பொங்கல் திருநாள் கவிதைகள்!

by **சாமி** Tue Jan 14, 2014 6:24 am

பொங்கல் திருநாளடியே என்னருந் தோழி - அதோ
பொன்னரிவாள் ஏந்திவிட்டார் என்னருந் தோழி

தெங்கில்இளம் பாளையைப்போல்
செந்நெல்அறுத் தார்உழவர்
அங்குக்களம் கொண்டடித்தார் என்னருந் தோழி - அவர்
சங்கத்தமிழ் பாடிப்பாடி என்னருந் தோழி

கட்டடித்தே நெல்லளந்தே
கட்டைவண்டி ஏற்றுகின்றார்
தொட்டளித்தார் தைப்புதுநெல் என்னருந் தோழி - அவர்
தோளைவையம் வாழ்த்திற்றடி என்னருந் தோழி

கொட்டுமுழக் கோடுநெல்லைக்
குற்றுகின்ற மாதர்எல்லாம்
பட்டுடை இழுத்துக் கட்டி என்னருந் தோழி - பாடும்
பாட்டெல்லாம் வெல்லமடி என்னருந் தோழி

முத்தமிழ் முழக்கமடி
எங்கணும் இசைக்கருவி
முத்தரிசி பாலில் இட்டார் என்னருந்தோழி - வெல்லக்
கட்டியுடன் நெய்யுமிட்டார் என்னருந் தோழி

தித்திக்கும் தேனும்பலாவும்
செவ்வாழையும் மாம்பழமும்
ஒத்துக்கலந் துண்டாரடி என்னருந் தோழி - அவர்
ஒக்கலும் மக்களுமாக என்னருந் தோழி

எங்கணும் மகிழ்ச்சியடி
எவ்விடத்தும் ஆடல்பாடல்
பொங்கலோ பொங்கல்என்றார் என்னருந் தோழி - நன்கு
பொங்கிற்றடி எங்குமின்பம் என்னருந் தோழி

திங்களிது தையடியே
செந்தமிழ ரின்திருநாள்
இங்கிதுபோல் என்றைக்குமே என்னருந் தோழி - துய்ய
இன்பம்நிலை கொள்ள வேண்டும் என்னருந் தோழி

- பொற்செழியன், நன்றி-தமிழம் இணையம்

by **சாமி** Tue Jan 14, 2014 6:27 am

தைமகள் வருகிறாள்- கவிதை
தமிழ்மகள் தருகிறாள்
மைமகள் விழிகளில் - காதல்
மகிழ்வினைப் பெறுகிறாள்

நற்சுவை சேர்த்திடும் - வாழ்வில்
நன்னெறி சூழ்ந்திடும்
சொற்சுவைப் பாட்டினில் - பொங்கல்
சுடச்சுட மணந்திடும்

வள்ளுவர் ஆண்டினைத் - தோழர்
வாழ்த்திக் கொண்டாடுக
தெள்ளிய குறளினைக் - கற்றுத்
தேறி முன்னேறுக.

நம்மின மேன்மையை - மின்னும்
செம்மொழிச் சீரிமையை
அம்புவி சூழுலகு - போற்றி
அணிந்திடும் இனிமையை

காட்டினில் மேட்டினில் - உழைத்துக்
களைத்த்வர் களிக்கவே
மீட்டிடும் இசையெனப் - பொங்கல்
விளைந்திட வருகவே.

காரிருள் போக்கிடும் - காலைக்
கதிரவன் கதிர்களே
சீரருள் தேக்கிடும் - இன்பச்
செந்தமிழ் நெறிகளே

நாள் நீ பெரிதென - நாளும்
நவின்றது போதுமே
தேன்தமிழ் பெரிதென - நன்றே
தெளிந்து நீ ஓதுமே.

ஒற்றுமை நாட்டுக - இனப்
பற்றினை ஊட்டுக
நற்றுணை தமிழெனக் - கொள்கைப்
பொற்புரை சூட்டுக

அன்பொளி ஏற்றுக - தூய
பண்பொளி சாற்றுக
இன்மொழி நம்மொழி - தமிழின்
எழிலினைப் போற்றுக

பொங்குக நல்லறம் - என்றும்
தங்குக புகழ்ச்சரம்
விஞ்சுக தமிழ்மறம் - உலகோர்
கொஞ்சுக தமிழ் ஓர். வரம்.

