Latest topics

கணவன்..

ஈகரை தமிழ் களஞ்சியம் :: கவிதைக் களஞ்சியம் :: ரசித்த கவிதைகள்

Page 1 of 1

கணவன்..

Post by ayyasamy ram Tue Jan 14, 2014 3:57 pm

இல்லாளை பெருமைப்படுத்தும் கட்டுரைகள்
பாடல்கள் நிறைய உள்ளன...
-
கணவனையும் பெருமைப்படுத்தும் கவிதை
ஒன்றைக் கண்டேன்...
-
பகிர்தலுக்காக இங்கே:
--------------------------------------------------------------------------------
-

கட்டுண்டு சிறையிருந்த கன்னித் திருமகளை
கட்டி வந்த நாள் முதலாய்க் காடு போம் வரையில்
கட்டிக் காப்பவனே கணவன் – நாணம்
தொட்டுப் போக்குபவன் கணவன்
-
மூன்று முடிச்சிட்டு முழுப் பொறுப்பும் தானேற்று
ஊன்று கோலாகி உடன்சென்று வாழ்நாளில்
பொறுப்புகளைத் தாங்குபவன் கணவன் – மனைவிக்குச்
சிறப்புகளை ஆக்குபவன் கணவன்
-
தனக்கென்று புத்தாடை தங்கநகைகளைத் தவிர்த்து
உனக்கின்று பட்டாடை மக்களுக்குப் பரிசென்று
ஒப்பனைக்கும் பொருள் தருவான் கணவன் – அம்மை
அப்பனுக்கும் செலவிடுவான் கணவன்
-
தன் மனைவி தன் மக்கள் தலைநிமிர்ந்து நிற்பதற்கு
தான் குனிந்து தலைவருந்தித் தன்நோவு பார்க்காமல்
இரவு பகல் உழைத்திடுவான் கணவன் -
தன் உறவு முதல் அணைத்திருப்பான் கணவன்
-
நரை விழுந்து முதுமையிலே நடையொழிந்த வேளையிலே
திரைவிழுந்த விழிமயங்கி நாநடுங்கும் போதினிலே
துயரத்தில் துணையிருப்பான் கணவன் – வாழ்வின்
உயரத்தில் உனைவைப்பான் கணவன்
-
————————————-
>இயகோகா சுப்பிரணியம்
மழைவானம் – கவிதைகள்

ayyasamy ram: வழிநடத்துனர்; பதிவுகள் : 84168
இணைந்தது : 30/09/2013