இலங்கை மீது சர்வதேச விசாரணைகள் மேற்கொள்ளப்பட வேண்டும்! – ஆம் ஆத்மி அமைப்பு

**அகிலன்** · **அகிலன்** Tue Jan 21, 2014 3:16 pm

இலங்கையில் இடம்பெற்றதாக கூறப்படும் யுத்தக் குற்றச்சாட்டுக்கள் மற்றும் மனித உரிமை மீறல்கள் தொடர்பில் சர்வதேச விசாரணைகள் மேற்கொள்ளப்பட வேண்டும் என இந்திய ஆம் ஆத்மி கட்சி கோரிக்கை விடுத்துள்ளது.

புது டில்லியில் ஆட்சியை அமைத்துள்ள இந்திய ஆம் ஆத்மி கட்சியின் செயற்குழு கூட்டம் நேற்றைய தினம் இடம்பெற்றது.

இதன் போதே அக்கட்சியின் தேசிய செயற்குழு உறுப்பினர் பிரசாந்த் பூஷன் இவ்வாறு கோரிக்கை விடுத்துள்ளார்.
இலங்கையில் இறுதிக்கட்ட யுத்தம் இடம்பெற்ற போது அதனை தடுக்க இந்திய மத்திய அரசாங்கம் தவறியுள்ளதாக தெரிவித்த அவர்,

இறுதிக்கட்ட யுத்ததின் போது இடம்பெற்றதாக கூறப்படும் மனித உரிமை மீறல்கள் மற்றும் யுத்தக் குற்றச்சாட்டுக்கள் தொடர்பில் சுயாதீன விசாரணை மேற்கொள்ளுமாறு இந்திய அரசாங்கம் இலங்கையை வலியுறுத்த வேண்டும் என கேட்டுக்கொண்டுள்ளார்.
அத்துடன் நடைபெறவுள்ள ஜக்கிய நாடுகள் மனித உரிமைகள் பேரவையின் கூட்டத் தொடரில் இலங்கைக்கு எதிராக இந்தியா பிரேரணை ஒன்றை முன்வைக்க வேண்டும் என இந்திய ஆம் ஆத்மி கட்சியின் தேசிய செயற்குழு உறுப்பினர் பிரசாந்த் பூஷன் வலியுறுத்தியுள்ளார்

http://win.ethiri.com

**ராஜா** · **ராஜா** Tue Jan 21, 2014 4:07 pm

so ..... தமிழகத்தில் தேர்தலில் நிற்க எல்லாதகுதியும் உங்களுக்கும் இருக்குன்னு நிரூபித்து விட்டீர்கள்.

அப்படியே பாராளுமன்ற தேர்தல் முடியுற வரைக்கும் இப்படியே சொல்லிட்டு இருங்க நாலைஞ்சு ஒட்டு சேர்ந்தது விழும், வாழ்த்துகள்