பனிசறுக்கில் விபத்து: கார் பந்தய வீரர் சூமாச்சர் படுகாயம்

**டார்வின்** · **டார்வின்** Mon Dec 30, 2013 2:59 pm

உலகின் நெ.1 கார் பந்தய வீரர் மைக்கேல் சூமாச்சர் பிரான்ஸின் ஆல்ப்ஸ் மலைப்பகுதியில் உள்ள மெரிபெல் நகரில் பனிச்சறுக்கு விளையாட்டில் ஈடுபட்டபோது, அங்குள்ள பாறை மீது அவரது தலை மோதி பலத்த காயமடைந்துள்ளதாக கூறப்படுகிறது.

பார்முலா ஒன் பந்தயங்களில் ஏழு முறை பட்டம் வென்றவரான மைக்கேல் சூமாச்சர் அவ்வப்போது பனிச்சறுக்கு விளையாட்டில் ஈடுபடுவது வழக்கம். அதேபோல் நேற்றும் பனிச்சறுக்கில் ஈடுபட்டிருந்தபோது பாறை ஒன்றின் மீது மோதியதில் பலத்த காயமடைந்த அவருக்கு முதலுதவி சிகிச்சை அளிக்கப்பட்டது.

முதலுதவி சிகிச்சை அளித்தபோது அவர் சுயநினைவோடு இருந்ததாக அவரை காப்பாற்றியவர்கள் தெரிவித்தனர். பின்னர், கிரெனோபில் பல்கலைக்கழக மருத்துவமனையில் சேர்க்கப்பட்ட அவருக்கு தீவிர சிகிச்சை அளிக்கப்பட்டு வருவதாக மருத்துவமனை வட்டாரங்கள் தெரிவித்துள்ளன.

விபத்துக்குள்ளானபோது சூமாச்சர் ஹெல்மெட் அணிந்திருந்தபோதிலும் அவருக்கு பலத்த காயம் ஏற்பட்டுள்ளதாக தெரிகிறது. தற்போது சூமாச்சர் கோமா நிலையில் உள்ளதாகவும், அவரது நிலைமை கவலைக்கிடமாக உள்ளதாகவும் மருத்துவர் மார்க் பெனாட் தெரிவித்துள்ளார். அவருக்கு தொடர்ந்து தீவிர சிகிச்சை அளித்துவருவதாகவும் அவர் மேலும் தெரிவித்தார்.

விபத்து நடந்துபோது சூமாச்சரின் 14 வயது மகனும் உடனிருந்ததாக அங்கிருந்து வரும் தகவல்கள் தெரிவிக்கின்றன.
malaimalar

**Muthumohamed** · **Muthumohamed** Mon Dec 30, 2013 9:07 pm

ஐயோ பாவம் கோமா நிலையில் அவர் இருக்கிறார் என்று செய்தி பார்த்தேன்

பனிசறுக்கில் விபத்து: கார் பந்தய வீரர் சூமாச்சர் படுகாயம்

பனிசறுக்கில் விபத்து: கார் பந்தய வீரர் சூமாச்சர் படுகாயம்

Re: பனிசறுக்கில் விபத்து: கார் பந்தய வீரர் சூமாச்சர் படுகாயம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக