என் காதலி

by மகேந்திரன் Mon Jan 27, 2014 8:59 am

நெப்பந்தஸ் பெண்ணே...!!
உன் இதழால் என்னை கொல்லாதே!
தினமும் என்னை தின்னாதே!

அழகே..!
உன் கண்ணால்,
என்னை திருடும் பார்வை பார்க்காதே..
அது
தினமும் என்னால் தூங்காதே..!

வேற்றுக்கிரகவாசி நான்.,
பறக்கும் தட்டில் உன்னை தூக்கிக்கொண்டு போவேன்,
வெற்றுஆர்பிட்டால் போல
அணுவே உன்னை சுற்றி நானும் வருவேன்.

கட்டபொம்மன் நானே..
கப்பம் கட்ட மாட்டேன்,
கடவுள் எதிரே வந்தாலும்
கண்டுகொள்ள மாட்டேன்..

உன் நாட்டிய அழகை கண்டேன்..
நீ ஆர்கஸ்பீசஸ் தானடி
உன் நாவில் இருக்கும் உமிழ்நீரிலும்
நச்சு உள்ளதடி
என்னை கொல்லுதடி.

சீனாவின் மஞ்சள் நதியா - இல்லை
நீ நான் உண்ணும் மயக்கமருந்தா

செதில்கள் இல்லா செம்மீனே
உன் செதுக்கிய மார்பினுள் வீசிய
நங்கூரம் அது நான்தானே

நாணத்தால் உருவான பெண்மை நீ
நாஞ்சில்தோட்டத்து பேரழகி நீ
மோகத்தில் நீயும் திளைக்க
முதுகெலும்பில்லா உயிரினம் நீ

கொக்கை தேடும் மீனோ
இல்லை
புலியை தேடும் மானோ

கொத்திப்போய்விட்டாய் என்னை
கொங்குநாட்டு அரசி நீ

மஞ்சுவாக நீ
மலையை தொட்டு ரசிப்பாய்
மறைந்துபோய்விட்டேனோ நான்
உன் மையல் அழகை கண்டு

சாக்கடல் அது ஆழமில்லை
மழைத்துளி அதில் வாசமில்லை
உன் மனம் அது ஆழமடி
உன் மேனி முழுவதும் என் வாசமடி.