தங்கம் விலை மற்றும் ரூபாய் மதிப்பு நிலவரம்

**சிவா** · **சிவா** Tue Nov 19, 2013 12:44 pm

தங்கம் விலை ரூ.56 குறைந்தது

சென்னை : தங்கம் விலை இன்று(நவ., 19ம் தேதி, செவ்வாய்கிழமை) சவரனுக்கு ரூ.56 குறைந்துள்ளது. சென்னை, தங்கம்-வெள்ளி சந்தையில் காலைநேர நிலவரப்படி 22காரட் ஒருகிராம் ஆபரணத்தங்கத்தின் விலை ரூ.2,901-க்கும், சவரனுக்கு ரூ.56 குறைந்து ரூ.23,208-க்கும், 24காரட் 10கிராம் தங்கத்தின் விலை ரூ.70 குறைந்து ரூ.30,720-க்கும் விற்பனையாகிறது.

வெள்ளியின் விலையும் குறைந்துள்ளது. ஒருகிராம் சில்லரை வெள்ளியின் விலை ரூ.1 குறைந்து ரூ.48.80-க்கும், பார்வெள்ளி கிலோவுக்கு ரூ.935 குறைந்து ரூ.45,595-க்கும் விற்பனையாகிறது.

**சிவா** · **சிவா** Tue Nov 19, 2013 12:45 pm

ரூபாயின் மதிப்பில் உயர்வு - ரூ.62.10

மும்பை : தொடர்ந்து நாளாவது நாளாக ரூபாயின் மதிப்பு உயர்ந்து வருகிறது. அமெரிக்க டாலருக்கு எதிராக யூரோ மற்றும் யென்னின் மதிப்பு உயர்ந்தது, அந்நிய செலவாணி சந்தையில் வங்கிகள் மற்றும் ஏற்றுமதியாளர்கள் தொடர்ந்து அமெரிக்க டாலர்களை அதிகளவு விற்பனை செய்து வருவது போன்ற காரணங்களால் ரூபாயின் மதிப்பில் உயர்வு காணப்படுகிறது.

இன்றைய(நவ., 19ம் தேதி) வர்த்தகநேர துவக்கத்தில் அமெரிக்க டாலருக்கு எதிரான இந்திய ரூபாயின் மதிப்பு 31 காசுகள் உயர்ந்து ரூ.62.10-ஆக இருந்தது. முன்னதாக நேற்று ரூபாயின் மதிப்பு 70 காசுகள் ஏற்றத்துடன் ரூ.62.41-ஆக முடிந்தது.

**ராஜா** · **ராஜா** Tue Nov 19, 2013 12:55 pm

இரண்டு மூன்று நாட்களாக இங்கு தங்கத்தின் விலை குறைவாக காணப்படுகிறது , என்ன காரணம் தல ?!

வீட்டம்மாவின் பிறந்தநாள் வேறு கிட்டத்தில் வர இருப்பதால் வயிற்றில் புளி கரைக்க ஆரம்பித்துவிட்டது ... அவ்வ்வ்வ் அய்யோ, நான் இல்லை

**சிவா** · **சிவா** Tue Nov 19, 2013 12:57 pm

ராஜா wrote:இரண்டு மூன்று நாட்களாக இங்கு தங்கத்தின் விலை குறைவாக காணப்படுகிறது , என்ன காரணம் தல ?!

வீட்டம்மாவின் பிறந்தநாள் வேறு கிட்டத்தில் வர இருப்பதால் வயிற்றில் புளி கரைக்க ஆரம்பித்துவிட்டது ... அவ்வ்வ்வ்

ஒருவேளை பிறந்த நாள் வருகிறது என்று குறைத்துவிட்டார்கள் போலும். 10 பவுனில் மட்டும் ஒரு செயின் செய்து கொடுத்துவிடுங்கள் போதும்!

**ராஜா** · **ராஜா** Tue Nov 19, 2013 1:05 pm

ஊருக்கு போனபோது திருச்சி விமான நிலையத்தில் கஸ்டம்ஸ் அதிகாரிகள் தங்கம் எல்லாம் எடுத்துவரக்கூடாது என சொல்லிவிட்டார்கள்(மிரட்டிவிட்டார்கள்) , அப்புறம் அப்படி இப்படி குழந்தைகளின் அணிகலன்கள் ஏற்கனவே பயன்படுத்திக்கொண்டிருந்தது தான் என சொல்லவும் விட்டுவிட்டார்கள். எனக்கு மனதிற்குள் ஒரே மகிழ்ச்சி
so 10 பவுன் அளவுக்கெல்லாம் பயம் கொள்ள தேவையில்லை புன்னகை

......

**சிவா** · **சிவா** Tue Nov 19, 2013 1:13 pm

ராஜா wrote:ஊருக்கு போனபோது திருச்சி விமான நிலையத்தில் கஸ்டம்ஸ் அதிகாரிகள் தங்கம் எல்லாம் எடுத்துவரக்கூடாது என சொல்லிவிட்டார்கள்(மிரட்டிவிட்டார்கள்) , அப்புறம் அப்படி இப்படி குழந்தைகளின் அணிகலன்கள் ஏற்கனவே பயன்படுத்திக்கொண்டிருந்தது தான் என சொல்லவும் விட்டுவிட்டார்கள். எனக்கு மனதிற்குள் ஒரே மகிழ்ச்சி
so 10 பவுன் அளவுக்கெல்லாம் பயம் கொள்ள தேவையில்லை ......

ஆம் தல! 50000 ரூபாய்க்கு மேல் நகை கொண்டுவந்தால் 36% வரி கட்ட வேண்டும். 40இன்ச் டிவிக்கு 12000 வரி!

ஆசைப்பட்டு எதையும் வாங்கிச் செல்ல முடியவில்லை!

**சிவா** · **சிவா** Wed Nov 20, 2013 5:43 pm

தங்கம் விலை ரூ.96 அதிகரிப்பு

சென்னை : தங்கம் விலை இன்று(நவ., 20ம் தேதி) சவரனுக்கு ரூ.96 அதிகரித்துள்ளது. அதேப்போல் வெள்ளியின் விலையும் உயர்ந்துள்ளது. சென்னை, தங்கம்-வெள்ளி சந்தையில், மாலைநேர நிலவரப்படி, 22காரட் ஒருகிராம் ஆபரணத்தங்கத்தின் விலை ரூ.2,901-க்கும், சவரனுக்கு ரூ.96 உயர்ந்து ரூ.23,208-க்கும், 24காரட் 10கிராம் தங்கத்தின் விலை ரூ.130 உயர்ந்து ரூ.30,720-க்கும் விற்பனையாகிறது.

வெள்ளியின் விலையும் உயர்ந்துள்ளது. ஒருகிராம் சில்லரை வெள்ளியின் விலை 40 காசுகள் உயர்ந்து ரூ.49.10-க்கும், பார்வெள்ளி கிலோவுக்கு ரூ.330 உயர்ந்து ரூ.45,890-க்கும் விற்பனையாகிறது.

**சிவா** · **சிவா** Wed Nov 20, 2013 5:44 pm

இந்திய ரூபாயின் மதிப்பில் சரிவு - ரூ.62.57

மும்பை : வாரத்தின் மூன்றாம் நாளான இன்று(நவ., 20ம் தேதி) ரூபாயின் மதிப்பு ஏற்றத்துடன் துவங்கியது. வர்த்தகநேர துவக்கத்தில் அமெரிக்க டாலருக்கு எதிரான இந்திய ரூபாயின் மதிப்பு 11 காசுகள் உயர்ந்து ரூ.62.25-ஆக இருந்தது. பின்னர் சிறிது நேரத்தில் சரிவை சந்தித்த ரூபாயின் மதிப்பு, வர்த்தகநேர முடிவில் 21 காசுகள் சரிந்து ரூ.62.57-ஆக முடிந்தது. முன்னதாக நேற்று ரூபாயின் மதிப்பு ரூ.62.36-ஆக இருந்தது.

**ayyasamy ram** · **ayyasamy ram** Wed Nov 20, 2013 6:04 pm

ஹாங்காங்: ஹாங்காங் தங்க மார்க்கெட்டில்
இன்று (நவம்பர் 20ம் தேதி) மாலை 03.00 மணி
நிலவரப்படி, 24 காரட் ஒரு கிராம் தங்கம்
விலை ரூ.2,563.91 ஆகவும்,

22 காரட் ஒரு கிராம் தங்கம் விலை
ரூ.2,350.13 ஆகவும் இருந்தது.

**சிவா** · **சிவா** Wed Nov 20, 2013 6:09 pm

ayyasamy ram wrote:ஹாங்காங்: ஹாங்காங் தங்க மார்க்கெட்டில்
இன்று (நவம்பர் 20ம் தேதி) மாலை 03.00 மணி
நிலவரப்படி, 24 காரட் ஒரு கிராம் தங்கம்
விலை ரூ.2,563.91 ஆகவும்,

22 காரட் ஒரு கிராம் தங்கம் விலை
ரூ.2,350.13 ஆகவும் இருந்தது.

தகவலுக்கு நன்றி!

நினைவிருந்தால் இந்தத் திரியில் தினமும் பதிவிடு்ங்கள்! (நான் அடிக்கடி மறந்துவிடுவேன்)

Sponsored content · Sponsored content

தங்கம் விலை மற்றும் ரூபாய் மதிப்பு நிலவரம்

தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

Re: தங்கம் விலை மற்றும் ரூபாய் மதிப்பு நிலவரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக