உன்னை விட

myimamdeen · myimamdeen Mon 27 Jan 2014 - 20:24

பரந்து கிடக்கும்
இந்தப் பாரினில்
எந்தப் பொருளும்
முனைப்பாய்
கண்ணுக்கு தெரிவதாயில்லை
உன் வட்ட முகத்தில் தெரியும்
ஒற்றைப் பருவைத் தவிர .

காதல் என்று வந்துவிட்டால்
அழகழகாய்
பறந்து திரியும் எத்தனையோ
வண்ணத்துப் பூச்சிகள்
கண்ணுக்குத் தெரிவதாயில்லை
உன் பக்கவாட்டில் தெரியும்
மச்சத்தைத் தவிர .

நீல நிற வானை உடைத்துக்
கொண்டு
பொன்னிற சேலை கட்டிய
அந்த நிலா மகள்
கண்ணுக்குத் தெரிவதாயில்லை
குன்றின் மேல் விளக்காய்த் தோன்றும்
உன் வெண் முகம் தவிர .

பத்தும் பறந்து
பதறி வரும்
பசி கூட
வயிற்றைக் கிள்ளுவதாயில்லை
அண்டவெளியில்
நான் கற்பனையில்
மிதந்து கொள்ளும்
உன் ஞாபக அலைகளைத் தவிர .

எத்தனை சுகங்களை
சுமந்து வரும்
நித்திரை
என்னை ஆட்கொள்ளுவதாயில்லை
உன்னை பார்த்துக் கொண்டே
அமர்ந்து கொள்ளும்
சயன இருக்கை சௌகரியத்தின்
இதத்தை விட

SenthilMookan · SenthilMookan Mon 27 Jan 2014 - 20:54

மகேந்திரன் · மகேந்திரன் Mon 27 Jan 2014 - 21:04

அருமையான வரிகள்
வாழ்த்துக்கள்

**ayyasamy ram** · **ayyasamy ram** Mon 27 Jan 2014 - 21:36

இந்த பதிவைத் துவங்கியவர் நன்றி கூறியுள்ளார் ayyasamy ram

**M.M.SENTHIL** · **M.M.SENTHIL** Mon 27 Jan 2014 - 22:29

உன்னைவிட - உலகில் வேறதுவும் அழகாய் இல்லை.
உன்னைவிட - எதுவும் அழகாய் தோணவும் இல்லை.
உன்னைவிட - என்னை இம்சிக்கும் நபர் யாருமில்லை

**பார்த்திபன்** · 24/07/2011

myimamdeen wrote:பரந்து கிடக்கும்
இந்தப் பாரினில்
எந்தப் பொருளும்
முனைப்பாய்
கண்ணுக்கு தெரிவதாயில்லை
உன் வட்ட முகத்தில் தெரியும்
ஒற்றைப் பருவைத் தவிர .

காதல் என்று வந்துவிட்டால்
அழகழகாய்
பறந்து திரியும் எத்தனையோ
வண்ணத்துப் பூச்சிகள்
கண்ணுக்குத் தெரிவதாயில்லை
உன் பக்கவாட்டில் தெரியும்
மச்சத்தைத் தவிர .