இயற்கை

by கிருஷ்ணா Fri Feb 07, 2014 7:56 am

நீ நல்லவனா(ளா) கெட்டவனா(ளா) ?
நீதான் இயம்ப வேண்டும் !
வானம் பொழிந்து வாழ்க்கை அளித்தாய்
வானம் பொய்த்து வாழ்க்கை அழித்தாய்
வாணிபம் செய்ய கடல்வழி தந்தாய்
வாட்டி வதைக்க சுனாமியாய் வந்தாய்
வாடைக் காற்றாய் மனதை மயக்கினாய்
வாழ்வியல் கெடுத்தாய் சூறாவளியாய்
வா எனவும் மயக்கும் மழைத்தூறலானாய்
வாராதே எனவும் வந்தாய் வெள்ளமாய்
வாழெனத் தாங்கி நின்றாய் பூமித்தாயாய்
வாள் கொண்டறுக்க வந்தாய் பூகம்பமாய்
வால்நட்சத்திரஐசானாய் ஜொலிக்கிறாய்
வானில்சிதைந்தெரிகல்லாய் தாக்கினாய்
வாய்ப்பு ஈந்து வாழவும் வைக்கிறாய்
வாழ்வைப் பறித்து வீழவும் செய்கிறாய்
நீ நல்லவனா(ளா) கெட்டவனா(ளா) ?