உங்கள் குழந்தை படுக்கையை நனைக்கிறதா?

சுமார் 2-3 வயதுக்குள் குழந்தையின் சிறுநீர் கழிக்கும், மலம் கழிக்கும் பழக்கங்கள் சீராகி விடுகின்றன. மூச்சா, ஆச்சு என்று மழலையில் தனது அவசரத்தைத் தெரிவிக்க கற்றுக்; கொள்கின்றன. பள்ளிக்கு அனுப்பவும், வெளியில் அழைத்துச் செல்லவும் இந்த வயதும், பழக்கமும் அனு கூலமாக இருக்கின்றன. எனவே பெற்றோர்கள் தங்கள் குழந்தைகள் ஜட்டியை நனைப்பதை நிறுத்திவிட வேண்டும் என்றே எதிர்; பார்க்கிறார்கள்.

இந்த எதிர்பார்ப்பை பாதிப்பதாக சில குழந்தைகளுக்கு உறக்கத்தில் சிறுநீர் கழிக்கும் பழக்கம் அமைந்து விடுகிறது. இந்தப் படுக்கையை நனைக்கும் பழக்கத்தினால் குழந்தையின் ஜட்டி மட்டுமல்லாது இரவு உடைகள், படுக்கை, படுக்கை விரிப்பு, அருகில் படுத்திருப்பவரின் உடைகள் எல்லாமே நனைந்து விடுகின்றன. குழந்தை களின் தூக்கமும் கலைந்து விடுகிறது. அதனால் பெற்றோருக்கும், குழந்தைக்கும் எரிச்சல் உண்டாகிறது.

குழந்தையின் இந்தக் குறையை பல பேர் முன்னிலையில் சுட்டிக்காட்டவும், மற்ற குழந்தைகளுடன் ஒப்பிட்டுப் பேசவும், கிண்டல் செய்து அவமானப்படுத்தவும், பல பெற்றோர் முன்வருகின்றனர். இதனால் குழந்தைக்கு பெற்றோரிடம் வெறுப்பும், குற்ற உணர்வும், பயமும் அதிகரிப்பதைத் தவிர வேறு ஒரு பலனும் கிடைப்பதில்லை.

தன் உணர்வுக்கும், கட்டுப்பாட்டுக்கும் அப்பால் நடக்கும் இந்தச் செயலால் குழந்தையின் மனநிலை பாதிக்கப்படுகிறது. பெற்றோர் இந்த விஷயத்தை சாதாரணமாக எடுத்துக் கொள்ளாமல் கலாட்டா செய்வதாலும் நிலைமை இன்னும் மோசமாகி இரண்டு, மூன்று முறை படுக்கையை நனைக்கும் குழந்தைகளும் இருக்கின்றன.

இந்தப் பழக்கம் சில குழந்தைகளிடையே தினமும் நனைக்கும் பழக்கமாக உள்ளது. வேறு சில குழந்தைகள் வாரத் தில் ஒன்று அல்லது இரண்டு நாட்கள் நனைக்கும். சில குழந்தைகளோ எப்போதாவது ஒருநாள் நனைக்கும்.

இந்தப் படுக்கையை நனைக்கும் பழக்கத்திற்கு காரணம்தான் என்ன? பல மருத்துவ அறிஞர்களின் கருத்துப்படி:-

* சிலசமயம் இது பரம்பரை பழக்கமாகிறது. 75 சதவித குழந்தைகளின் பரம்பரைகளில் இந்தப் பழக்கம் இருந்திருக்கிறது.

* சில குழந்தைகளின் சிறுநீர்ப்பையின் அளவு சிறியதாக இருப்பதனால் சிறுநீரை அடக்கும் திறன் குறை வாகிறது.

* சிறுநீர்ப்பையில் இன் பெக்ஷன் அல்லது சிறுவர் களுக்கு சிறு வயது நீரிழிவு நோய் இருப்பதன் அறி குறியாகவும் கொள்ளலாம்.

* குழந்தை ஆழ்ந்து தூங்கும் பழக்கமும், தன்னுணர்வின்றி சிறுநீர் கழிப்பதன் காரணமாக இருக்கலாம்.

* மனநிலையைப் பொறுத்த காரணங்களும் இருக்கலாம். உணர்ச்சிகளை பாதிக்கும் சம்பவங்களினாலும் இந்தப் பழக்கம் இருக்கலாம்.

* இடைவெளியின்றி அடுத்த குழந் தையின் வரவு, பள்ளிக்கூடம் போகும் பழக்கம், பள்ளியில் உள்ள பயம், மிரட்டல், பெற்றோர் உறவில் விரிசல் போன்றவையும் குழந்தைக்கு இந்தப் பழக்கத்தை உண்டு பண்ணியிருக்கலாம்.

குழந்தை நல மருத்துவர்கள் இந்தப் பழக்கம் உள்ள குழந்தைகளை மிரட்டவோ, கடுமையாக நடத்தவோ கூடாது என்கிறார்கள்.குழந்தை வேண்டுமென்றே இதைச் செய்யவில்லை தன்னை மீறி நடக்கிறது என்பதை பெரியவர்களாகிய நாம் புரிந்துகொள்ள வேண்டும்.

குழந்தைகள் தூங்கப் போகுமுன்னும், நடுஇரவில் ஒருமுறையும், விடியற் காலையிலும் டாய்லட்டில் சிறுநீர் கழிக்கும் பழக்கத்தை நாம் கற்றுத்தர வேண்டும். நமது தூக்கத்தைக் கொஞ்சம் தியாகம் செய்து இரவில் எழுந்து குழந்தையை டாய்லெட் அழைத்துப் போய் வரவேண்டும். இரவு ஏழு மணிக்கு மேலே திரவ உணவுகளை முற்றிலுமாக நிறுத்தி விடலாம். இரவு பால் குடித்தவுடன் ஒரு முறை சிறுநீர் கழித்துவிடச் சொல்லவும். சாப்பாட்டுக்குப் பிறகு அரை டம்ளர் தண்ணீ ரோடு நிறுத்திக் கொள்ளுங்கள். படுக்கையில் சிறுநீர் கழிக்கும் குழந்தைக்கு எக்ஸ்ட்ரா ஆதரவையும், கவனிப்பையும் வழங்கிப் பாருங்கள் பலன் தரலாம்.