இந்தியன் பாங்கில் பி.ஓ., பணி வாய்ப்பு

கோவைசிவா · கோவைசிவா Sun 1 Nov 2009 - 12:00

சென்னையை தலைமையகமாகக் கொண்டு இயங்கி வரும் இந்தியன் பாங்க் நாடெங்கும் எண்ணற்ற கிளைகளைக் கொண்டுள்ளது. தற்போது கிளார்க் பணிக்கான நேர்முகத் தேர்வை நடத்தி வரும் இந்த வங்கி, தனக்குத் தேவைப்படும் 118 பி.ஓ., பணியிடங்களை அறிவித்துள்ளது. இப் பணிக்கு ஆன்லைனில் தான் விண்ணப்பிக்க முடியும்.
தகுதிகள்
1.7.2009 அன்று 21 முதல் 30 வயதுக்குள் இருக்க வேண்டும். மத்திய அரசுப் பணிகளில் எஸ்.சி., எஸ்.டி., மற்றும் ஓ.பி.சி., பிரிவினருக்குத் தரப்படும் வயது சலுகைகள் இதிலும் தரப்படும். பட்டப்படிப்பு ஒன்றில் குறைந்தது 55 சதவீதத்துடன் தேர்ச்சி பெற்றிருக்க வேண்டும். முன் அனுபவம் தேவையில்லை. அடிப்படையில் கம்ப்யூட்டரில் சிறப்பாகப் பணி புரியத் தெரிந்தவராகவும் இருக்க வேண்டும்.
விண்ணப்பிக்கும் முறை
இப்பணிகளுக்கு அக்டோபர் 16 முதல் நவம்பர் 16 வரை ஆன்லைனில் மட்டுமே விண்ணப்பிக்க முடியும். விண்ணப்பக் கட்டணம் ரூ.400. இதை இந்தியன் பாங்க் கிளை ஒன்றில் செலுத்த வேண்டும். இணைய தளத்தில் இந்த விண்ணப்பக்கட்டணம் செலுத்துவதற்கான சலான் உள்ளது. அதை டவுண்லோட் செய்து நிரப்பி கட்ட வேண்டும். இதை ஆன்லைனில் விண்ணப்பிக்கும் முன்பு தயாராக வைத்துக் கொள்ள வேண்டும். அது போலவே தற்போது பயன்பாட்டில் உள்ள இமெயில் முகவரி ஒன்றையும் ஆன்லைனில் விண்ணப்பிக்கும் முன்பு தயாராக வைத்துக் கொள்ள வேண்டும். இந்த சலானில் உள்ள தகவல்களை ஆன்லைனில் நிரப்ப வேண்டும்.
தேர்வு முறை
இப்பணிகளுக்காக வழக்கம் போல பாங்க் பி.ஓ., பணிக்காக நடத்தப்படும் தேர்வு நடத்தப்படும். 135 நிமிடங்களுக்கு நடத்தப்படும் தேர்வில் ரீசனிங், கணிதம், ஆங்கிலம் மற்றும் பொது அறிவுப் பகுதிகள் இடம் பெறும். தவறான பதில்களுக்கு நெகடிவ் முறையில் மதிப்பெண்கள் கழிக்கப்படும். இதன் பின் விரிவாக விடையளிக்கும் பகுதியும் இடம் பெறும். இதில் 5 கேள்விகள் தரப்பட்டு அதில் 4 கேள்விகளுக்குப் பதிலளிக்க வேண்டும்.
தேர்வு மையங்கள்
பெங்களூரு, சென்னை, கோயம்புத்தூர், திருச்சி ஆகிய இடங்களில் இப்பணிக்கான தேர்வு நடத்தப்படும். மதுரை இல்லை என்பதை நினைவில் கொள்ளவும்.
முழு விபரங்களை அறியவும் ஆன்லைனில் விண்ணப்பிக்கவும் வேண்டிய இணைய தள முகவரி www.indianbank.in ஆன்லைனில் விண்ணப்பிக்கக் கடைசி நாள் நவம்பர் 16, 2009.

இந்தியன் பாங்கில் பி.ஓ., பணி வாய்ப்பு

இந்தியன் பாங்கில் பி.ஓ., பணி வாய்ப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக