எனதருமைக் கவிதைத் திருடர்களே!

**பார்த்திபன்** · 24/07/2011

(முகநூலிலும் வேறுசில வலைப்பூக்களிலும் எனது கவிதைகளில் சில களவாடப்பட்டு வேறு சிலர் பெயரில் வெளியிடப்பட்டதைக் கண்டபோது ஏற்பட்ட உணர்வுகளை இப்படித்தான் பிரதிபலிக்க முடிந்தது என் பேனாவால்...)

எனதருமைக் கவிதைத் திருடர்களே!

எப்படிப் போகிறது உங்கள்
எழுத்துத் திருட்டு?

திருடியவரை எல்லாம் திருப்திதானே?
கடைசியாகக் களவாடிய
கவிதைகள் எத்தனை?

எப்படி இசைகிறது
உங்கள் மனம்
இந்த எச்சில் பிழைப்பிற்கு?
எப்போது உணர்வீர்கள் இது
எவ்வகையிலும் ஏற்கத்தகாததென்பதை?

அது எப்படியது?
நகலெடுத்துப் பதிந்த கவிதையை
நான்குபேர் பாராட்டும்போது
நாணமே இல்லாமல்
நன்றி சொல்ல
முடிகிறது உங்களால்?

எண்ணங்களை உருக்கி
எழுதுகோலில் இறக்கி
எதிர்பார்ப்புகளுடன் எழுதிய கவிஞனுக்கு
எப்படி வலிக்கும் என
என்றாவது எண்ணியதுண்டா?

வாசிக்கும் இதயங்களை
வார்த்தைகளால் வருடுபவனே
கவிஞன்!
வாசித்த கையோடு தன்
வலைப்பூவில் சேர்ப்பவன்
கயவன்!

எண்ணத்தில் உதிப்பதை
எழுத்தாக மாற்றும்வரைதான்
அது எழுதுகோல்!
பிறரது படைப்புகளைப்
பிரதியெடுத்து எழுதினால்
அது கன்னக்கோல்!

பிறர் கர்ப்பைத் திருடுவதும்
கற்பனையைத் திருடுவதும்
வேறல்ல ஒன்றுதான்!
கவிதையோடு சேர்த்து எங்கள்
கட்டை விரலையும்
திருடாதவரை நன்றுதான்!

எங்கள் சிந்தனைகளைத்தானே
உங்களால் திருட இயலும்?
எங்கள் சிறகுகளை....?
எங்கள் கற்பனைகளைத்தானே
உங்களால் களவாட இயலும்?
அவற்றின் கருவறையை....?

முகநூலும் முகம் சுளிக்கிறது
முக்காடு போட்டு
நீங்கள் செய்யும்
இந்த முட்டாள்தனத்தால்!
உங்கள் வலைப்பூவும் வருந்துகிறது
வக்கற்று நீங்கள்
புரியும் இவ்வஞ்சகத்தால்!

கவிதைத் திருடர்கள் உங்களுக்கு
நான் கடைசியாகச் சொல்ல
விரும்புவது இதுதான்!...

சொற்ப வரிகளாகினும்
சொந்தமாய் எழுதுங்கள்!
அமுதமேயானாலும்
அடுத்தவர் படைப்பைத்
திருடாதீர்கள்!

- நிலவை.பார்த்திபன்

17/02/2013

கவிஞரே பார்த்து பதியுங்கள்
இதுவும் நன்றாகத்தான் இருக்கிறது
இதையுமே திருடிவிடப் போகிறார்கள் !!!

இந்த பதிவைத் துவங்கியவர் நன்றி கூறியுள்ளார் செம்மொழியான் பாண்டியன்

**krishnaamma** · **krishnaamma** Thu Jan 02, 2014 1:50 pm

உங்கள் கவிதைகளை திருடியவர்களை அருமையாக "வஞ்சகப்புகழ்ச்சியாக" , அன்பாக குட்டி இருக்கீங்க புன்னகை

ரொம்ப அருமை ! ஆனால் தலைப்பை பார்த்ததும் எனக்கு இப்படித்தோன்றியது

" எனதெருமைக் கவிதைத் திருடர்களே! ". ஜாலி

17/02/2013

அது எப்படியது?
நகலெடுத்துப் பதிந்த கவிதையை
நான்குபேர் பாராட்டும்போது
நாணமே இல்லாமல்
நன்றி சொல்ல
முடிகிறது உங்களால்
பிறர் கர்ப்பைத் திருடுவதும்
கற்பனையைத் திருடுவதும்
வேறல்ல ஒன்றுதான்!
கவிதையோடு சேர்த்து எங்கள்
கட்டை விரலையும்
திருடாதவரை நன்றுதான்!

வாசிக்கும் இதயங்களை
வார்த்தைகளால் வருடுபவனே
கவிஞன்!
வாசித்த கையோடு தன்
வலைப்பூவில் சேர்ப்பவன்
கயவன்!

இந்த வரிகள் உங்கள் கவிக்கு மேலும் வலுச்சேர்ப்பவை .

**விஸ்வாஜீ** · **விஸ்வாஜீ** Thu Jan 02, 2014 2:14 pm

நன்றாக எடுத்தவர் வருந்தும்படி கூறியுள்ளிர்கள் நண்பரே
உங்கள் கவிதையை பதிந்து அடியில் உங்கள் பெயர் இருந்தால் அது தவறில்லைதானே

**பார்த்திபன்** · 24/07/2011

krishnaamma wrote:உங்கள் கவிதைகளை திருடியவர்களை அருமையாக "வஞ்சகப்புகழ்ச்சியாக" , அன்பாக குட்டி இருக்கீங்க ரொம்ப அருமை ! ஆனால் தலைப்பை பார்த்ததும் எனக்கு இப்படித்தோன்றியது

" எனதெருமைக் கவிதைத் திருடர்களே! ".

மேற்கோள் செய்த பதிவு: 1042346

சகோதரிக்கு என் நன்றிகள்! எனதருமைக் கவிதைத் திருடர்களே! 1571444738

ஹ ஹ ஹா ....எனதெருமைக் கவிதைத் திருடர்களே! என்பதும் ஒரு வகையில் பொருத்தமாகத்தானே இருக்கிறது?

**பார்த்திபன்** · 24/07/2011

செம்மொழியான் பாண்டியன் wrote:அது எப்படியது?
நகலெடுத்துப் பதிந்த கவிதையை
நான்குபேர் பாராட்டும்போது
நாணமே இல்லாமல்
நன்றி சொல்ல
முடிகிறது உங்களால்
பிறர் கர்ப்பைத் திருடுவதும்
கற்பனையைத் திருடுவதும்
வேறல்ல ஒன்றுதான்!
கவிதையோடு சேர்த்து எங்கள்
கட்டை விரலையும்
திருடாதவரை நன்றுதான்!

வாசிக்கும் இதயங்களை
வார்த்தைகளால் வருடுபவனே
கவிஞன்!
வாசித்த கையோடு தன்
வலைப்பூவில் சேர்ப்பவன்
கயவன்!

இந்த வரிகள் உங்கள் கவிக்கு மேலும் வலுச்சேர்ப்பவை .

மேற்கோள் செய்த பதிவு: 1042350

நெஞ்சார்ந்த நன்றிகள் பாண்டியன்.

**பார்த்திபன்** · 24/07/2011

vishwajee wrote:நன்றாக எடுத்தவர் வருந்தும்படி கூறியுள்ளிர்கள் நண்பரே
உங்கள் கவிதையை பதிந்து அடியில் உங்கள் பெயர் இருந்தால் அது தவறில்லைதானே

மேற்கோள் செய்த பதிவு: 1042352

நிச்சயமாத் தவறில்லை. இன்னும் சொல்லப்போனால் மகிழ்ச்சியும்கூட. தங்கள் பாராட்டிற்கு என் நன்றிகள். எனதருமைக் கவிதைத் திருடர்களே! 1571444738

**T.N.Balasubramanian** · **T.N.Balasubramanian** Thu Jan 02, 2014 6:05 pm

திருடுவது மனதிற்கு கஷ்டத்தை கொடுக்கும்--முதல் முறை.
யாரும் கண்டுபிடிக்கவில்லை என்றால்---இன்ப மேலிட்டால் தொடருவார்கள்.
கவிதை மட்டும் இல்லை --பொருளை திருடுபவர்கள் , கதைகளை திருடுபவர்கள் ,பிறர் மனையாளை திருடுபவர்கள், இசை திருடர்கள் -அதிக அளவில் இந்தியாவில் இருக்கிறார்கள்.
நன்றி கூற நாணுபவர்கள்.
ஒப்பனையில், தான் அழகென்று பறை சாட்டுபவர்கள். --- மதியீனர்கள்.
இவற்றை தடுத்து நிறுத்த முடியுமா?
வருந்தத்தான் முடியும் -பார்த்திபன்.
ரமணியன்

**krishnaamma** · **krishnaamma** Thu Jan 02, 2014 6:46 pm

பார்த்திபன் wrote:
krishnaamma wrote:உங்கள் கவிதைகளை திருடியவர்களை அருமையாக "வஞ்சகப்புகழ்ச்சியாக" , அன்பாக குட்டி இருக்கீங்க ரொம்ப அருமை ! ஆனால் தலைப்பை பார்த்ததும் எனக்கு இப்படித்தோன்றியது

" எனதெருமைக் கவிதைத் திருடர்களே! ".
மேற்கோள் செய்த பதிவு: 1042346

சகோதரிக்கு என் நன்றிகள்! ஹ ஹ ஹா ....எனதெருமைக் கவிதைத் திருடர்களே! என்பதும் ஒரு வகையில் பொருத்தமாகத்தானே இருக்கிறது?

ஹ ஹ ஹா ... :நல்வரவு: