ஜிசாட்-14 செயற்கைக்கோள் வெற்றிகரமாக நிலைநிறுத்தம்

டி.டி.எச். சேவை மற்றும்
தகவல் தொடர்புக்கு உதவும்
ஜிசாட்-14 செயற்கைக்கோள்
புவிச்சுற்றுவட்ட
பாதையில்
வியாழக்கிழமை வெற்றிகரமாக நிலைநிறுத்தப்பட்டதாக
இஸ்ரோ அறிவித்துள்ளது.

பூமியிலிருந்து 36 ஆயிரம்
கிலோமீட்டர் தொலைவில்
உள்ள பாதையில் இந்தச்
செயற்கைக்கோள் பூமியைச்
சுற்றி வருகிறது. இந்தச்
செயற்கைக்கோளில் உள்ள ஆன்டெனாக்களும்
செயல்படத்
தொடங்கியுள்ளன.

ஆயிரத்து 982
கிலோ எடை கொண்ட இந்தச்
செயற்கைக்கோளில் தகவல்
தொடர்புக்கு உதவும் 6
விரிவாக்கப்பட்ட சி-பேண்ட்
டிரான்ஸ்பாண்டர்கள், 6 கேயு-பேண்ட்
டிரான்ஸ்பாண்டர்கள், 2 கேஏ-
பேண்ட் பீகன்கள்
உள்ளிட்டவை உள்ளன.
செயற்கைக்கோளின்
ஆயுள்காலம் 12 ஆண்டுகள் ஆகும்.

உள்நாட்டிலேயே தயாரிக்கப்பட்ட
கிரையோஜெனிக்
என்ஜினுடன் கூடிய
ஜி.எஸ்.எல்.வி.-டி5 ராக்கெட்
மூலம் இந்தச்
செயற்கைக்கோள் ஞாயிற்றுக்கிழமை (ஜனவரி 5)
புவிச்சுற்றுவட்ட
மாற்றுப்பாதையில்
செலுத்தப்பட்டது. அதைத்
தொடர்ந்து அடுத்த
மூன்று நாள்களில் படிப்படியாக
செயற்கைக்கோளின்
பாதை அதிகரிக்கப்பட்டது.

செயற்கைக்கோளில் உள்ள
மோட்டார்
வியாழக்கிழமையன்று 172
வினாடிகள் இயக்கப்பட்டன.
அதன்பிறகு, பூமியின்
சுழற்சிக்கு சமமான வேகத்தில் சுற்றுவதற்குரிய
பாதையில் செயற்கைக்கோள்
நிலைநிறுத்தப்பட்டதாக
இஸ்ரோ விஞ்ஞானிகள்
தெரிவித்தனர்.

பூமியிலிருந்து 36 ஆயிரம்
கிலோமீட்டர் உயரம் கொண்ட
இந்தப் பாதையில்,
பூமி தன்னைத்தானே சுற்றிக்கொள்வ
நேரத்தில் செயற்கைக்கோள்
தனது பாதையில் சுற்றிவரும். அதன்மூலம்,
செயற்கைக்கோள் பூமியின்
குறிப்பிட்ட
பகுதிக்கு மேலே நிலையாக
இருப்பது போன்று தெரியும்.
இந்தப் பாதையில் சுற்றுவதன் மூலம், டிடிஎச்
ஆன்டெனாக்களை திருப்பாமலேயே த
பெற முடியும் எனவும்
விஞ்ஞானிகள்
தெரிவித்தனர்.

இன்சாட் -3சி, இன்சாட்-4சிஆர்
செயற்கைக்கோள்கள் மற்றும்
கல்பனா-1 ஆகிய தகவல்
தொடர்புச்
செயற்கைக்கோள்களுக்கு அருகில்
ஜிசாட்-14 செயற்கைக்கோள் நிலைநிறுத்தப்பட்டுள்ளது