பாதுகாப்பு ப்ளஸ் ...........

DERAR BABU · DERAR BABU Wed Feb 05, 2014 2:26 pm

கதவை முழுமையாகத் திறக்காத அளவில் பொருத்தப்படுகிற சிறு சங்கிலியை இன்றே உங்கள் வீட்டுக் கதவில் பொருத்திவிடுங்கள்.
 மொட்டை மாடியிலிருந்து மாடிப்படி வழியாக வீட்டினுள் யாரும் வர அனுமதிக்காதபடி தடுப்புச் சுவர்களை, கதவுகளை அமைத்துக் கொள்ளுங்கள்.
 ஒன்றிரண்டு முறை பார்த்த, பழகிய நபர்கள் ஆனாலும் அவர்கள் குறித்து முழுமையான தகவல் தெரியாதவரை வீட்டுக்குள் அனுமதிக்கவே கூடாது. அவசியம் பேசியாக வேண்டும் என்றாலும் ஆள் நடமாட்டம் உள்ள பொது இடத்தில் அமர்ந்து பேசுங்கள்.
 சந்தேகத்திற்கிடமாக யாராவது உங்கள் வீட்டைக் கண்காணிப்பதாக உணர்ந்தால் உடனே அக்கம்பக்கத்தினர் உதவியுடன் காவல் துறைக்குப் போன் செய்யுங்கள்.
 பகல் நேரத்தில் அறிமுகம் இல்லாத நபர்கள், தண்ணீர் கேட்டு வருபவர்கள் போன்றவர்களிடம் ஜாக்கிரதையாக இருங்கள். இப்படிப்பட்ட போர்வையில் தான் குற்றவாளிகள் நோட்டம் பார்த்துச் செல்வார்கள்.
 அதுபோல வீட்டுக்கு வந்து நகை பாலீஷ் போட்டுத் தருவதாக வருபவர்களிடம் ஏமாற வேண்டாம்.
 டிவி பார்க்கும் போது கதவைத் திறந்து வைத்துக் கொண்டு பார்க்க வேண்டாம். உங்களை அறியாமல் டிவி பார்த்தபடியே தூங்கிவிட வாய்ப்பிருக்கிறது. இச்செய்கை ரோட்டில் போகும் திருடனை வீட்டிற்குள்
"வா' என்று அழைப்பது போலாகிவிடும்.
 அருகில் உள்ள கடைக்குப் போகும் போதும் கூட உங்கள் வீட்டுக் கதவைப் பூட்டாமல் சாத்திவிட்டு செல்வதைத் தவிர்த்துவிடுங்கள். அதே போல வீட்டிற்கு வெளியே பாத்ரூம் இருந்தால் அதன் கதவை வெளிப்புறமாக தாளிட்டே வையுங்கள். அதன் கதவு திறந்திருந்தால் சந்தேகப்படுங்கள்.
 வீட்டைப் பூட்டிவிட்டு மொட்டைமாடியில் தூங்கும்போது சாவியைத் தலையணைக்கு அடியில் வைத்துக் கொண்டு தூங்காதீர்கள்.
 உங்கள் பகுதியில் சந்தேகத்திற்கிடமான வகையில் புதிதாக வந்து தங்கியுள்ள, தங்கள் வருமானத்துக்கும் அதிகமாகச் செலவு செய்கின்றவர்களிடம் ஜாக்கிரதையாக இருங்கள்.

dinamani

**krishnaamma** · **krishnaamma** Wed Feb 05, 2014 2:33 pm

நல்ல விழிப்புணர்வு பகிர்வு புன்னகை

நன்றி பாபு !

இந்த பதிவைத் துவங்கியவர் நன்றி கூறியுள்ளார் krishnaamma

balakarthik · balakarthik Wed Feb 05, 2014 2:47 pm

அப்படியே அக்கம் பக்கத்து வீடுகளுக்கு தன வீட்டில் நடப்பதை பொருள் வாங்குவதை தம்பட்டம் அடிப்பதையும் பெருமை பேசுவதையும் நிறுத்தினால் மிகப்பெரிய பாதுகாப்பு

**krishnaamma** · **krishnaamma** Wed Feb 05, 2014 2:55 pm

balakarthik wrote:அப்படியே அக்கம் பக்கத்து வீடுகளுக்கு தன வீட்டில் நடப்பதை பொருள் வாங்குவதை தம்பட்டம் அடிப்பதையும் பெருமை பேசுவதையும் நிறுத்தினால் மிகப்பெரிய பாதுகாப்பு

உங்கள் வார்த்தைகள் ஒவ்வொன்றும் அக்ஷர லக்ஷம் பெறும் பாலா புன்னகை