பழம்பெரும் நடிகை சாவித்திரி இறந்த நாள் (டிச.26- 1981)

கொம்மாரெட்டி சாவித்திரி என்ற சாவித்திரி 1935-ம் ஆண்டு டிசம்பர் மாதம் 6-ந்தேதி பிறந்தார். இவர் தென்னிந்தியத் திரைப்பட நடிகை, திரைப்பட இயக்குனர், தயாரிப்பாளர் ஆகியவற்றில் முத்திரை பதித்தார். இவர் தமிழ், தெலுங்கு, கன்னடம், இந்தி மொழிகளில் 318 படங்களில் நடித்திருக்கிறார்.

சாவித்திரி ஆந்திரப் பிரதேசத்தில் குண்டூரில் சிறாவூர் என்ற இடத்தில் நிசங்கார ராவ் குருவையா, சுபத்திராம்மா ஆகியோருக்குப் பிறந்தவர். சிஸ்டா பூர்ணையா சாத்திரிகளிடம் இசை மற்றும் நடனம் பயின்றார்.

இளம் வயதிலேயே மேடைகளில் தோன்றி நடித்தார். காதல் மன்னன் ஜெமினி கணேசனை திருமணம் செய்துகொண்டார். இவர்களுக்கு விஜயா சாமுண்டீஸ்வரி, சதீஷ்குமார் ஆகிய இரண்டு குழந்தைகள் பிறந்தனர். 1981-ம் ஆண்டு டிசம்பர் மாதம் 26-ந்தேதி மரணம் அடைந்தார்.

இதே தேதியில் நிகழ்ந்த முக்கிய நிகழ்வுகள்:-

* 1811 - வெர்ஜினியாவின் ரிச்மண்ட் நகரில் நாடக அரங்கில் இடம்பெற்ற தீவிபத்தில் வெர்ஜினியாவின் ஆளுநர் ஜார்ஜ் வில்லியம் ஸ்மித் இறந்தார்.

* 1825 - முதலாம் நிக்கலாஸ் மன்னனுக்கு எதிராக மூவாயிரத்துக்கும் அதிகமான ரஷ்ய ராணுவத்தினர் செனட் சதுக்கத்தில் திரண்டனர். இவர்களின் கிளர்ச்சி சார் மன்னனால் முறியடிக்கப்பட்டது.

* 1862 - ஐக்கிய அமெரிக்காவின் மினசோட்டாவில் 39 பேர் தூக்கிலிடப்பட்டனர்.

* 1870 - ஆல்ப்ஸ் மலைத்தொடருடான 12.8-கிமீ நீள ரெயில் சுரங்கப் பாதை அமைக்கப்பட்டது.

* 1882 - யாழ்ப்பாணம், மன்னார் உட்பட இலங்கையின் பல இடங்களிலும் பலத்த மழையுடன் சூறாவளி பெரும் சேதத்தை உண்டுபண்ணின.

* 1898 - ரேடியம் கண்டுபிடிக்கப்பட்டது.

* 1925 - இந்திய கம்யூனிஸ்ட் கட்சி ஆரம்பிக்கப்பட்டது.

* 1925 - துருக்கி கிரிகோரியன் நாட்காட்டிக்கு மாறியது.

* 1933 - பண்பலை வானொலி காப்புரிமம் பெறப்பட்டது.

* 1944 - ஆங் சான் பர்மாவின் நவீன ராணுவத்தை உருவாக்கினார்.

* 1943 - இரண்டாம் உலகப் போர்: நார்வேயில் ஜெர்மனிய போர்க்கப்பல் ஷார்ன்ஹோஸ்ட் பிரித்தானியக் கடற்படையினால் தாக்கி மூழ்கடிக்கப்பட்டது.

* 1948 - கடைசி சோவியத் இராணுவம் வட கொரியாவில் இருந்து விலகியது.

* 1973 - சோவியத்தின் சோயூஸ் 13 விண்கலம் ஒரு வார பயணத்தின் பின் பூமி திரும்பியது.

* 1974 - சோவியத்தின் சல்யூட் 4 விண்கலம் விண்ணுக்கு அனுப்பப்பட்டது.

* 1976 - நேபாள கம்யூனிஸ்ட் கட்சி (மாவோயிஸ்ட்) அமைக்கப்பட்டது.

* 1979 - சோவியத் விசேட படையினர் ஆப்கானிஸ்தானின் அதிபர் மாளிகையைக் கைப்பற்றினர்.

* 1985 - கொரில்லா பற்றி ஆய்வுகள் நடத்திய அமெரிக்கப் பெண் டயான் ஃபொசி கொல்லப்பட்டார்.

* 1986 - உலக மக்கள்தொகை 5 பில்லியனை எட்டியது

* 1991 - சோவியத் ஒன்றியம் கலைக்கப்பட்டது.

* 1998 - அயர்லாந்து, வடக்கு இங்கிலாந்து மற்றும் தெற்கு ஸ்கொட்லாந்தில் இடம்பெற்ற புயலால் பலத்த சேதம் ஏற்பட்டது.

* 2003 - தென்கிழக்கு ஈரானில் பாம் நகரில் ஏற்பட்ட 6.6 ரிக்டர் நிலநடுக்கத்தால் பல்லாயிரக்கணக்கானோர் மாண்டனர்.

* 2004 - இந்து சமுத்திரத்தில் ஏற்பட்ட 9.3 ரிக்டர் அளவு நிலநடுக்கம், சுனாமி ஆழிப்பேரலையை ஏற்படுத்தி இலங்கை, இந்தியா, இந்தோனேசியா, தாய்லாந்து, மலேசியா, மாலை தீவுகள் ஆகிய நாடுகளில் பலத்த சேதத்தை ஏற்படுத்தியது. 3,00,000 பேருக்கு மேல் இறந்தனர்.

* 2006 - சதாம் உசேனின் மேன்முறையீடு நிராகரிக்கப்பட்டு மரணதண்டனை உறுதி செய்யப்பட்டது.

நடிகையர் திலகம் சாவித்திரி அவர்களின் நினைவு தினத்தை ஞாபகப் படுத்தியதற்கு நன்றி சிவா அவர்களே!

இதே தேதியில் நிகழ்ந்த முக்கிய நிகழ்வுகள் பற்றிய தங்களது பதிவும் அற்புதம். அபூர்வமான செய்திகளைத் தருகிறீர்கள். நன்றி தங்களுக்கு.

பகிர்வுக்கு நன்றி தம்பி