தலை கவசம்

by **M.M.SENTHIL** Thu Jan 23, 2014 11:57 am

அவசர உலகம்
அனைத்திலும் அவசரம்
எட்டு மணிக்கு நேர்காணல்
இருபது நிமிட பயணம்,
இடையில் நண்பர்களுடன்
கொஞ்ச நேரம் கதைத்து விட்டு
விருட்டென்று புறப்பட்டேன்!!
பத்து நிமிடம்
அசுர வேகம்,
எந்த பிரச்சினையும் இல்லை
இதோ எதிரில் வரும்
கார் என்மீது மோதும் வரை
எந்த பிரச்சினையும் இல்லை!!

அடிபட்டு கிடக்கிறேன்
சுற்றிலும் நிறைய பேர்
வேடிக்கை பார்க்க மட்டும்,
இந்த நாய்ங்க இப்படிதாங்க
வேகமா வந்து சாகரானுங்க,
பைக் கையில வந்துட்டா
ஏரோப்பிளேன் ஓட்டுற நினைப்பு,
ஆளுக்கொரு அடி வார்த்தையில்,
மயக்கம் வரும் முன்னர்
மனதில் ஒரு ஞாபகம்,
வீட்டில் புறப்படும்போது
அம்மா சொன்னாள்,
தம்பி ஹெல்மெட்ட மறந்துடாத!!
மறந்தது தவறென்று
தெரிந்தது மரணத்தின்
பிடியில் கிடக்கையில்!!

by **ayyasamy ram** Thu Jan 23, 2014 12:02 pm

-
விதி வினை புரியும்போது
மதி\யின் முனை மழுங்கிப் போகுமாம்...!

by **M.M.SENTHIL** Thu Jan 23, 2014 12:05 pm

ayyasamy ram wrote:-
விதி வினை புரியும்போது
மதி\யின் முனை மழுங்கிப் போகுமாம்...!

ஆம் அய்யா, ஒரு நிமிடம் யோசித்தால் பல வருடம் வாழலாம்.

by **ராஜா** Thu Jan 23, 2014 12:08 pm

by **M.M.SENTHIL** Thu Jan 23, 2014 12:18 pm

ராஜா wrote:

இந்த பதிவு திரு. இனியவன் அவர்களுக்காக. எங்கே உங்கள் கவிதைகளை காணவில்லை என்று கேட்டிருந்தார். அதனால் ஒரு உடனடி கவிதை இது.

by **ஜாஹீதாபானு** Thu Jan 23, 2014 12:21 pm

சூப்பர் செந்தில்

by **M.M.SENTHIL** Thu Jan 23, 2014 12:23 pm

ஜாஹீதாபானு wrote:சூப்பர் செந்தில்

நன்றி மேடம்.

by உதயசுதா Thu Jan 23, 2014 2:12 pm

உண்மைதான்.தலைகவசம் குறித்து எத்தனை தடவை அறிவுறுத்தல்கள் வந்தாலும் நம் மக்கள் திருந்துவதில்லை.இது போல அடிபட்டதுதான் அறிவு வரும்.அறிவு வரும்போது ஒன்று உடல் உறுப்பை இழந்து இருப்பார்கள் இல்லையெனில் உயிரை விட்டு இருப்பார்கள்.

தலைகவசம் குறித்த உங்கள் கவிதை நன்று செந்தில்