கி.பாரதிதாசன் - கம்பன் இதழ்

by N.S.Mani Tue Jan 14, 2014 8:39 am

தைத்திரு நாள்
தமிழனின் புதுநாள்
பொங்கல் நன்னாள்
இந்நாளில்,

செந்நெல் மணி
செங்கரும்புச் சாறு
செவ்விள நீர்
செவ்வாழையுடன்
செவ்விதழ் சேயிளையும்
சொந்த பந்தங்களுடன்
சேர்ந்து பொங்கும்
பொங்கலோ பொங்கல்.

அன்புடன்

நா.செ.மணி

by **T.N.Balasubramanian** Tue Jan 14, 2014 8:42 am

பொங்கல் திருநாளை போற்றும்
பொற்செழியன் கவிதை
பாரதிதாசன் கவிதை
அழகு கவிதைகளை
அன்பளிப்பாக்கிய சாமி
அவர்களுக்கு நன்றி. அன்பு மலர்

இனிய பொங்கல் வாழ்த்துக்கள் , சாமி அவர்களே.
இரமணியன்

by **ayyasamy ram** Tue Jan 14, 2014 8:49 am

சில நூற்றாண்டுகளுக்கு முன்னா்தான்

கோள்களின் குடும்ப தலைவன் சூாியன்

என சொன்னது விஞ்ஞானம்.

பல நூற்றாண்டுகளுக்கு முன்னரே

சூாியனின்றி உலகில்லை உணவில்லை

அனுபவித்து சொன்னான் தமிழன்.

சூாிய மகிமையை போற்றிட

சூாிய தேவையை உணா்த்திட

நாள் ஒதுக்கி கொண்டாடினான்

தைப் பொங்கல் என...

உலகுக்கு உணவளிக்க

உழவனுக்கு உதவுபவை

மாடுகள்.

அதற்கும் நாள் ஒதுக்கி

குடும்ப உறுப்பினராக இணைத்து

குதுாகலாமிட்டு கொண்டாடினான்

மாட்டுப்பொங்கலாக..

-

உழவனின் சுமையை

ஏா்கலப்பையோடு

தோளில் சுமந்த

சாதுக்களும் உண்டு.

வீரராய் இளைஞா்களை

சீண்டி பாா்க்கும்

ஜல்லிகட்டு காளைகளும் உண்டு.

காிசல் காட்டு கரும்பு

செங்காட்டு வாழை

கிணற்றுமேட்டு பூசணி

வயல்காட்டு நெல்

தை அன்று படையலாகும்

சூாியனுக்கு.

தலைப்பாகை கட்டி

உடலெல்லாம் வண்ணகோலமிட்டு

மாடுகள் ஜொலிக்கும்

மாட்டுப்பொங்கலன்று.

உழைத்து களைத்தவா்கள்

உறவாடி உற்சாகங்களை

பதிவிறக்கம் செய்ய

காணும் பொங்கல்.

நாகரீக வளா்ச்சிகள்

நம் தமிழா் பெருமைகளை

நகைப்புக்குாியதாக்கி

நம்மை சற்று தள்ளியே

நிற்க வைக்கின்றன
-

எப்போதும்

எங்கேயும் தமிழா்கள்

தனித்தன்மையானவா்கள்

என்பதை உலகுக்கு உணா்த்த

உரக்க கூவி குதுாகாலிப்போம்

”பொங்கலோ பொங்கல்” என்று

-
--தமிழ் நண்பர்கள்.காம்

by Sponsored content

பொங்கல் திருநாள் கவிதைகள்!

பொங்கல் திருநாள் கவிதைகள்!

Re: பொங்கல் திருநாள் கவிதைகள்!

Re: பொங்கல் திருநாள் கவிதைகள்!

Re: பொங்கல் திருநாள் கவிதைகள்!

Re: பொங்கல் திருநாள் கவிதைகள்!

Re: பொங்கல் திருநாள் கவிதைகள்!