ஒரு பக்க கதை - காக்கும் நம்பிக்கை!

by **krishnaamma** Thu 9 Jan 2014 - 13:26

எந்த வசதியும் இல்லாத ஒரு கிராமம். ஒரு நாள் பள்ளி பயிலும் 15 வயது மாணவனைப் பாம்பு தீண்டிவிட்டது. நஞ்சு ஏறியது.
அவசரமாகப் பக்கத்து ஊரிலுள்ள மருத்துவமனைக்கு அழைத்துச் செல்ல சரியான போக்குவரத்தும் இல்லை. பையனைத் தோள்மேல் தூக்கி வைத்துக் கொண்டு நான்கு பேர் மாறிமாறி சென்றனர்.

போகும் வழியில், நிலைமையைக் கண்ட சாமியார் ஒருவர் அவர்களிடம் பச்சிலை ஒன்றைக் கொடுத்தார். ""இதனைக் கடிபட்ட பையனின் கையில் வைத்து மூடிக் கொள்ளச் சொல்லுங்கள். அவனுக்கு முடியவில்லையானால் உங்களில் மூத்தவர் யாரேனும் ஒருவர் கையில் வைத்து மூடிக்கொள்ளுங்கள். பச்சிலை கீழே விழாமல் பார்த்துக் கொள்ள வேண்டும்.

மருத்துவமனை செல்லும் வரை நீங்கள் இதைக் கடைப்பிடித்தால், பையனுக்கு நஞ்சு மிகுதியாக ஏறாது. பிழைத்துக் கொள்வான்'' என்றார். அவர் சொன்னபடியே செய்துகொண்டு மருத்துவமனைக்குச் சென்றனர். பையனும் மருத்துவம் முடிந்து பிழைத்துக் கொண்டான்.

திரும்பும் வழியில், பச்சிலை கொடுத்த சாமியாரிடம், ""அய்யா! இந்த மூலிகையின் மகத்துவமென்ன?'' என்று கேட்டார்கள்.
அதற்கு அவர், ""ஒன்றுமில்லை. அது சாதாரண ஒரு செடியின் இலைதான். நமது மனத்தில் நம்பிக்கை ஏற்பட்டால் எந்தக் காரியமும் தடையின்றி நடக்கும். பயந்து போன உங்களுக்கு நம்பிக்கையைத் தரவே இலையைக் கொடுத்தேன். நீங்கள் நம்பினீர்கள். இதுபோல் எந்த ஒரு செயலிலும் அறிந்தோ அறியாமலோ நம்பிக்கை வையுங்கள். வாழ்க்கை வெற்றியாகும்'' என்றார்.

-கோ.தமிழரசன், செஞ்சி.

by **M.M.SENTHIL** Thu 9 Jan 2014 - 13:29

நம்பிக்கை மட்டும் இல்லாவிடில் இந்த உலகில் எந்த சாதனையும் நடக்காது. எனக்கும் இந்த நம்பிக்கை இருந்ததால்தான் இன்று வாழ்வில் ஒரு நல்ல நிலையில் இருக்கிறேன். மற்றவர் கூறும் கருத்துக்களை கவனத்தில் கொள்ள வேண்டும், நம்பிக்கையை மனதில் ஊன்ற வேண்டும்.

by **ஜாஹீதாபானு** Thu 9 Jan 2014 - 13:31

சூப்பர் நம்பிக்கை எல்லா நோயும் குணப்படுத்தும்

by **M.M.SENTHIL** Thu 9 Jan 2014 - 13:34

ஜாஹீதாபானு wrote:சூப்பர் நம்பிக்கை எல்லா நோயும் குணப்படுத்தும்

நம்பிக்கை இருந்தால் வாழ்வின் மேலுள்ள பயம் என்ற நோய் அருகிலேயே வராது.

by **ஜாஹீதாபானு** Thu 9 Jan 2014 - 13:52

M.M.SENTHIL wrote:
ஜாஹீதாபானு wrote:சூப்பர் நம்பிக்கை எல்லா நோயும் குணப்படுத்தும்

நம்பிக்கை இருந்தால் வாழ்வின் மேலுள்ள பயம் என்ற நோய் அருகிலேயே வராது.

ஆமா செந்தில்.