குணமடைந்து வருகிறார் சிறுமி ரூனா !

**krishnaamma** · **krishnaamma** Sat Jan 04, 2014 11:47 am

புதுடில்லி: பெரிய தலையுடன், அவதிப்பட்டு வந்த, திரிபுரா மாநிலத்தை சேர்ந்த, 3 வயது சிறுமி, ரூனா பேகத்தின், 94 செ.மீ., தலை சுற்றளவு, தீவிர சிகிச்சைக்குப் பிறகு, 57 செ.மீ.,யாக குறைந்துள்ளது.

வட கிழக்கு மாநிலங்களில் ஒன்றான, திரிபுராவில், மார்க்சிஸ்ட் கம்யூனிஸ்ட் கட்சியை சேர்ந்த, மாணிக் சர்க்கார் தலைமையிலான அரசு பதவியில் உள்ளது. இங்குள்ள ஒரு கிராமத்தை சேர்ந்த, ஏழை தம்பதி, அப்துல் ரகுமான் - பாத்திமாவுக்கு, மூன்று ஆண்டுகளுக்கு முன், பெண் குழந்தை பிறந்தது. பிறந்ததில் இருந்து, அந்தக் குழந்தையின் தலை, பெரிதாகி வந்தது. கடந்த ஆண்டு, டில்லி, 'போர்ட்டிஸ்' மருத்துவமனையில், அக்குழந்தை அனுமதிக்கப்பட்ட போது, அதன் தலை, 94 செ.மீ., சுற்றளவு இருந்தது. இந்தக் குழந்தைக்கு ஏற்பட்ட நோய், 'ஹைட்ரோசெபலஸ்' என, அழைக்கப்படுகிறது. வழக்கமாக, குழந்தைகள், பிறந்த சில நாட்களில், தலை சற்று பெரிதாக வீங்கியிருக்கும். அது, நாளாக ஆக, சரியாகி விடும்.

ஆனால், இந்தக் குழந்தைக்கு, தலையின் சுற்றளவு, நாளுக்கு நாள் அதிகரித்து வந்ததால், அதன் பெற்றோர் அச்சமடைந்தனர். பல மருத்துவமனைகள், 'இந்தக் குழந்தையை காப்பாற்ற முடியாது' என, கைவிரித்த நிலையில், டில்லி, போர்ட்டிஸ் மருத்துவமனை, இந்தக் குழந்தைக்கு சிகிச்சை அளித்து, தலை அளவை குறைத்துள்ளது. அந்த தனியார் மருத்துவமனையில், 105 நாள், தீவிர சிகிச்சைக்குப் பிறகு, தலையின் அளவு, சற்றே குறைந்தது. அதற்குப் பிறகு, கடந்த சில நாட்களாக, அந்தக் குழந்தைக்கு மீண்டும், சில சிக்கலான அறுவை சிகிச்சைகள் தலையில் செய்யப்பட்டன. இதையடுத்து, அதன் தலை சுற்றளவு, 57 செ.மீ.,யாக குறைந்துள்ளது. 'இன்னும், தொடர்ந்து சிகிச்சை அளித்தால் தான், இயல்பான நிலையை அடைய முடியும். தொடர்ந்து, மருத்துவர்கள் கண்காணிப்பில், அந்தச் சிறுமி உள்ளார்' என, டாக்டர்கள் தெரிவித்துள்ளனர். கடந்த சில நாட்களாக, பிற குழந்தைகள் போல், இயல்பாக, குழந்தை ரூனா பேகம் செயல்படுவதாகவும், டாக்டர்கள் கூறியுள்ளனர்.

**krishnaamma** · **krishnaamma** Sat Jan 04, 2014 11:49 am

ச்சு............பாவம் சோகம்

**ஜாஹீதாபானு** · 16/04/2011

அடப்பாவமே ஆண்டவன் எப்படியெல்லாம் சோதிக்கிறான் சோகம்

**krishnaamma** · **krishnaamma** Sat Jan 04, 2014 12:47 pm

ஜாஹீதாபானு wrote:அடப்பாவமே ஆண்டவன் எப்படியெல்லாம் சோதிக்கிறான்

ஆமாம் பானு, பெற்றவர்களுக்கும் அந்த குழந்தைக்கும் எவ்வளவு சிரமங்கள் ? சோகம்

**ஜாஹீதாபானு** · 16/04/2011

krishnaamma wrote:
ஜாஹீதாபானு wrote:அடப்பாவமே ஆண்டவன் எப்படியெல்லாம் சோதிக்கிறான்

ஆமாம் பானு, பெற்றவர்களுக்கும் அந்த குழந்தைக்கும் எவ்வளவு சிரமங்கள் ?

ஆமாமா

ஹர்ஷித் · ஹர்ஷித் Sat Jan 04, 2014 1:17 pm

படத்தை பார்க்கும் போதே கஷ்டமா இருக்கு...இறைவன் அருளில் விரைவில் குணமடைய என் பிராத்தனைகள்.

sakthibruce · sakthibruce Sat Jan 04, 2014 10:24 pm

ஹர்ஷித் wrote:படத்தை பார்க்கும் போதே கஷ்டமா இருக்கு...இறைவன் அருளில் விரைவில் குணமடைய என் பிராத்தனைகள்.

Sponsored content · Sponsored content

குணமடைந்து வருகிறார் சிறுமி ரூனா !

குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

Re: குணமடைந்து வருகிறார் சிறுமி ரூனா !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக