ஆஸ்திரேலியாவில் இந்திய மாணவன் மீது தாக்குதல்; கோமா நிலையில் உள்ள பரிதாபம்

by **சிவா** Mon Dec 30, 2013 6:33 pm

ஆஸ்திரேலியாவின் மெல்போர்ன் நகரில் படித்து வந்த இந்திய மாணவர் ஒருவரை 9 பேர் கொண்ட கும்பல் தாக்கியதில் படுகாயமடைந்த அவர் கோமா நிலையில் உள்ளார்.

மெல்போர்னில் படித்துவந்த 20 வயதான மன்ராஜ்விந்தர் சிங், அவரது நண்பர்களை சந்தித்துவிட்டு வீடு திரும்புகையில், ஒரு பெண் உள்பட 9 பேர் கொண்ட கும்பல் அவரை தாக்கியதில் பலத்த காயமடைந்த அவர் கோமா நிலைக்குச் சென்றுள்ளதாக அந்நாட்டு ஊடகங்கள் தெரிவிக்கின்றன.

அவர்கள் மாணவரின் முகத்தில் குத்தி கீழே தள்ளி அருகிலிருந்த கட்டையை எடுத்து அவரை சரிமாரியாக தாக்கியுள்ளனர்.

இத்தாக்குதலில் படுகாயமடைந்த அவர் அங்குள்ள ஆல்பிரட் மருத்துவமனையில் சேர்க்கப்பட்டார். மருத்துவமனையில் தீவிர சிகிச்சை பிரிவில் சேர்க்கப்பட்டுள்ள அவர் கோமா நிலையில் உள்ளதாக மருத்துவர்கள் கூறியுள்ளனர்.

by **krishnaamma** Mon Dec 30, 2013 7:42 pm

by **ராஜா** Tue Dec 31, 2013 11:09 am

என்ன தைரியம் இருந்தால் இந்திய சிங் மேல கைவச்சிருப்பானுங்க , இந்நேரம் இந்திய வெளியுறவு துறை போர்க்கால அவசரத்தில் களத்தில் இறங்கியிருக்குமே ....

by உதயசுதா Tue Dec 31, 2013 12:05 pm

அட சே இவனுக்காக எல்லாம் நாங்க உடனடியா செயலில் இறங்குறதா. அதை விட முக்கியமான வேலையெல்லாம் எங்களுக்கு இருக்கு. தவறே செய்து இருந்தாலும் பணபலம்,ஆள்பலம் இருக்கிறவங்களுக்குதான் நாங்க உதவி செய்வோம்.

இப்படிக்கு வெளியுறவு துறை.

by **ராஜா** Tue Dec 31, 2013 12:14 pm

உதயசுதா wrote:அட சே இவனுக்காக எல்லாம் நாங்க உடனடியா செயலில் இறங்குறதா. அதை விட முக்கியமான வேலையெல்லாம் எங்களுக்கு இருக்கு. தவறே செய்து இருந்தாலும் பணபலம்,ஆள்பலம் இருக்கிறவங்களுக்குதான் நாங்க உதவி செய்வோம்.இப்படிக்கு வெளியுறவு துறை.

ஐயோ பாவம் ..... புன்னகை

இவ்வளவு அப்பாவியா இருக்குறீங்களே