இணையத்தில் முதன் முறையாக நான் தயாரித்துள்ள 'தங்கச்சுரங்கம்' படத்தின் டிரைலர்

நடிகர் திலகம் சிவாஜி கணேசன் நடித்த ஜேம்ஸ்பாண்ட் படமான 'தங்கச்சுரங்கம்' (1969) மீண்டும் வெள்ளித் திரையில் வெற்றி நடை போட வரும் பிப்ரவரி மாதம் திரைக்கு வருகிறது. புத்தம் புதிய காப்பியாக பாலியஸ்டர் பிரிண்ட்டில் வெளிவரும் இப்படம் சிவாஜி ரசிகர்களை வெகுவாக மகிழ்ச்சிக் கடலில் ஆழ்த்தியுள்ளது.

'கர்ணன்' DTS படத்தை தயாரித்த 'திவ்யா பிலிம்ஸ்' சொக்கலிங்கம் இப்போது எம்ஜியார் அவர்கள் நடித்த 'ஆயிரத்தில் ஒருவன்' படத்தை DTS செய்து சென்னை சத்யம்  திரையரங்கு வளாகத்தில் இன்று டிரைலர் வெளியீட்டு விழா நடத்தியுள்ள வேளையில் 'ஆயிரத்தில் ஒருவன்' படத்திற்கு போட்டியாக நடிகர் திலகத்தின் 'தங்கச் சுரங்கம்' திரையிடப்படும் என்று தெரிகிறது. அதன் பின்னணியாக 'ஆயிரத்தில்' ஒருவன் டிரைலர் வெளியீட்டு விளம்பரம் இன்றைய 'தினத் தந்தி' நாளிதழில் வெளிவந்த அதே நேரம் நடிகர் திலகத்தின் 'தங்கச் சுரங்கம்' விரைவில் வெளியாகும் என்று விளம்பரம் வந்துள்ளது.

அது மாத்திரமல்ல. 'ஆயிரத்தில் ஒருவனு'க்குப் போட்டியாக 'யூ டியூப்' இணையதளத்தில் 'தங்கச் சுரங்கம்' படத்தின் பரபரப்பான டிரைலரை இன்று முதல் காணலாம் என்ற விளம்பரமும் அதில் இணைந்துள்ளது.

இன்று youtube இல் தரவேற்றப்பட்டுள்ள 'தங்கச் சுரங்கம்' படத்தின் டிரைலர் என்னால் உருவாக்கப்பட்டது என்பதை அடக்கத்துடன் சொல்லிக் கொள்கிறேன். இந்த டிரைலரை இணையத்தில் முதன் முறையாக நம் ஈகரையின் அன்பு நேயர்களுக்காக நடிகர் திலகத்தின் சார்பாக பெருமையுடனும், உவகையுடனும் சமர்ப்பிக்கிறேன். இந்த டிரைலர் பற்றிய தங்கள் கருத்துக்களையும் ஆவலுடன் எதிர்பார்கிறேன்.

விரைவில் வெளிவர இருக்கும் 'தங்கச் சுரங்கம்' திரைப்படம் வெற்றியடைய வாழ்த்துகிறேன்.

நன்றி!

இனி....

'தங்கச் சுரங்கம்' பட டிரைலர். (இணையத்தில் முதன் முறையாக நமது ஈகரையில் )



இன்றைய தினத்தந்தியில் வெளியாகியுள்ள தங்கச் சுரங்கம் பட விளம்பரமும், டிரைலர் பற்றிய விளம்பரமும்.

 

(நன்றி ராகவேந்திரன் சார்)

