மார்கழி மாத ராசி பலன்கள் !

by **krishnaamma** Fri Jan 03, 2014 12:30 pm

First topic message reminder :

மேஷம்: சுபயோக சுப மாதம். யோக அமைப்புகள் சாதகமாக இருப்பதால் எண்ணங்கள், ஏக்கங்கள் நிறைவேறும். ராசிநாதன், சூரியன் பலமாக பார்வை செய்வதால் மனதிற்கினிய சம்பவங்கள் கூடி வரும். குழந்தை பாக்யத்துக்கு ஏங்கி தவித்தவர்களுக்கு, ராசியில் ஆட்சி பெற்ற சூரியனால் இந்த மாதம் நல்ல செய்தி உண்டு. புதிய வேலைக்கு முயற்சித்தவர்களுக்கு பெரிய நிறுவனத்தில் தகுதியான வேலை அமையும். மாமியார், நாத்தனார் மூலம் மகிழ்ச்சியும், பரிசுகளும் கிடைக்கும். சமையலறைக்கு தேவையான மின்சாதனங்கள் வாங்குவீர்கள். சகோதர உறவுகளால் அலைச்சல், டென்ஷன், செலவுகள் ஏற்பட்டு விலகும்.

கடல் கடந்து செல்வதற்கான ஏற்பாடுகளை செய்வீர்கள். நிலம், வீடு, சொத்து வாங்கும் முயற்சிகளில் கவனம், நிதா னம் தேவை. குழந்தைகள் உடல்நலத்தில் கவனம் தேவை. சிறிய மருத்துவ செலவுகள் வரலாம். தந்தையிடம் இருந்து உதவிகள் கிடைக்கும். அவரது ஆலோசனைகளை கேட்பது நல்லது. உத்யோகத்தில் நல்ல மாற்றங்கள் வரும். பதவி, சம்பள உயர்வு பற்றிய தகவல் கிடைக்கும். வியாபாரம் ஸ்திரமாக இருக்கும். புதிய முயற்சிகள் பலன் தரும்.

அஸ்வினி : இது சுபயோக சுப நேரம்.

பரணி : நிதானமாக செயல் பட வேண்டும்.

கிருத்திகை : பண வரவு, பொருள் சேர்க்கை உண்டு.

பரிகாரம்: ஓம் நமசிவாய என்று தினமும் 108 முறை சொல்லலாம். அமாவாசை, பவுர்ணமியன்று சிவ ஸ்தலங்களில் அன்னதானம் செய்யலாம். காது கேளாதோர், வாய் பேசாதோருக்கு உதவலாம்.

by **krishnaamma** Fri Jan 03, 2014 12:34 pm

கும்பம்: மாத ஆரம்பமே யோகமாக அமர்க்களமாக அமையும். சூரியன், குரு பலம் காரணமாக பாராட்டு, பரிசுகள் தேடி வரும். சொந்த பந்தங்கள் வருகையால் வீடு களை கட்டும். பிரசித்தி பெற்ற கோயில்களுக்கு குடும்பத்துடன் சென்று வருவீர்கள். தாய் உடல்நலம் சீராகும். அவர் மூலம் முக்கிய உதவிகள் கிடைக்கும். வெளிநாட்டில் இருப்பவர்கள் திடீர் பயணமாக சொந்த ஊர் திரும்புவார்கள். மருத்துவ செலவுகள் படிப்படியாக குறையும். அதே நேரம், குழந்தைகள் உடல்நலத்தில் கவனம் தேவை. அரசு விஷயமாக அலைச்சல், செலவுகள் இருக்கும்.

அவசிய தேவைக்காக கடன் வாங்கும் சூழ்நிலை உண்டாகும். கன்னி பெண்கள் நிதானமாகவும், விட்டுக்கொடுத்து போவதும் அவசியம். வளைகாப்பு, மஞ்சள் நீராட்டு விழா போன்றவற் றுக்கான ஏற்பாடுகளை செய்வீர்கள். மின்சார சாதனங்கள் செலவு வைக்கும். அக்கா, மாமாவிடம் இருந்து உதவிகள் வந்து சேரும். உத்யோகத்தில் நல்ல மாற்றங்கள் உண்டாகும். உங்கள் எண்ணங்கள், கோரிக்கைகள் நிறைவேறும். வியாபாரம் உச்சமடையும். புதிய முயற்சிகள் வெற்றியடையும். வேலையாட்களால் செலவுகள் இருக்கும்.

அவிட்டம் : நட்சத்திரத்துக்கு பயணங்கள், செலவுகள், அலைச்சல் இருக்கும்.

சதயம் : சுபசெய்தி, பாராட்டு உண்டு.

பூரட்டாதி : நட்சத்திரத்துக்கு நிறை, குறைகள் இருக்கும்.

பரிகாரம்: தினமும் லலிதா சகஸ்ரநாமம் படிக்கலாம். சங்கடஹர சதுர்த்தியன்று விநாயகருக்கு கரும்புச்சாறு அபிஷேகம் செய்யலாம். முதியோர் இல்லங்களுக்கு உதவலாம்.

by **krishnaamma** Fri Jan 03, 2014 12:34 pm

மீனம்: தொட்டது துலங்கும். குரு பார்வை பலம் காரணமாக தேக்க நிலை நீங்கும். வாழ்க்கையில் மிக முக்கிய மாற்றங்கள் நிகழும் நேரம். வெளிநாடு அல்லது வெளிமாநிலத்துக்கு உல்லாச பயணம் சென்று வருவீர்கள். மாமன் வகை உறவுகளால் மகிழ்ச்சி, ஆதாயம் இருக்கும். குடும்ப விஷயங்களை உறவுப் பெண்களிடம் விவாதிக்க வேண்டாம். தாய் உடல்நலத்தில் கவனம் தேவை. தடைபட்டிருந்த கட்டிட வேலைகள் தொடங்கும். பண விஷயமாக நண்பர்கள் இடையே வருத்தங்கள் வரலாம்.

பணிபுரியும் பெண்களுக்கு சில மறைமுக தொல்லைகள் வரலாம். சூரியன் பலம் வராத கடன் பாக்கிகள் வசூலாகும். மகள் வழியில் பிரசவ, மருத்துவ செலவுகளுக்கு வாய்ப்புள்ளது. சுபயோக திசை நடப்பவர்கள் அசையா சொத்து வாங்கும் யோகம் உண்டு. கன்னி பெண்கள் விரும்பிய ஆடை, ஆபரணங்கள் வாங்கி மகிழ்வார்கள். உத்யோகத்தில் வேலைச்சுமை, பயணங்கள் இருக்கும். சக ஊழியர்களின் ஒத்துழைப்பு, ஆதரவு கிடைக்கும். வியாபாரம் மேன்மையடையும். பழைய பாக்கிகள் வசூலாகும். புதிய கான்ட்ராக்ட், ஆர்டர் கிடைக்கும்.

பூரட்டாதி : மகிழ்ச்சி, ஆதாயம் உண்டு.

உத்திரட்டாதி : சொத்து யோகம் உண்டு.

ரேவதி : அலைச்சல், வருத்தங்கள் வரலாம்.

பரிகாரம்: ஓம் சக்தி பராசக்தி என்று 108 முறை சொல்லலாம். வியாழக்கிழமை பைரவருக்கு நெய் தீபம் ஏற்றி வழிபடலாம். நாய், காகம், பசு மாட்டுக்கு உணவு அளிக்கலாம்.

by Sponsored content

மார்கழி மாத ராசி பலன்கள் !

மார்கழி மாத ராசி பலன்கள் !

Re: மார்கழி மாத ராசி பலன்கள் !

Re: மார்கழி மாத ராசி பலன்கள் !

Re: மார்கழி மாத ராசி பலன்கள் !