நிமிர்ந்து நில் - ஒரு ஹீரோ - 147 வில்லன்கள்

**சிவா** · **சிவா** Tue 24 Dec 2013 - 19:39

இயக்குனர் சமுத்திரக்கனி இயக்கத்தில், வாசன் விஷூவல் வென்சர்ஸ் சார்பாக தயாரிக்கும் படம் நிமிர்ந்து நில். மிகப் பிரம்மாண்ட பொருட் செலவில் தயாராகும் இந்த ஆக்சன் படத்தில் ஜெயம் ரவி நாயகனாக இரண்டு கதாபாத்திரங்களில் நடிக்க, இவருக்கு ஜோடியாக அமலாபாலும், ராகினியும் நடிக்கிறார்கள்.

நரசிம்மா ரெட்டி என்கிற ஒரு கதாபாத்திரத்திற்காக சுமார் 12 கிலோ வரைக்கும் உடம்பை குறைத்திருக்கிறாராம்.

அதுமட்டுமல்லாமல் படத்தில் வரும் சண்டை காட்சிகளில் நடிக்கும்போது பல இடங்களில் என்னாகுமோ என்று பயந்து கொண்டுதான் நடித்தேன். அதை பார்த்த ஸ்டண்ட் மாஸ்டர் சிவா, எனக்கு எது வரும், வராது என அறிந்து அதன்படி சில காட்சிகளை மாற்றி அமைத்தார். இதில் வில்லன்கள் என்று பார்த்தால் மொத்தம் 147 பே‌ர் இருக்கிறார்கள். நான் சொல்வது உண்மையா பொய்யா என்று படம் வந்ததும் பாருங்கள் புரியும் என்கிறார் ரவி.

**சிவா** · **சிவா** Mon 30 Dec 2013 - 17:56

பெர்லின் திரைப்பட விழாவில் 'நிமிர்ந்து நில்'

பிப்ரவரி மாதம் நடைபெற இருக்கும் பெர்லின் சர்வதேச திரைப்பட விழாவிற்கு, சமுத்திரக்கனி இயக்கியிருக்கும் 'நிமிர்ந்து நில்' தேர்வாகியுள்ளது.

ஜெயம் ரவி, அமலா பால், சரத்குமார் , சூரி மற்றும் பலர் நடிப்பில் தயாராகி இருக்கும் படம் 'நிமிர்ந்து நில்'. சமுத்திரக்கனி இயக்கியிருக்கும் இப்படத்திற்கு ஜி.வி.பிரகாஷ் இசையமைத்திருக்கிறார். வாசன் விஷுவல்ஸ் நிறுவனம் தயாரித்திருக்கிறது.

பிப்ரவரி மாதம் ஜெர்மனியில் நடைபெற இருக்கும் பெர்லின் சர்வதேச திரைப்பட விழாவில் திரையிட 'நிமிர்ந்து நில்' தேர்வாகியிருக்கிறது. இப்படத்தின் இறுதிக்கட்டப் பணிகள் துரிதமாக நடைபெற்று வருகிறது.

பெர்லின் திரைப்பட விழாவிற்கு தேர்வாகி இருப்பது குறித்து ஜெயம் ரவி வெளியிட்டுள்ள அறிக்கையில், "எனது அடுத்த படமான ‘நிமிர்ந்து நில்’ பிப்ரவரி 14 ஆம் தேதி பெர்லினில் நடைபெறும் உலக திரைப்பட விழாவில் பங்கேற்க தேர்ந்தெடுக்கப்பட்டு இருக்கிறது.

’நிமிர்ந்து நில்’ என்னுடைய வாழ்க்கையில் மிக முக்கியமான ஒரு படம் .அந்த படத்தின் தரத்துக்கு ஏற்ப , படத்துக்கு இத்தகைய அங்கீகாரமும், பாராட்டும் கிடைத்து இருப்பது மகிழ்ச்சி தருகிறது. புது வருடம் எனக்கு இனிமையாக அமைய உள்ளது, மேலும் நல்ல சேதிகள் இந்த வருடம் வர போவது நிச்சயம்.” என்று தெரிவித்துள்ளார்.