வாழ வழியில்லாத வாய்க்கால்கள்

வாழ வழியில்லாத வாய்க்கால்கள்

காவேரிக்கு துணையாறு,
கோரையாத்துகிட்ட கோவிச்சுக்கிட்டு
ரெண்டா பிரியும் அரசனூர் சந்தனவாய்க்கால்
நல்லவாய்க்கால் ஒன்னு
கொள்ளவாய்க்கால் ஒன்னு...

கோட்டமாரி கோயில் முன்ன
ஒய்யாராம ஓடியாரும்
எங்க ஊரு கொள்ளவாய்க்கால்.
குதிச்சு குளிச்சா குத்தாலம்
அள்ளிக்குடிச்சா சிறுவானி.!

வாழைதண்டுல அனையகட்டி
வாரவழி மறிப்பாரு கானிகாரன்,
பயிருக்கெல்லாம் பாஞ்சுபுட்டு
கலங்கிபோயி வந்துநிக்கும்...

மேலாகளம் தாண்டுனா
வாத்தியாரு வாழைதோப்பு
வரப்பெல்லாம் ரொப்பிபுட்டு
வெத்தலை பதியனுக்கு வேர் நனைக்கும்!

பத்தடில பள்ளக்கை
கொஞ்சம் மேலுகாலுக்கு தண்ணிவிட்டு
தெழிஞ்சுபோயி
நெழிஞ்சுவரும்..

கோழிகூப்புட கோலம்போட்டு
கருக்கலுல மொத ஆளா
தொவைக்கவரும் அத்தாச்சி ,
நாலு நா துணிய
ஓரேமுட்டா தொவைச்சுபுடும்..

சூரியனுக்கு முன்னால
கொழுந்தியால டாவடிக்க
கொழந்த மாறி வந்துநிப்பான்
பல்லிலிக்கும் பட்டாளத்தான்..

தண்ணிபாம்ப கையில புடிச்சு
தாவனி போட்ட தாமரைய
அன்னாந்து பாக்கவப்பான்
பட்டதாரி ராசு அண்ணன்..

புரியாத மந்திரம் சொல்லி
பூநூல புடிச்சுகிட்டு
தலையோட முழுக்குபோடும்
குடுமி வச்ச ராமய்யர்.

நீச்சலடிக்க தெரியாம
பித்தாளை சொம்புல
மொந்து மொந்து குளிப்பாரு
நாக்கியரு புதுமாப்புள்ள..

இந்த சனத்தயெல்லாம்
நனைச்சுப்புட்டு
சல்லிகூட சலிச்சுக்காம
சல சலனு ஓடிபோகும்..

வாய்க்கால மொதலா போட்டு
வன்னாத்தி
காரவூடு கட்டுன கதையெல்லாம் இங்கிருக்கு...

ஆடி ப்பெருக்குல ஆடிபோகும்
நாதியத்து கெடக்குதுப்போ...

தேங்கிநிக்கும் தண்ணயில
சூத்துகழுவ கூச்சப்பட்டு
வெள்ளக்காரன் விட்டுபோன
பழக்கம் வந்து தொத்திகிச்சு...

வெள்ளாமை நடந்த நிலம்
விளையாம வெடிச்சிருக்கு...

நாகரீக நாடகத்துல
நாத்தமடிச்சு கெடக்கு,
சேறு கலந்த தண்ணியில
கழிவுநீர் கலந்திருக்கு..

சாமியா இருந்தயிடம்
சாக்கடையா மாறிடிச்சு...

கொள்ளையழகு!!
எங்க கொள்ளவாய்க்கால்...!
கொள்ளையடிச்சு போனதாரு??

மனிதன் வாழ வழி கொடுத்த வாய்க்கால
கண்டுக்காம விட்டதாரு தெரியுமாங்க,
இயற்கைய சாமின்னு கும்பிட்ட ஆளுகதான்
மரத்தையெல்லாம் வெட்டினாங்க,
வெட்டுப்பட்ட மரமெல்லாம்
ஒன்னா நின்னு சாபம் விட்டுச்சாம்,
இந்த பாவி மனுஷ பயலுக
மழை வராம தவிச்சாத்தான்
எங்க அருமை புரியுமுன்னு!!
மரங்க விட்ட சாபம்
பளிச்சது பாருங்க,
மழை தண்ணி பூமிய தொடல,
நம்ம பண்ணின பாவந்தான்
நமக்கே எமனாய் ஆனதுங்க,
கடலே காஞ்சி போகும்
இன்னும் கொஞ்ச நாள்ல,
இதுல வாய்க்காலுக்கு
ஏதுங்க தண்ணி!!

படிக்கும்போதே கண்கள் கலங்குகிறது , மனம் மீண்டும் அந்த நாட்களை ஏங்குகிறது.