தூம் 3 - விமர்சனம்

by **சிவா** Fri Dec 27, 2013 3:24 am

சிகாகோவில் ஜாக்கி ஷெராப் சர்க்கஸ் நிகழ்ச்சியை வங்கி மூலம் லோன் வாங்கி நடத்தி வருகிறார். அவருடைய மகன் ஆமிர்கான். ஒரு கட்டத்தில் வாங்கிய லோனை திருப்பி தர முடியாத நிலையில் வங்கியில் இருந்து சர்க்கஸை நடத்துவதை நிறுத்தி விடுகிறார்கள். இதனால் தன் மகன் கண்முன் ஷெராப் தற்கொலை செய்து கொள்கிறார். இதனால் அந்த வங்கி மீது கோபம் கொள்கிறார் ஆமிர்கான். இந்த கோபத்தால் ஆமிர்கான் பெரியவனாக வளர்ந்த பிறகு, அந்த வங்கியின் கிளைகளில் உள்ள பணத்தை கொள்ளையடிக்கிறார்.

அந்த பணத்தை வைத்து சர்க்கஸை தொடங்கி நடத்தி வருகிறார். அப்படி அவர் கொள்ளை சம்பவங்களை நடத்தும்போது ஒவ்வொரு முறையும் இந்தி மொழியில் ஏதோ எழுதி வைத்து வந்துவிடுகிறார். இந்தி மொழியை வைத்து அவர் இந்தியாவை சேர்ந்தவர் என முடிவெடுக்கும் சிகாகோ காவல்துறையினர் ஆமிர்கானை கண்டுபிடிக்க இந்தியாவில் இருந்து அபிசேக் பச்சான் மற்றும் உதய் சோப்ரா ஆகிய இரண்டு பேரை சிகாகோவுக்கு வரவழைக்கின்றனர். ஆமிர்கானை பிடிக்க பல்வேறு வழிகளில் இவர்கள் முயற்சித்தும் பலன் அளிக்காமல் போய் விடுகிறது. ஆமிர்கான் தப்பித்துக் கொண்டே இருக்கிறார்.

ஆமிர்கானை பற்றி கண்டுபிடிப்பதில் தீவிரம் காட்டும் அபிசேக் பச்சான் மற்றும் உதய் சோப்ரா, ஜாக்கி ஷெராப்க்கு இரண்டு மகன்கள் உள்ளனர். அவர்கள் இருவரும் ஒரே மாதிரியான தோற்றத்தைக் கொண்டவர்கள் என்று கண்டுபிடிக்கின்றனர். அதில் ஒருவர் கேத்ரினா கைப்பை காதலிக்கிறார். இதனை தெரிந்துக் கொண்ட போலீசார் கேத்ரினா மூலம் கொள்ளையடிக்கும் ஆமிர்கானை பிடிக்க திட்டம் தீட்டுகிறார்கள்.

இறுதியில் ஆமிர்கானை பிடித்தார்களா? அல்லது தப்பித்தாரா? என்பதே மீதிக்கதை.

ஆமிர்கான் கதாபாத்திரத்திற்கு கச்சிதமாக பொருந்துகிறார். சிறப்பான நடிப்பை வெளிப்படுத்தியுள்ளார். நடனக்காட்சிகளிலும், ஸ்டண்ட் காட்சிகளிலும் அசத்தவும் செய்கிறார். போலீசாக வரும் அபிசேக் பச்சான் மற்றும் உதய் சோப்ரா, கொடுத்த வேலையை சிறப்பாக செய்திருக்கிறார்கள். அழகாகவரும் கேத்ரினாவுக்கு காட்சிகள் மிகவும் குறைவு. ஒளிப்பதிவு படத்திற்கு கூடுதல் பலம். ப்ரீதம் சக்ரபொர்த்தி இசையில் பாடல்கள் சிறப்பாக இருந்தாலும் பின்னணி இசையில் மிகவும் கலக்கியிருக்கிறார்.

மொத்தத்தில் ‘தூம் 3’ தூள் பரத்துகிறது.

by **சிவா** Fri Dec 27, 2013 3:25 am

தினமலர் விமர்சனம்

லாஜிக் பார்க்காத மேஜிக் ஆக்ஷ்ன், அமீர்கானின் அற்புத நடிப்பு, விஜய் கிருஷ்ணா ஆச்சார்யாவின் விறுவிறு இயக்கம், எச்சில் ஊற வைக்கும் கத்ரீனா கைப்... சப்புக் கொட்ட வைக்கும் பாதாம் பாலாக... தூம் 3

1990... சிகாகோவில் 'தி கிரேட் இண்டியன் சர்க்கஸ்' கம்பெனி நடத்தும் இக்பால் கான் (ஜாக்கி ஷெரப்). அவருடைய அனைத்து கலைகளையும் அறிந்த மகன் ஜாகீர் (அமீர்கான்). 'வெஸ்டர்ன் பாங்க் ஆப் சிகாகோவில் வாங்கிய கடனுக்காக, நெருக்கும் வங்கி அதிகாரி. தான் நேசிக்கும் சர்க்கஸ் கம்பெனி மூடப்படப் போவதைக் தாங்காமல் தற்கொலை செய்து கொள்ளும் இக்பால். 2013... இளைஞனான ஜாகிர், வெஸ்டர்ன் வங்கியின் ஒவ்வொரு கிளையாக கொள்ளை அடிக்கிறான். அதனால் வங்கி திவாலாகிறது. இந்தியாவிலிருந்து வரும் காவல் அதிகாரி ஜெய் தீக்ஷித் (அபிஷேக் பச்சன்), தன் உதவியாளன் அக்பர் அலியுடன் (உதய் சோப்ரா) ஜாகிரை வளைத்து பிடிக்க எடுக்கும் முயற்சிகள் மொத்த கதை. ஜாகிர் பிடிபட்டானா? ஜெய் வெற்றி பெற்றாரா? என்பது க்ளைமாக்ஸ்.

வீரன் ஜாகிராகவும், பலவீன சமராகவும் பட்டையை கிளப்பியிருக்கிறார் அமீர். அம்சமான வளைவுகளுடன் கத்ரீனா வரும்போதெல்லாம், திறந்த வாயை மூட முடியவில்லை ரசிகனால்! அபிஷேக்பச்சன், தான் அமிதாப்பின் வாரிசு என்பதை அமர்க்களமாய் நிரூபித்திருக்கிறார். பலே! உதய் சோப்ரா... 'இந்தி' சந்தானம் என்றாலும்... முதல் மார்க் 'ஸ்டண்ட்' மாஸ்டர்களுக்குத்தான். ஆரம்ப மோட்டார் சைக்கிள் துரத்தல், அபிஷேக்கின் ஆட்டோ சண்டை, செங்குத்தான வானுயரக் கட்டிடச் சுவர்களின் மேல் அமீர் அசத்தலாக ஓடி வரும் காட்சி என... திக்குமுக்காட வைத்திருக்கிறார்கள். சபாஷ்!

150 கோடிகளை செலவு செய்திருக்கிறதாம் தூம் 3, 1000 கோடி வசூலானால் ஆச்சர்யமில்லை.

மொத்தத்தில், 'தூம்-3' - 'தூள்'

ரசிகன் குரல் - கல்யாணம்னு பண்ணினா கத்ரீனா மாதிரி ஒரு தேவதையைத்தான் கல்யாணம் பண்ணனும்.

by **சிவா** Fri Dec 27, 2013 3:35 am

தூம் 3 : சாதனை நாயகன் அமீர்கான்

அமீர்கான் நடிப்பில் வெளியாகி இருக்கும் 'தூம் 3' திரைப்படம் இந்தி பாக்ஸ் ஆபிஸில் அனைத்து சாதனைகளையும் முறியடித்து இருக்கிறது.

அமீர்கான், அபிஷேக் பச்சன், கத்ரீனா கைஃப், உதய் சோப்ரா நடிப்பில் வெளியாகி இருக்கும் படம் 'தூம் 3'. யாஷ் ராஜ் நிறுவனம் தயாரித்திருக்கிறது. விஜய் கிருஷ்ணா ஆச்சார்யா இயக்கி இருக்கிறார்.

டிசம்பர் 20ம் தேதி வெளியான இப்படம் பெரும் வரவேற்பை பெற்றிருக்கிறது. படம் வெளியான முதல் நாளில் சுமார் 36 கோடி வசூல் செய்திருக்கிறது. ஒரே நாளில் அதிகமாக வசூல் செய்த 'க்ரிஷ் 3' சாதனையை இப்படம் முறியடித்திருக்கிறது.

அதுமட்டுமன்றி, வெளியான 3 நாட்களில் 100 கோடிக்கும் அதிகமாக வசூல் செய்திருக்கிறது. 'சென்னை எக்ஸ்பிரஸ்', 'க்ரிஷ் 3' ஆகிய படங்கள் நான்கு நாட்களில் தான் 100 கோடி வசூலைத் தொட்டது. ஆனால் 'தூம் 3' படம் மூன்று நாட்களில் 100 கோடியைத் தாண்டியிருக்கிறது. வெளிநாடு பாக்ஸ் ஆபிஸிலும் பல்வேறு சாதனைகளை நிகழ்த்தியிருக்கிறது 'தூம் 3'.

இதனால், அமீர்கானை சாதனை நாயகன் என்று பல்வேறு பாலிவுட் விமர்சகர்கள் பாராட்டியிருக்கிறார்கள். முதல் 100 கோடி வசூலை தொட்டதது அமீர்கான் நடித்த 'கஜினி', முதல் 200 கோடி வசூலை தொட்டதது அமீர்கான் நடித்த '3 இடியட்ஸ்' என சாதனைகளை நிகழ்த்தியவர் அமீர்கான். கண்டிப்பாக 'தூம் 3' படத்தின் மூலம் 300 கோடியும் சாத்தியம் தான் என்று நிரூபிப்பார் என்று கூறியிருக்கிறார்கள்.

by **சிவா** Fri Dec 27, 2013 3:49 am

தூம்-3 பாகிஸ்தானிலும் வசூல் சாதனை!

அமீர்கான், அபிஷேக் பச்சன், கத்ரீனா கைப் நடித்த தூம் 3 சமீபத்தில் உலகம் முழுவதும் வெளியானது. பாகிஸ்தான் பழமைவாதிகளின் கடும் எதிர்ப்புகளுக்கிடையே 56 தியேட்டர்களில் ரிலீசானது. அன்றைய தினமே அதாவது ஒரே நாளிலேயே 2 கோடி ரூபாய் வசூலித்து சாதனை படைத்துள்ளது. இது பாகிஸ்தான் சினிமா வரலாற்றில் குறிப்பிடத்தக்க அம்சமாகும்.

அந்த நாட்டில் தயாரான நேரடி பாகிஸ்தானி படமான வார் ஒரே நாளில் ஒரு கோடியே 14 லட்சம் எசூலித்தது சாதனை அளவாக இருந்தது. இப்போது அதனை தூம் 3 முறியடித்துள்ளது.

by **krishnaamma** Fri Dec 27, 2013 10:53 am

வாவ் ! இங்கு தியேட்டர்களில் 600 to 1500 வரை போகிறது டிக்கெட், ஆனால் கிடைக்கலை , காத்திருந்து தான் பார்க்கணும் புன்னகை

by பாலாஜி Fri Dec 27, 2013 12:05 pm

krishnaamma wrote:வாவ் ! இங்கு தியேட்டர்களில் 600 to 1500 வரை போகிறது டிக்கெட், ஆனால் கிடைக்கலை , காத்திருந்து தான் பார்க்கணும்

மேற்கோள் செய்த பதிவு: 1041278

அதிர்ச்சி

by **krishnaamma** Fri Dec 27, 2013 12:17 pm

பாலாஜி wrote:
krishnaamma wrote:வாவ் ! இங்கு தியேட்டர்களில் 600 to 1500 வரை போகிறது டிக்கெட், ஆனால் கிடைக்கலை , காத்திருந்து தான் பார்க்கணும்
மேற்கோள் செய்த பதிவு: 1041278

மேற்கோள் செய்த பதிவு: 1041289
இதுக்கு எதுக்கு ஷாக் ஆகணும் பாலாஜி? புன்னகை

by பாலாஜி Fri Dec 27, 2013 12:20 pm

krishnaamma wrote:
பாலாஜி wrote:
krishnaamma wrote:வாவ் ! இங்கு தியேட்டர்களில் 600 to 1500 வரை போகிறது டிக்கெட், ஆனால் கிடைக்கலை , காத்திருந்து தான் பார்க்கணும்
மேற்கோள் செய்த பதிவு: 1041278

மேற்கோள் செய்த பதிவு: 1041289
இதுக்கு எதுக்கு ஷாக் ஆகணும் பாலாஜி?

மேற்கோள் செய்த பதிவு: 1041290

விலையை பார்த்துதான்

by **krishnaamma** Fri Dec 27, 2013 12:23 pm

பாலாஜி wrote:
krishnaamma wrote:
பாலாஜி wrote:
krishnaamma wrote:வாவ் ! இங்கு தியேட்டர்களில் 600 to 1500 வரை போகிறது டிக்கெட், ஆனால் கிடைக்கலை , காத்திருந்து தான் பார்க்கணும்
மேற்கோள் செய்த பதிவு: 1041278

மேற்கோள் செய்த பதிவு: 1041289
இதுக்கு எதுக்கு ஷாக் ஆகணும் பாலாஜி?
மேற்கோள் செய்த பதிவு: 1041290

விலையை பார்த்துதான்

மேற்கோள் செய்த பதிவு: 1041292

ஆமாம் பாலாஜி, விலையை 1500 என்று ஏற்றினால் தான் ஒரேநாளில் அதிக வசூல் காட்டமுடியும் என்று அமீர் கான் முடிவு செய்ததாக பேப்பரில் போட்டிருந்தார்கள் புன்னகை