்ன செய்வதென்று தெரியாமல் நின்றுகொண்டிருந்தான். அதற்குள் இன்னொரு புண்ணியவதி எழுந்து…”என்ன பாத்துட்டு இருக்கீங்க….புடிச்சு வெளிய தள்ளுங்க…பொம்புளைங்கள உரசரதுக்குன்னே வர்றானுங்க….” என்றபடி அவனை நோக்கி பாய்ந்தாள். அவன் தலை குனிந்துகொண்டான். அவன் முகத்தில் அவமானம். இந்த காரியத்தை செய்தது அவனல்ல. அவனுடைய வயது. இந்த வயதின் பலவீனத்தை என்னை போல் ஒரு சைக்காலிஜிஸ்ட் தான் தெரிந்து வைத்திருக்க முடியும். எனக்கு அவன் தோள் மேல் கை போட்டு அவனுடன் அன்பாக ஆதரவாக பேசவேண்டும் போல் இருந்தது. தாய்ப்பால் குடிக்கிற போது தோன்றாத காமம் கன்ட்ராவி எல்லாம் இந்த இரண்டாங்கெட்டான் வயதில் தான் தோன்றுகிறது. சரியான புத்தி மதியும் குடும்ப சூழலும் இல்லாமல் மனதின் இழு சக்திக்கு பலி ஆகும் வாலிபர்கள் எத்தனை பேர். எனக்கு தெரியும். அந்த பெண்ணின் கோபத்துக்கு ஒரு ஞாயம் இருப்பது போல் இவனுடைய தாபத்துக்கும் ஒரு ஞாயம் இருக்கும்.

“என்ன சார் பாத்துட்டு இருக்கீங்க. காது மேல ரெண்டு போட்டு அடிச்சு வெளிய தள்ளுங்க” என்று அந்த அதிவீர பெண்மணி தொடர்ந்து ஆண்களை உசுப்பி விட்டபடியே இருந்தாள்.
நல்ல வேளையாக, பத்து பேர் சேர்ந்து கும்பலாக ஒருவனை அடிக்கிறபோது அதில் பதினொன்றாக தன்னையும் சேர்த்துக்கொண்டு தங்கள் வீரத்தை நினைவுபடுத்திக்கொள்ளும் கோழை ஆண்கள் யாரும் அந்த பேருந்தில் இல்லை. யாரும் அவனை அடிக்க தயாராய் இல்லை. நடத்துனர் விசில் ஊதினார். பேருந்து நடுவழியில் நின்றது. அவன் யாருடைய உத்தரவுக்காகவும் காத்திருக்கவில்லை. தலை குனிந்தபடி கன்னத்தை தடவிக்கொண்டே நடக்க மட்டுமே வரம் பெற்ற ஒரு சவம் போல் அந்த பேருந்தை விட்டு கீழே இறங்கினான். அனைவரும் அவனுக்கு வழிவிட்டு ஒதுங்கிக்கொண்டார்கள். அது அவன் மேல் கொண்ட மரியாதையினாலோ பயத்தினாலோ அல்ல சாக்கடை தண்ணீர் நம் மேல் தெறித்துவிடாமல் ஒதுங்கிக்கொள்கிற எச்சரிக்கை. நான் அவனையே இரக்கத்தோடு பார்த்துக்கொண்டிருந்தேன். அந்த துள்ளல் அதிவீர பெண்மணி ஜன்னல் வழியாக கை வீசி ஏதோ ஆவேசமாக அவனை திட்டிக்கொண்டிருந்தாள். துப்பவும் செய்தாள். அறை கொடுத்தவள் மௌனமாக நின்றிருந்தாள். அவள் தான் செய்த காரியத்துக்காய் வருத்தப்பட்டிருக்கலாம்.

ஒரு வாரம் கழித்து மீண்டும் அவனை பார்க்க நேர்ந்தது. இப்போது ஒரு திரைப்படத்தின் இடைவேளையின் போது. பாப்கார்ன் வாங்கி ஒவ்வொன்றாக வாய்க்குள் எறிந்துகொண்டிருந்தேன். அப்போது மேனேஜர் அறையிலிருந்து அவனை இரண்டு போலீஸ்காரர்கள் காளரை பிடித்து இழுத்துக்கொண்டு வந்தார்கள். ஐந்தாறு பேர் பின் தொடர்ந்து வந்தார்கள். போலீஸ்காரர் “ஸ்டேஷனுக்கு வந்து கம்பிளைன்ட் கொடுங்க” என்றார். மேனேஜர் அரை அடிக்கு குனிந்து போலீஸ்காரரிடம்…
“சார் கம்பிளைன்ட் வேண்டாம் சார். தியேட்டர் பேரு கெட்டுடும். சும்மா விசாரிச்சு மிரட்டி அனுப்பிடுங்க ” என்றார். போலீஸ்காரர்கள் எப்படி விசாரிப்பார்கள் எப்படி மிரட்டுவார்கள் என்று எனக்கு தெரியும். ஒரு பலி ஆட்டை போல் அவன் நின்றுகொண்டிருந்தான். எல்லோர் பார்வையும் அவன் மேல் படிந்திருந்தது. என் அருகில் இரண்டு சிறுமிகள் நின்றுகொண்டிருந்தார்கள். அதில் ஒருத்தி மற்றவளை பார்த்து

“திருடன்…திருடன்…எப்படி இருக்கான் பாரேன். பாக்கவே பயமா இல்ல….அதான் போலீஸ் புடிச்சிட்டு போகுது” என்றாள்.