வாசு சார்
ஒரு திரைப்பட இயக்குநருக்குரிய அத்தனை திறமைகளும் தங்களுக்குள் குடி கொண்டுள்ளன என்பதற்கு சான்று இந்த தங்க சுரங்கம் திரைப்படத்தின் முன்னோட்டக் காணொளி. தொகுத்து வழங்கும் முறையில் படத்தொகுப்பாளராக, காட்சிக்கேற்ற தலைப்பிடுவதில் கதாசிரியராக, வார்த்தைகளின் அமைப்பில் வசனகர்த்தாவாக, முழுமையாக உருவாக்குவதில் இயக்குநராக என பல்வேறு பரிமாணங்களிலும் தங்கள் திறமை பளிச்சிடுகிறது. இதற்கெனத் தங்கள் உழைப்பு எவ்வளவு நேரம் தேவைப்பட்டிருக்கும் என்பது நினைத்தாலே மலைப்பாயுள்ளது.
பாராட்டுக்கள் வாழ்த்துக்கள்.
அன்புடன்
ராகவேந்திரன்

veeyaar wrote:வாசு சார்
ஒரு திரைப்பட இயக்குநருக்குரிய அத்தனை திறமைகளும் தங்களுக்குள் குடி கொண்டுள்ளன என்பதற்கு சான்று இந்த தங்க சுரங்கம் திரைப்படத்தின் முன்னோட்டக் காணொளி. தொகுத்து வழங்கும் முறையில் படத்தொகுப்பாளராக, காட்சிக்கேற்ற தலைப்பிடுவதில் கதாசிரியராக, வார்த்தைகளின் அமைப்பில் வசனகர்த்தாவாக, முழுமையாக உருவாக்குவதில் இயக்குநராக என பல்வேறு பரிமாணங்களிலும் தங்கள் திறமை பளிச்சிடுகிறது. இதற்கெனத் தங்கள் உழைப்பு எவ்வளவு நேரம் தேவைப்பட்டிருக்கும் என்பது நினைத்தாலே மலைப்பாயுள்ளது.
பாராட்டுக்கள் வாழ்த்துக்கள்.
அன்புடன்
ராகவேந்திரன்

        

  

தங்கள் அன்பிற்கும், ஆதரவிற்கும் நன்றி வீயார், அய்யாசாமி ராம் மற்றும் ஆதிரா அவர்களே!

'சிபிஐ' ராஜன் என்ற துப்பறியும் நிபுணராக நடிகர் திலகம் அசத்திய படம் 'தங்கச் சுரங்கம்'. ஸ்டைல் என்றால் அப்படி ஒரு ஸ்டைல். ராமண்ணாவின் இயக்கத்தில் வெளிவந்தக் இப்படத்தில் பாரதி, வெண்ணிற ஆடை நிர்மலா ஓ.ஏ.கே.தேவர், வரலஷ்மி, 'ஜாவர்' சீத்தாராமன், நாகேஷ் முதலியோர் நடித்துள்ளனர்.

கல்லூரி மாணவன் போல அவ்வளவு இளமையான நடிகர் திலகத்தை  இப்படத்தில் காணலாம். அழகும், ஸ்டைலும் கலந்த நடிகர் திலகம் இப்படத்தில் பலவிதமான புதுமையான ஆடைகளை அணிந்து அசத்தியிருப்பார்.

பாரதியுடன் நடிகர் திலகம் பாடும் 'சந்தனக் குடத்துக்குள்ளே' பாடல் முற்றிலும் புதுமையாக கிணற்றுக்குள்ளேயே படமாகப் பட்டது. அதுவல்லாமல் 'கட்டழகுப் பாப்பா கண்ணுக்கு' என்ற ஜாலியான பாடல். தேச பக்தியை வலியுறுத்தும் ' நான் பிறந்த நாட்டுக்கெந்த நாடு பெரியது' பாடல் சூப்பர்  ஹிட் பாடலாகும். எல்.ஆர். ஈஸ்வரியின் குரலில் ஒலிக்கும் 'ஓ...நதியே மதுவானால்' உற்சாகமான ஒரு பாடல்.

சண்டைக் காட்சிகளும், நடனங்களும் புதுமையானவை. ஆக்ஷன் காட்சிகள் இன்றளவும் மூக்கின் மேல் விரல் வைக்கும் அளவிற்கு படமாக்கப் பட்டுள்ளன. மிகுந்த பொருட்செலவில் தயாரிக்கப்பட்ட படம் இது.

புத்தம் புது காப்பியாக சென்னையில் வெளியாகவுள்ள இப்படம் சிவாஜி ரசிகர்களை உற்சாகக் கடலில் தள்ளியுள்ளது. மிகுந்த எதிர்பார்ப்பையும் ஏற்படுத்தியுள்ளது.