பூமித் தாய்க்கு புத்தாண்டு வணக்கம்

மாயன் · மாயன் Tue Dec 31, 2013 3:25 pm

என் தாத்தனுக்கும் எனக்கும்
தாயாக இருக்கும்
விசித்திரமானவள் அவள்

புற்று நோயால் பாதிக்கப்பட்டிருக்கிறாள்
ஆரம்பம் தெரியாது ஆனால்
வளர்ச்சி வெகுவிரைவாய் இருக்கிறது

மார்பகம் கருப்பை
இரத்தம் நுரையீரல்
எங்கும் வியாபித்திருக்கிறது

கட்டுப்பாடற்ற செல்கள்
அட்டூழியங்கள் செய்கின்றது
நல்ல செல்களை சீரழிக்கின்றது

இன்றைய நாளுடன்
இன்னொரு வருடம்
முடிகின்றது

புதுவருடத்தில் மாற்றமிருக்குமா
மருந்து கிடைக்குமா
தெரியாது

குறைந்த பட்சம்
அவள் தேகத்தை அரிக்காமல்
இற(ரு)ந்து போவதே என் கடமை

அம்மா.. என் பூமித் தாயே
இந்தாண்டில் உறுதி பூணுகிறேன்
உன் தேகம் சிறந்தோங்க
இந்த தேசம் தளைத்தோங்க
இயற்க்கையை பாதுகாப்பேன்
என்னால் ஆனமட்டும்