எனக்கு இப்போதும் அவன் மேல் பரிதாபம் இருந்தது. என்னை பொறுத்தவரை அவன் ஒரு குற்றவாளி அல்ல. நோயாளி. அவன் தண்டிக்கப்படவேண்டியவன் அல்ல. குணப்படுத்தப்பட வேண்டியவன். அவனுக்கு தேவை போலீஸ்காரர்களின் லட்டி அடியும் பூட்ஸ் மிதியும் அல்ல. அன்பான அரவணைப்பான வைத்தியம்.

கூட்டத்தில் இன்னொருவர்

“என் ஒயிப் வந்து கம்பிளைன்ட் கொடுக்க முடியாது சார். ஷீ இஸ் எ சென்ட்ரல் கவர்மென்ட் எம்பிளாயி. டீசன்ட் பேமிலி சார். நீங்க இவன இப்படியே விட்டுட்டா கூட கவலை இல்ல. ஆனா கம்பிளைன்ட் வேண்டாம் சார்.” என்று மன்றாடினார்.

“சரி விடுங்க. கம்பிளைன்ட் எல்லாம் வேண்டாம். இந்த பொறுக்கிய நாங்க பாத்துக்கறோம்”

என்று போலீஸ்காரர் எல்லார் முன்னிலையிலும் அவன் கன்னத்தில் “பளார்” என்று அறைந்தார். அந்த பளாரின் அதிர்ச்சியில் அருகிலிருந்த இரண்டு பெண்களுக்கு கைகள் உதறுவதை கவனித்தேன். உதறலில் பாப்கானில் இரண்டும் சில துளி கொக்ககோலாவும் தரையில் சிந்தியது. அந்த பெண்கள் அதற்கு மேல் காத்திராமல் தியேட்டருக்குள் ஓடினார்கள்.

**ஜாஹீதாபானு** · **ஜாஹீதாபானு** Fri Feb 07, 2014 5:09 pm

ஆத்தாடி ஒன்னு கூடிட்டாய்ங்க அய்யோ, நான் இல்லை

**M.M.SENTHIL** · **M.M.SENTHIL** Fri Feb 07, 2014 5:10 pm

ஜாஹீதாபானு wrote:ஆத்தாடி ஒன்னு கூடிட்டாய்ங்க

ஓடாதிங்க, ஓடாதிங்க உங்களுக்கும் ஒரு தொகுதி கொடுக்கிறோம்.

**ஜாஹீதாபானு** · **ஜாஹீதாபானு** Fri Feb 07, 2014 5:14 pm

M.M.SENTHIL wrote:
ஜாஹீதாபானு wrote:ஆத்தாடி ஒன்னு கூடிட்டாய்ங்க

ஓடாதிங்க, ஓடாதிங்க உங்களுக்கும் ஒரு தொகுதி கொடுக்கிறோம்.

மீண்டும் மீண்டும் அவன்!!! - Page 3 Images?q=tbn:ANd9GcRhE5TaAsErjnejQnBDl1dgqk5IxBIJF8X1ctZN0jfMCA802e36

உங்க தொகுதியே வேணாம்ப்பா.நானும் இப்படிக் கிடக்கவா?

பாலாஜி · பாலாஜி Fri Feb 07, 2014 5:16 pm

ஜாஹீதாபானு wrote:
M.M.SENTHIL wrote:
ஜாஹீதாபானு wrote:ஆத்தாடி ஒன்னு கூடிட்டாய்ங்க

ஓடாதிங்க, ஓடாதிங்க உங்களுக்கும் ஒரு தொகுதி கொடுக்கிறோம்.

உங்க தொகுதியே வேணாம்ப்பா.நானும் இப்படிக் கிடக்கவா?

உங்களுக்கு தெரிய இந்த புகைப்படத்தை எடுத்தது யார்

**ஜாஹீதாபானு** · **ஜாஹீதாபானு** Fri Feb 07, 2014 6:09 pm

அது நான் இல்ல புன்னகை

**SajeevJino** · **SajeevJino** Fri Feb 07, 2014 7:57 pm

உலகில் உள்ள அதிகம் பேர் தன கையில் கறையை வைத்துக் கொண்டு அடுத்தவர் கையில் இருக்கும் கறையையே சுட்டிக் காட்டுகின்றனர்

ஒரு உணர்ச்சிப் பூர்வமான கட்டுரை ..நன்றி Mr.Senthil

Sponsored content · Sponsored content

மீண்டும் மீண்டும் அவன்!!!

மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

Re: மீண்டும் மீண்டும் அவன்!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக