பூமியின் மையப்பகுதி வெப்ப நிலை6000 டிகிரி

பூமியின்
மையப்பகுதியில்
(CORE) எரிமலைக் குழம்பு போல் வெப்பமான லாவா காணப்படுகின்றது. இதன் வெப்பநிலை முன்னர் அதாவது 1990 ஆண்டு முதல் 5000 டிகிரி எனக் கருதப்பட்டு வந்தது. ஆனால் சமீபத்தில் நவீன ஆய்வுகளின் மூலம் இது தவறு என்றும் இதன் உண்மையான வெப்பநிலை 6000 டிகிரி என விஞ்ஞானிகள்
கண்டுப்பிடித்துள்ளனர். இந்த
மையப்பகுதியின்
வெப்பநிலையான 6000 டிகிரி சூரியனின் மேற்பரப்பு வெப்பநிலைக்குச்
சமமானது.

எக்ஸ் ரே (X-RAY) கதிர்களைப் பயன்படுத்தி இரும்புத் துகள்களை அதி அழுத்தத்தில்
வெப்பமாக்கி அது எவ்வாறு உருகி லாவா ஆகின்றது எனப்
பரிசோதிக்கப்பட்டது.
ஏனெனில் பூமியின் மையப் பகுதியில் சந்திரனின் விட்டத்துக்குச் சமனான கோளப் பகுதி திட இரும்புப் பந்து போல் உள்ளது. இதனைச் சுற்றி மிக இயங்கு தன்மை மிக்க திரவ இரும்பு மற்றும் நிக்கலின் கலவையினால்
காணப்படுகின்றது. 1990 ஆண்டுகளில்
மேற்கொள்ளப்பட்ட
பரிசோதனைகளில் இந்த இரும்பு உருகும் வெப்பநிலையான 5000 டிகிரி என முடிவெடுக்கப்பட்டது.

சமீபத்தில் ஐரோப்பாவின் சின்க்ரோட்ரோன்
கதிர்வீச்சு கூடத்தில் அதே பரிசோதனை இன்னும் அதிக திறனுடைய X- RAYவை பயன்படுத்தி ஆய்வு மேற்க்கொள்ளப்பட்டது.
அப்போது இது திருத்தமாக 6000
டிகிரி என்பது ஊர்ஜிதமானது.
தற்போது இந்தப் பரிசோதனை முடிவு புவிப்
பௌதிகவியலாளர்கள்,
நிலநடுக்க ஆய்வாளர்கள், புவியியக்கவியலாளர்கள்
ஆகியோருக்கு பயனுள்ளதாக
அமையும்.
அது மட்டுமல்லாது புவியியல்
சம்மந்தப்பட்ட கோட்பாடுகள் திருத்தி அமைக்கப்படவுள்ளது.
-
அடியக்கமங்கலம்,

சனி கிரகத்தை சுற்றி வரும்
துணை கிரகமான டைட்டானில் பிளாஸ்டிக் மூலப்பொருள் இருப்பது கண்டுபிடிக்கப் பட்டுள்ளது. சனி கிரகத்தில் ஆய்வு மேற்க்கொள்ள நாசா காசினி என்ற விண்கலத்தை செலுத்தி ஆய்வு செய்து வருகிறது.
இந்த விண்கலம் சனியின் துணை கிரகமான டைட்டனிலும்
ஆய்வு மேற்கொண்டு வருகிறது.
அப்போது டைட்டனின் வான் பகுதியில் புரோபைலீன் என்ற மூலப்பொருள் இருப்பதை கண்டுபிடித்தது.
இதனை காசினி விண்கலம் இன்பிராட் ஸ்பெக்ட்ரோ மீட்டர் மூலம்
கண்டுபிடித்துள்ளது.
புரோபைலீன் என்ற இந்த ரசாயன மூலப்பொருள் பிளாஸ்டிக் தயாரிப்பில் பயன்படுத்தபடுகிறது.
இது நாசாவிற்கு ஒரு முக்கியமான
கண்டுபிடிப்பு ஆகும். டைட்டான்
துணை கிரகத்தில் மட்டும்தான் மேகங்கள் உள்ளன என்பதும் அங்கு மீத்தேன் மழை பொழியுமென்பதும் குறிப்பிடத்தக்கது.