யார் துறவி? எது துறவு?

jayaravi · jayaravi Fri Jan 31, 2014 8:03 pm

‘யார் துறவி? எது துறவு?’ என்கிற கேள்விக்கு இலக்கணமாக, பெரியவர் திகழ்ந்த ஒரு அரிய சம்பவம் ...
பெரியவர் அறுபது வயதை தொட்டிருந்த சமயம். பக்தர்கள் அவருக்கு தங்க கிரீடம் சூட்டி கௌரவிக்க எண்ணினார்கள்.
ஆந்திர மாநிலம், விஜய வாடாவில் பெரியவரின் இந்த வைபவத்தை ஒட்டி ஒரு தங்க கீரீடமும், இரண்டு லட்ச ரூபாய் காணிக்கையும் வழங்க தீர்மானித்திருந்தனர்.
...
இதுபற்றிய தகவல் பெரியவரை அணுகவுமே, அதற்கான வசூலை தடுத்துவிட்டார் பெரியவர். அவ்வேளையில் அவர் சொன்னதுதான் "யார் துறவி – எது துறவு" என்பதற்கு இலக்கணம்!
ஸ்தாபன பலம் என்று ஒன்று மிதமிஞ்சி ஏற்பட்டுவிட்டாலே, அதன் அதிபதியனாவன் ஆத்ம பலம் சம்பாதிக்க சிரமப்பட வேண்டியதில்லை என்னும் ஆபத்து ஏற்பட்டுவிடுகிறது. சன்னியாசி என்பவனை, ஒரு உடைமையுமில்லாத ஏகாங்கியாக, அவன் தன் ஊர் என்று சொல்லிக்கொள்வதற்குக்கூட, ஒரு இடம் இருக்க வேண்டாமென்று, சதா ஊர்ஊராக சஞ்சாரம் பண்ணும்படிதான் சாஸ்திரம் கூறியுள்ளது.

இருந்தும், சமூகத்துக்கு வழிகாட்ட ஒரு அமைப்பு தேவைப்பட்டு அதுதான் மடம் என்றானது. இதை ஒரு தவிர்க்க முடியாத தீமை (Necessary evil) என்றுதான் கூற வேண்டும்.தவிர்க்க முடியாத இந்தத் தீமையை நன்மையாக மாற்றிக்காட்டும் கடமையே சன்னியாசியின் கடமை. இந்தக் கடமையின் போது, அவனது ஆன்ம தபோ பலத்தைவிட, பணத்தின் பலம் பெரிதாகி விடாமல் அவன் பார்த்துக் கொள்ள வேண்டும்.காஞ்சிமடம் அவசியச் செலவுக்கே கஷ்டப்பட்ட காலம் உண்டு.

ஆனால் சந்திரமௌலீஸ்வரர் கருணையாலே அந்த கஷ்டம் நீங்கியது. இந்த மாதிரி கஷ்டங்களை ஈஸ்வர சோதனையாகவே கருதினேன். உத்தமமா பார்த்துக்கொள்வது அவன்தான்; பணமல்ல.எனவே, எப்போதும் Nil Balanceலேயே மடம் இருக்கும்படி ஜாக்ரதையாக நிர்வகித்து வருகிறேன். இன்று இரண்டு லட்சம் என்று சர்ப்ளஸ்ஸில் போகப் பார்த்தது. இதற்கு ‘ப்ளஸ்’ கூடாது என்று கருதுகிறேன். ஸ்வாமிவாரு தடுத்து விட்டாரே என வருத்தப்படவேண்டாம். பணத்தை வாங்கிக்கொண்டு, நான் பண்ணுவது ஆசீர்வாதமாக இருக்காது. அதற்காக பணமே வேண்டாம் என்று கூறவில்லை. நெருக்கடி ஏற்படும்போது, உங்களிடம்தான் பிட்சை கேட்டு நிற்பேன். தேவைக்குத்தான் பணம். சன்னியாசிக்கு பணத்தைவிட ஆத்மபலம்தான் பெரும் பணம்…!’
..... இந்திரா-செளந்தர்ராஜன்
நன்றி: "தீபம்" (கல்கி வழங்கும் ஆன்மீக இதழ்)

மகேந்திரன் · மகேந்திரன் Fri Jan 31, 2014 8:54 pm

நல்ல பதிவு

ஸ்தாபன பலம் என்று ஒன்று
மிதமிஞ்சி ஏற்பட்டுவிட்டாலே,
அதன் அதிபதியனாவன் ஆத்ம
பலம் சம்பாதிக்க சிரமப்பட
வேண்டியதில்லை என்னும்
ஆபத்து ஏற்பட்டுவிடுகிறது.
#

இதில் ஸ்தாபன பலம்
என்பது என்ன, அது எதைக்குறிக்கிறது
விளக்கமுடியுமா

jayaravi · jayaravi Fri Jan 31, 2014 9:37 pm

"ஸ்தாபன பலம் என்று ஒன்று மிதமிஞ்சி ஏற்பட்டுவிட்டாலே,
அதன் அதிபதியனாவன் ஆத்ம பலம் சம்பாதிக்க சிரமப்பட
வேண்டியதில்லை என்னும் ஆபத்து ஏற்பட்டுவிடுகிறது"

ஸ்தாபன பலம் என்பது இந்த பதிவை பொருத்தவரையில் , சங்கராச்சாரியார் நிறுவின மடங்களையும் , ஏற்படுத்தின சிறந்த அத்வைதத்தையும் உணர்த்துவதாகும் - இதன் பலம் - பண பலத்தின் முன் தன் வலிமையை இழக்ககூடாது - இதைத்தான் ஒவ்வரு துறவியும் பார்த்துக்கொள்ளவேண்டும்

அன்புடன் ரவி

மகேந்திரன் · மகேந்திரன் Fri Jan 31, 2014 9:47 pm

நன்றி ரவி sir

Sponsored content · Sponsored content

யார் துறவி? எது துறவு?

யார் துறவி? எது துறவு?

Re: யார் துறவி? எது துறவு?

Re: யார் துறவி? எது துறவு?

Re: யார் துறவி? எது துறவு?

Re: யார் துறவி? எது துறவு?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக