மிஷல் ஒபாமா 50வது பிறந்த நாள் பார்ட்டியில் சாப்பாடு இல்லை !

**krishnaamma** · **krishnaamma** Thu Jan 09, 2014 9:02 pm

வாஷிங்டன்: அமெரிக்க அதிபர் ஒபாமாவின் மனைவி மிஷல், 17ம் தேதி தனது 50-வது பிறந்த நாளை கொண்டாட உள்ளார். இதை முன்னிட்டு 18ம் தேதி வெள்ளை மாளிகையில் கொண்டாட்டத்துக்கு ஏற்பாடு செய்யப்பட்டுள்ளது. பிறந்த நாள் கொண்டாட்டத்துக்கு வருபவர்களுக்கு விருந்து அளிக்கப்பட மாட்டாது என்று மிஷல் சார்பில் தெரிவிக்கப்பட்டுள்ளது. இதனால் பரபரப்பு ஏற்பட்டுள்ளது. பிறந்த நாள் கொண்டாட்டத்துக்கான ஏற்பாடுகள் வெள்ளை மாளிகையில் மும்முரமாக நடந்து வருகிறது. பார்ட்டியில் பங்கேற்க முக்கிய பிரமுகர்களுக்கு அழைப்பு விடுக்கப்பட்டுள்ளது. அதேநேரத்தில் அவர்களுக்கு சில உத்தரவுகளும் பிறப்பிக்கப்பட்டுள்ளன. பார்ட்டிக்கு வருபவர்கள் சாப்பிட்டு விட்டு வர வேண்டும். நல்ல ஷூ அணிந்து வர வேண்டும்.

பார்ட்டியில் நடனமாடுவது எப்படி என்பதற்கு ஒத்திகை பார்த்துவிட்டு வரவேண்டும் என்று இ மெயில் அனுப்பப்பட்டுள்ளது. பார்ட்டியில் உணவுக்கு ஏற்பாடு செய்யவில்லை. கொண்டாட்டத்தின் போது குழப்பம் ஏற்பட கூடாது என்பதற்காக இந்த கட்டுப்பாடுகள் விதிக்கப்பட்டுள்ளதாக வெள்ளை மாளிகை வட்டாரங்கள் தெரிவித்துள்ளன.பிறந்த நாள் கொண்டாட்டத்தில் முக்கிய இடம் பெறுவது, டோகி வகை ஹிப்ஹாப் நடனம். இதற்கு அதிக பயிற்சி அவசியம். எனவே ஒத்திகை பார்த்து விட்டு வரும் படி கூறியுள் ளோம் என்று வெள்ளை மாளிகை அதிகாரி ஆன்ட்ரூ வெல்ஸ் தெரிவித்துள்ளார்.

nandri : dinakaran