எனதருமைக் கவிதைத் திருடர்களே!

**பார்த்திபன்** · 24/07/2011

First topic message reminder :

எனதருமைக் கவிதைத் திருடர்களே! - Page 2 EIT3eSrTpOEi6vksh4db+136477

(முகநூலிலும் வேறுசில வலைப்பூக்களிலும் எனது கவிதைகளில் சில களவாடப்பட்டு வேறு சிலர் பெயரில் வெளியிடப்பட்டதைக் கண்டபோது ஏற்பட்ட உணர்வுகளை இப்படித்தான் பிரதிபலிக்க முடிந்தது என் பேனாவால்...)

எனதருமைக் கவிதைத் திருடர்களே!

எப்படிப் போகிறது உங்கள்
எழுத்துத் திருட்டு?

திருடியவரை எல்லாம் திருப்திதானே?
கடைசியாகக் களவாடிய
கவிதைகள் எத்தனை?

எப்படி இசைகிறது
உங்கள் மனம்
இந்த எச்சில் பிழைப்பிற்கு?
எப்போது உணர்வீர்கள் இது
எவ்வகையிலும் ஏற்கத்தகாததென்பதை?

அது எப்படியது?
நகலெடுத்துப் பதிந்த கவிதையை
நான்குபேர் பாராட்டும்போது
நாணமே இல்லாமல்
நன்றி சொல்ல
முடிகிறது உங்களால்?

எண்ணங்களை உருக்கி
எழுதுகோலில் இறக்கி
எதிர்பார்ப்புகளுடன் எழுதிய கவிஞனுக்கு
எப்படி வலிக்கும் என
என்றாவது எண்ணியதுண்டா?

வாசிக்கும் இதயங்களை
வார்த்தைகளால் வருடுபவனே
கவிஞன்!
வாசித்த கையோடு தன்
வலைப்பூவில் சேர்ப்பவன்
கயவன்!

எண்ணத்தில் உதிப்பதை
எழுத்தாக மாற்றும்வரைதான்
அது எழுதுகோல்!
பிறரது படைப்புகளைப்
பிரதியெடுத்து எழுதினால்
அது கன்னக்கோல்!

பிறர் கர்ப்பைத் திருடுவதும்
கற்பனையைத் திருடுவதும்
வேறல்ல ஒன்றுதான்!
கவிதையோடு சேர்த்து எங்கள்
கட்டை விரலையும்
திருடாதவரை நன்றுதான்!

எங்கள் சிந்தனைகளைத்தானே
உங்களால் திருட இயலும்?
எங்கள் சிறகுகளை....?
எங்கள் கற்பனைகளைத்தானே
உங்களால் களவாட இயலும்?
அவற்றின் கருவறையை....?

முகநூலும் முகம் சுளிக்கிறது
முக்காடு போட்டு
நீங்கள் செய்யும்
இந்த முட்டாள்தனத்தால்!
உங்கள் வலைப்பூவும் வருந்துகிறது
வக்கற்று நீங்கள்
புரியும் இவ்வஞ்சகத்தால்!

கவிதைத் திருடர்கள் உங்களுக்கு
நான் கடைசியாகச் சொல்ல
விரும்புவது இதுதான்!...

சொற்ப வரிகளாகினும்
சொந்தமாய் எழுதுங்கள்!
அமுதமேயானாலும்
அடுத்தவர் படைப்பைத்
திருடாதீர்கள்!

- நிலவை.பார்த்திபன்

யினியவன் · யினியவன் Thu Jan 02, 2014 11:31 pm

இதுக்கெல்லாம் பயந்து கவிதை எழுதுவதை நிறுத்திடாதீங்க பார்த்திபன் புன்னகை

நீங்க எழுத எழுத அவங்க திருடட்டும் - திருந்தாத ஜென்மங்கள் திருடும் ஜென்மம் எடுத்திருக்கிறார்கள் - என்ன செய்வது?

N.S.Mani · N.S.Mani Thu Jan 02, 2014 11:58 pm

காண மயில் ஆட கண்டிருந்த வான்கோழி தானும் அதுவாக பாவித்து தானும் தன் பொல்லாச்சிறகை விரித்தாடுவது போன்று ஒரு சிலர் திருடி பிழைக்க விரும்பினாலும்

"உயர உயர பறந்தாலும் ஊர்க்குருவி பருந்தாகமுடியாதது" போன்று ஒருபோதும் கவிஞ்சனாக முடியாது.

நா.செ.மணி

**Muthumohamed** · **Muthumohamed** Fri Jan 03, 2014 12:04 am

கவிதை திருடர்களே இனிமேல் ஜாக்கிரதையாக இருங்கள்

சதாசிவம் · சதாசிவம் Fri Jan 03, 2014 11:02 am

வருத்தம் அளிக்கும் செய்தியானாலும்,, இணைய உலகில் இது சர்வ சாதாரணம்....

திரைப்படக் பாடல்கள் பலதும் சங்கக் கவிதைகளின் திருட்டே,,,ஆனால் கண்ணதாசன், வைரமுத்து உட்பட ஒருவரும் சங்கக் கவிதைகளை கோடிட்டு காட்டியதில்லை...அனைத்தும் அவர்கள் கவிதையென உலகம் கொண்டாடுகிறது..தமிழ் இலக்கியங்களிலும் பல பாடல்கள் ஒரே சாயலுடன், பொருளுடன் வலம் வந்துள்ளது...

நாமும் அனைத்தையும் இணையத்தில் இலவசமாக பெற விரும்புகிறோம், திரைப்பட பாடல்கள்,,படங்கள், புத்தகங்கள் என்று பலதும் இப்பட்டியலில் வருகிறது..தயாரித்தவர் தடுத்தும்...அவருக்கு நஷ்டம் ஏற்பட்டாலும் இதையே செய்ய விரும்புகிறோம்....படைத்தவரின் உழைப்பை நாம் ஒருநாளும் மதிப்பதில்லை.

இணைய உலகில் மிகவும் சுலபமானது கட் காபி பேஸ்ட். தான்.சில நேரம் நன்றியுடன் வந்தாலும் வரும் பெருமையை பதிவிட்டவர் தான் வாங்குகிறார்...படைத்தவர் அல்ல என்பது தான் கசப்பான உண்மை. பல புதிர்கள், விடுகதைகள், கட்டுரைகள், கவிதைகள், சிறுகதைகள் மாறி மாறி பதிக்கப்படுகிறது

படித்ததில் பிடித்ததென்று ஒரு முறையேனும் பாரதி, பாரதிதாசன், கவிமணி, பட்டுக்கோட்டையார், சங்கக் கவிதைகளை நாம் பரப்ப முயற்சித்ததில்லை....காரணம் நம் கண் முன்னே வரும் கவிதைகள்(பெரும்பாலும் உரைநடைகள்) மட்டுமே நமக்கு கவிதைகளாகத் தெரிகிறது..

**T.N.Balasubramanian** · **T.N.Balasubramanian** Fri Jan 03, 2014 12:43 pm

quote "திரைப்படக் பாடல்கள் பலதும் சங்கக் கவிதைகளின் திருட்டே,,,ஆனால் கண்ணதாசன், வைரமுத்து உட்பட ஒருவரும் சங்கக் கவிதைகளை கோடிட்டு காட்டியதில்லை...அனைத்தும் அவர்கள் கவிதையென உலகம் கொண்டாடுகிறது..தமிழ் இலக்கியங்களிலும் பல பாடல்கள் ஒரே சாயலுடன், பொருளுடன் வலம் வந்துள்ளது..."

முற்றிலும் உண்மை.
ரமணியன்

**ஜாஹீதாபானு** · 16/04/2011

சொற்ப வரிகளாகினும் சொந்தமாய் எழுதுங்கள்! அமுதமேயானாலும் அடுத்தவர் படைப்பைத் திருடாதீர்கள்! wrote:

வரிகள் அனைத்தும் சுடுகிறது. மிக மிக அருமை சூப்பருங்க

உங்க கவிதைய படிச்சப்புறம் இனிமே ரசித்த கவிதை பதிய பயமாயிருக்கும். சோகம்

வேறு தளத்தில் ஒரு கவிதை படித்தேன். அவரும் இப்படி கவிதை திருடுபவர்களை பற்றி எழுதி இருந்தார்.
ஆனால் அதைவிட உங்க கவிதை ரொம்ப ரொம்ப அருமை நிஜ்ஜ்ஜ்ஜமா.............

**பார்த்திபன்** · 24/07/2011

T.N.Balasubramanian wrote:திருடுவது மனதிற்கு கஷ்டத்தை கொடுக்கும்--முதல் முறை.
யாரும் கண்டுபிடிக்கவில்லை என்றால்---இன்ப மேலிட்டால் தொடருவார்கள்.
கவிதை மட்டும் இல்லை --பொருளை திருடுபவர்கள் , கதைகளை திருடுபவர்கள் ,பிறர் மனையாளை திருடுபவர்கள், இசை திருடர்கள் -அதிக அளவில் இந்தியாவில் இருக்கிறார்கள்.
நன்றி கூற நாணுபவர்கள்.
ஒப்பனையில், தான் அழகென்று பறை சாட்டுபவர்கள். --- மதியீனர்கள்.
இவற்றை தடுத்து நிறுத்த முடியுமா?
வருந்தத்தான் முடியும் -பார்த்திபன்.
ரமணியன்

உண்மைதான் ஐயா! நன்றி தங்களது மேலான கருத்திற்கு.

**பார்த்திபன்** · 24/07/2011

யினியவன் wrote:இதுக்கெல்லாம் பயந்து கவிதை எழுதுவதை நிறுத்திடாதீங்க பார்த்திபன்

நீங்க எழுத எழுத அவங்க திருடட்டும் - திருந்தாத ஜென்மங்கள் திருடும் ஜென்மம் எடுத்திருக்கிறார்கள் - என்ன செய்வது?

மிக்க நன்றி இனியவன்! நீங்க சொன்னா சரியாத்தான் இருக்கும்! எனதருமைக் கவிதைத் திருடர்களே! - Page 2 1571444738

**பார்த்திபன்** · 24/07/2011

N.S.Mani wrote:

காண மயில் ஆட கண்டிருந்த வான்கோழி தானும் அதுவாக பாவித்து தானும் தன் பொல்லாச்சிறகை விரித்தாடுவது போன்று ஒரு சிலர் திருடி பிழைக்க விரும்பினாலும்

"உயர உயர பறந்தாலும் ஊர்க்குருவி பருந்தாகமுடியாதது" போன்று ஒருபோதும் கவிஞ்சனாக முடியாது.

நா.செ.மணி

இன்றைய தேதியில் கவிஞனாவது என்பது அவ்வளவு பெரிய சிரமமான காரியம் என்று நான் எண்ணவில்லை. ஏனெனில் நூற்றுக்கு 20 சதவீதத் தமிழர்கள் கவிதை எழுதுவதாக ஆய்வொன்று குறிப்பிடுகிறது. எனினும் தங்களது மேலான கருத்திற்கு என் மனமார்ந்த நன்றிகள்.

**பார்த்திபன்** · 24/07/2011

Muthumohamed wrote:கவிதை திருடர்களே இனிமேல் ஜாக்கிரதையாக இருங்கள்

நாம் தான் ஜாக்கிரதையாக இருக்க வேண்டியிருக்கிறது தம்பி! நன்றி உங்கள் கருத்திற்கு. எனதருமைக் கவிதைத் திருடர்களே! - Page 2 1571444738

Sponsored content · Sponsored content

எனதருமைக் கவிதைத் திருடர்களே!

எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

Re: எனதருமைக் கவிதைத் திருடர்களே!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக